Kôranh Oh Mon 10:22 - Nau Brah Ndu Ngơi 2023

²² Khân păng plơ̆ lah, “Kôranh tahan Kôrnei jêng bunuyh sŏng srăng, klach yơk ma Brah Ndu, lĕ rngôch phung Yuđa mbơh nkoch ueh ma păng. Geh tông mpăr kloh ueh, đă kuăl may hăn ta ngih păng, ŭch iăt nau may nti lah.”

Bunong Bible Latin Script Cambodian dialect

²² Khân păng ơh ma Pêtrôs: “Kôranh Kônelês i kôranh tahen Rôm đă hên hăn a dja. Păng jêng bunuyh sŏng, klach ma Kôranh Brah, geh ŏk phung Israel rnê păng jêng bunuyh ueh. Jêh ri geh đŏng du huê tông păr kloh ueh đă păng jă may hăn ta jay păng, gay ma iăt nau may nti.”

Bunong

²² ខាន់​ពាង់​អើស​មា​ពេត្រោស  ៖ “កោរាញ​កោនេលេស  ​អី​កោរាញ​តាហែន​រោម  ​ដាៈ​ហេន​ហាន់​អា​អ្យា។ ពាង់​ជេង​ឞូនុយ្ស​ឆ៝ង់ ក្លាច​មា​កោរាញ​ឞ្រាស គែស​អ៝ក់​ផូង​អីឆ្រាអែល  ​រានេ​ពាង់​ជេង​ឞូនុយ្ស​អ្វែស។ ជេសរី​គែស​ដ៝ង់​ទូ​ហ្វេ​តោង​ពារ់​ក្ល៝ស​អ្វែស​ដាៈ​ពាង់​ជាៈ​មៃ​ហាន់​តា​ជៃ​ពាង់ គៃ​មា​អ្យាត់​នាវ​មៃ​នតី”។

Kôranh Oh Mon 10:22 ပူးပေါင်းရင်းမြစ်များ

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Habakuk 2:4

Uănh hom, phung sưr rlau Mâu geh ôh nuih n'hâm sŏng; Ƀiălah bunuyh sŏng srăng mra gŭ rêh yor nau chroh păng nơm.

Mathay 1:19

Y-Yôsep, sai păng jêng du huê bunuyh sŏng srăng, mâu ŭch geh nau bêk prêng ôh yor ri păng ŭch lơi ndrôi păng ma nau ndâp.

Mathay 2:12

Jêh nau nây, tâm nau mbơi, Brah Ndu mbơh ma khân păng mâu ăn khân păng plơ̆ tay ma hađăch Hêrôt ôh, pôri khân păng plơ̆ sĭt ma n'gor khân păng nơm trong êng.

Markôs 6:20

yorlah Hêrôt klach ma Y-Yôhan, gĭt jêh păng jêng bunuyh sŏng srăng jêh ri bunuyh kloh ueh, rĭ dĭng king n'gang ma păng. Hađăch ŭch iăt Y-Yôhan ngơi, nđâp tơlah ăp tơ̆ jêh iăt nuih n'hâm hađăch vay rŭng răng.

Markôs 8:38

Yorlah mbu nơm prêng ma Gâp jêh ri ma nau Gâp ngơi tâm rnôk rô̆ văng tĭr tih mhĭk aơ, tâm ban lĕ Kon Bunuyh ăt mra prêng ma bunuyh nây, tơlah Păng ndrel ma phung tông mpăr kloh ueh văch tâm nau chrêk rmah Mbơ̆ Păng.”

Luka 2:25

Nôk nây, ta ƀon Yêrusalem geh du huê bunuyh sŏng srăng jêh ri gŭ sŏng, amoh păng Y-Simêôn. Păng kâp gân nau bonh leng phung Israel, jêh ri Brah Huêng Ueh gŭ ta klơ păng.

Luka 23:50

Geh du huê bunuyh amoh păng Y-Yôsep, kôranh pah kan ma Mpôl Kôranh Phat Dôih, jêng bunuyh ueh jêh ri sŏng srăng,

Luka 9:26

Yorlah tơlah mbu nơm mra bêk prêng ma Gâp jêh ri ma nau Gâp ngơi, Kon Bunuyh mra bêk prêng ma bunuyh nây tơlah Păng plơ̆ văch tâm nau chrêk rmah Păng, Mbơ̆ Păng jêh ri phung tông mpăr kloh ueh.

Yôhan 13:20

Nanê̆, Gâp lah ngăn ma khân may, mbu nơm rom bunuyh Gâp njuăl, jêng păng rom Gâp tâm ban lĕ; jêh ri mbu nơm rom Gâp, nâm bu ntĭt rom Nơm hŏ njuăl Gâp văch.”

Yôhan 17:20

Ơ Mbơ̆! Kon mâu ôh knŏng mbơh sơm ma phung aơ dơm, ƀiălah Kon mbơh sơm dăn đŏng ma phung bunuyh chroh ma Kon yor nau khân păng ngơi,

Yôhan 17:8

Yorlah Kon hŏ ăn jêh ma khân păng lĕ nau ngơi Mbơ̆ hŏ ăn ma Gâp. Khân păng sŏk dơn jêh, gĭt nanê̆ Kon luh tă bơh Mbơ̆ jêh ri chroh Mbơ̆ hŏ njuăl Kon.

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Yôhan 6:63

Brah huêng yơh ƀư ăn nau rêh, nglay săk mâu khlay ôh. Lĕ nau Gâp ngơi jêh ma khân may jêng huêng brah jêh ri nau rêh.

Yôhan 6:68

Y-Simôn Pêtrôs plơ̆ lah: “Ơ Kôranh Brah, mbu moh hên mra hăn tĭng? Kôranh Brah geh nau ngơi rêh n'ho ro,

Kôranh Oh Mon 10:2

Păng ơm jêng bunuyh ueh, lĕ rnăk vâl geh nau klach yơk ma Brah Ndu; păng vay ăn yô̆ âk ndơ ma phung ƀon lan jêh ri păng mbơh sơm kuăl Brah Ndu ƀaƀơ.

Kôranh Oh Mon 10:21

Y-Pêtrôs trŭnh hăn ndrel ma khân păng jêh ri lah: “Gâp yơh jêng nơm khân may joi. Moh nau khân may văch ta aơ?”

Kôranh Oh Mon 10:30

Y-Kôrnei plơ̆ lah: “Puăn nar pa năp aơ dơh, klăp lah mông aơ, jêng pe mông mhaơ, dôl gâp mbơh sơm tâm ngih gâp, ƀât lât geh du huê bunuyh nsoh ao rmah ƀlĭp tâm mpơl tanăp gâp

Kôranh Oh Mon 10:33

Pôri gâp njuăl bunuyh jă may, jêh ri may hŏ geh nuih n'hâm ueh văch ta aơ. Pôri aƀaơ, lĕ rngôch hên gŭ tanăp Brah Ndu, gay ma iăt lĕ rngôch nau Kôranh Brah hŏ ntăm jêh ma may.”

Kôranh Oh Mon 10:6

Păng dôl gŭ ndrel ma Y-Simôn, bunuyh blau nkra ntâu, tâm ngih dăch dak mƀŭt.”

Kôranh Oh Mon 11:14

Păng mra mbơh ma may lĕ nau ngơi gay tă bơh nĕ may jêh ri lĕ ngih may mra dơi tâm rklaih.’

Kôranh Oh Mon 22:12

Ta ƀon nây geh Y-Ananias jêng bunuyh gơih ngăn djôt prăp nau vay, lĕ rngôch phung Yuđa gŭ ta nây mbơh nkoch ueh ma păng.

Kôranh Oh Mon 24:15

Gâp geh nau kâp gân tâm Brah Ndu, tâm ban ma khân păng lĕ, nâm bu ntĭt phung sŏng srăng jêh ri phung kue mra geh nau dâk rêh tay.

Kôranh Oh Mon 6:3

Pôri, dăn phung oh nâu săch hom tâm phung khân may pơh nuyh geh nau lư ueh, bêng ma Brah Huêng Ueh jêh ri ma nau blau mĭn, hên mra jao nau kan aơ ma khân păng.

Samƀŭt Pôl Njuăl Ăn Ma Phung Nsing Ta Ƀon Rôm 1:17

Yorlah tâm Nau Mhe Mhan Ueh aơ, tâm mpơl jêh nau sŏng srăng Brah Ndu geh bơh nau chroh njŭn leo nau chroh, tâm ban geh nau nchih: “Bunuyh sŏng srăng mra rêh yor nau chroh.”

II Kôrintô 5:18

Lĕ rngôch nau nây luh bơh Brah Ndu, Nơm ăn ma he geh nau tâm nsĭr đah Păng tâm Brah Krist, jêh ri jao ma hên pah kan nau tâm nsĭr.

Nau Vay Nkah Tay 30:13

Păng mâu lĕ gŭ kơh tê̆ dak mƀŭt gay khân may ôp: ‘Mbu mra hăn rgăn kơh tê̆ dak mƀŭt jêh ri djôt leo păng sĭt ma hên, gay ma hên dơi tăng jêh ri tĭng kơt?’

I Timôthê 3:7

Ăn kôranh chiă uănh geh nau mbơh ueh bơh phung padih, gay mâu tŭp ôh tâm nau bêk prêng jêh ri tâm dăk brah mhĭk.

ហេឞ្រើ 10:38

Nơm sŏng srăng gâp mra gŭ rêh yor nau chroh, Ƀiălah tơlah plơ̆ rŭch Huêng gâp mâu hôm maak ôh.”

ហេឞ្រើ 11:2

N'hêl nanê̆ ngăn, ma nau chroh phung bunuyh kăl e geh nau mbơh ueh.

ហេឞ្រើ 12:23

dăch Phung Ngih Brah Ndu phung kon bôk rah, amoh săk khân păng nchih jêh tâm lĕ ndâr trôk. Khân may văch dăch Brah Ndu jêng Nơm Phat Dôih ma lĕ rngôch bunuyh, gŭ dăch huêng phung sŏng srăng geh nau ueh,

II Pêtrôs 3:2

gay nchih lĕ nau mbơh lor tă bơh phung nơm mbơh lor kloh ueh tâm ban đŏng lĕ nau vay Kôranh Brah jêh ri Nơm Tâm Rklaih he tă bơh phung kôranh oh mon nkoch tay.

III Yôhan 1:12

Lĕ rngôch mbơh nkoch nau ueh Y-Dêmêtrius da dê, nđâp nau ngăn tâm ban lĕ. Hên mbơh nkoch đŏng ma păng, jêh ri may gĭt nau hên mbơh nkoch jêng nau di ngăn.

Nau Tâm Mpơl 14:10

bunuyh nây mra nhêt ndrănh nau ji nuih mâu pot lai tă bơh Brah Ndu kêt tâm kachok nau Păng ji nuih, păng mra dơn nau nđêh nji tâm ŭnh jêh ri mô ŭnh tanăp phung tông mpăr kloh jêh ri tanăp Kon Biăp.