Kôranh Oh Mon 10:2 - Nau Brah Ndu Ngơi 2023

² Păng ơm jêng bunuyh ueh, lĕ rnăk vâl geh nau klach yơk ma Brah Ndu; păng vay ăn yô̆ âk ndơ ma phung ƀon lan jêh ri păng mbơh sơm kuăl Brah Ndu ƀaƀơ.

Bunong Bible Latin Script Cambodian dialect

² Păng lĕ rnăk vâl păng jêng bunuyh klach iăt nau Kôranh Brah. Păng ăn ŏk prăk yô̆ ma phung ƀon lan o ach ta phung Israel, ndrel ma mbơh sơm kuăl Kôranh Brah mro mrăng.

Bunong

² ពាង់​លែៈ​រានាក់​វ៝ល់​ពាង់​ជេង​ឞូនុយ្ស​ក្លាច​អ្យាត់​នាវ​កោរាញ​ឞ្រាស។ ពាង់​អ៝ន់​អ៝ក់​ព្រាក់​យោៈ​មា​ផូង​ប៝ន​លាន​អ៝​អាច​តា​ផូង​អីឆ្រាអែល  នទ្រែល​មា​មឞើស​ឆើម​ក្វាល់​កោរាញ​ឞ្រាស​មរ៝​មរាង់។

Kôranh Oh Mon 10:2 ပူးပေါင်းရင်းမြစ်များ

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

I Phung Hađăch 8:43

pôri dăn Kôranh Brah ta klơ trôk, jêng ntŭk May gŭ, rkêng tôr iăt jêh ri ƀư ma khân păng lĕ nau khân păng mbơh sơm dăn ma May, gay ma lĕ rngôch phung ƀon lan ta neh ntu dơi gĭt năl amoh Kôranh Brah jêh ri klach yơk ma May nâm bu phung ƀon lan Israel May, jêh ri gay ma bu gĭt năl ngih brah aơ gâp ndâk jêh ma May bu ntơ tâm amoh May.

II Nau Rêh Jêng 6:33

dăn ma May gŭ ta klơ trôk, jêng ntŭk gŭ May, rkêng tôr iăt jêh ri ƀư tĭng nâm lĕ rngôch nau bu năch nây kuăl mbơh sơm ma May, gay ma lĕ rngôch phung bunuyh ƀon lan ta neh ntu dơi gĭt năl amoh May, klach yơk ma May nâm bu phung ƀon lan Israel jêng phung ƀon lan May, jêh ri dơi gĭt năl ngih brah aơ gâp ndâk jêh, bu ntơ tâm amoh May.

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Nau Mprơ Ơm 102:15

Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 119:2

Ueh maak yơh phung djôt prăp nau Păng ntĭnh. Jêh ri tĭng joi Păng ma lĕ nuih n'hâm.

Nau Mprơ Ơm 25:5

Dăn leo gâp tâm nau ngăn May jêh ri ntĭm nti gâp, Yorlah May jêng Brah Ndu, Nơm rklaih gâp; Ăp nar gâp kâp gân May.

Nau Mprơ Ơm 41:1

Ueh maak yơh ma phung mêt uănh ma phung o ach! Tâm nar rêh ni, Brah Yêhôva mra rklaih bunuyh nây.

Nau Mprơ Ơm 55:17

Mhaơ, kêng ôi jêh ri nar nklang bôk, Gâp mra nter vơh, rđêng nđor, Nanê̆ Păng mra tăng bâr gâp.

Nau Mprơ Ơm 86:3

Ơ Kôranh Brah! Yô̆ nđach ma gâp, Yorlah ăp nar gâp kuăl dăn ma May.

Nau Mprơ Ơm 88:1

Ơ Yêhôva Brah Ndu jêng nau tâm rklaih gâp, Măng nâm nar gâp kuăl dăn tanăp May.

Nơm Nti 7:18

Ueh lơn, may djôt prăp nau aơ Ăt mâu lĕ mƀơk ti tă bơh nau ri, Yorlah bunuyh klach yơk ma Brah Ndu der bơh nau nây.

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Daniel 6:10

Tơlah Y-Daniel gĭt hađăch nchih amoh jêh tâm samƀŭt pôri păng lăp tâm ngih, hao tâm du jrô prêh, ntŭk geh mpông bloh jê̆ rle ma ƀon Yêrusalem. Ta nây, pe tơ̆ ăp nar păng chon kômâk mbơh sơm jêh ri mprơ tâm rnê ma Brah Ndu nâm bu păng vay ƀư ntơm saơm tât aƀaơ.

Daniel 6:16

Ta nây ro, tĭng nau hađăch ntăm, bu njŭn Y-Daniel tât jêh ri klŭp păng tâm trôm ntu yau mŭr. Hađăch lah ma Y-Daniel: “Ăn Brah Ndu may jêng Nơm may pah kan ƀaƀơ mra sâm rklaih may!”

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Mathay 25:17

Bunuyh dơn jêh bar talâng, dơi ntop bar talâng đŏng.

Luka 18:1

Brah Yêsu nkoch bri du nau hôr ma phung oh mon gay ăn khân păng mbơh sơm ƀaƀơ, lơi rdja nuih n'hâm ôh.

Luka 2:25

Nôk nây, ta ƀon Yêrusalem geh du huê bunuyh sŏng srăng jêh ri gŭ sŏng, amoh păng Y-Simêôn. Păng kâp gân nau bonh leng phung Israel, jêh ri Brah Huêng Ueh gŭ ta klơ păng.

Kôranh Oh Mon 10:22

Khân păng plơ̆ lah, “Kôranh tahan Kôrnei jêng bunuyh sŏng srăng, klach yơk ma Brah Ndu, lĕ rngôch phung Yuđa mbơh nkoch ueh ma păng. Geh tông mpăr kloh ueh, đă kuăl may hăn ta ngih păng, ŭch iăt nau may nti lah.”

Kôranh Oh Mon 10:31

jêh ri lah: ‘Hơi Kôrnei, Brah Ndu tăng jêh nau may mbơh sơm jêh ri Păng kah gĭt ma nau may ăn yô̆ ma bu.

Kôranh Oh Mon 10:35

ƀiălah tâm lĕ ntil mpôl bunuyh, mbu nơm klach yơk ma Kôranh Brah jêh ri ƀư nau sŏng srăng, Păng dơn bunuyh nây.

Kôranh Oh Mon 10:4

Păng klach ntrâng uănh ta tông mpăr Brah Ndu jêh ri ơh: “Ô Kôranh Brah, moh nau geh?” Tông mpăr plơ̆ lah: “Nau may mbơh sơm jêh ri ndơ may ăn yô̆ hao tât ta Brah Ndu jêh ri Brah Ndu kah gĭt nau nây.

Kôranh Oh Mon 10:7

Tơlah tông mpăr ngơi đah păng lĕ du jêh, Y-Kôrnei kuăl bar hê bunuyh tâm phung oh mon păng jêh ri du huê tahan klach yơk tâm dâng nau dơi păng,

Kôranh Oh Mon 11:14

Păng mra mbơh ma may lĕ nau ngơi gay tă bơh nĕ may jêh ri lĕ ngih may mra dơi tâm rklaih.’

Kôranh Oh Mon 13:16

Y-Pôl gŭ dâk, yơr ti vơch tâm nal jêh ri lah: “Hơi phung kon Israel jêh ri phung bunuyh klach yơk ma Brah Ndu, gŭ iăt hom:

Kôranh Oh Mon 13:26

Hơi phung oh nâu jêng phung kon sau Y-Abraham, jêh ri phung bunuyh klach yơk ma Brah Ndu, nau mbơh ma nau tâm rklaih aơ njuăl ma he yơh.

Kôranh Oh Mon 13:50

Ƀiălah phung Yuđa nsŭk phung bu ur sŏng srăng tâm phung bu yơk jêh ri phung kôranh chiă uănh tâm ƀon, nsŭk khân păng ƀư djơh ma Y-Pôl jêh ri Y-Ƀarnaƀas, mprơh lơi bar hê khân păng luh bơh n'gor khân păng.

Kôranh Oh Mon 18:8

Rnôk nây Y-Krispus, kôranh mât uănh ngih rƀŭn, ndrel ma lĕ rngôch ngih păng chroh ma Kôranh Brah. Geh đŏng âk phung Kôrintô iăt nau Y-Pôl nti lah, chroh jêh ri dơn nau ƀaptem.

Kôranh Oh Mon 2:5

Nôk nây geh phung Yuđa, phung sŏng srăng, bơh phung ƀon lan chiau meng văch njưh gŭ tâm ƀon Yêrusalem.

Kôranh Oh Mon 22:12

Ta ƀon nây geh Y-Ananias jêng bunuyh gơih ngăn djôt prăp nau vay, lĕ rngôch phung Yuđa gŭ ta nây mbơh nkoch ueh ma păng.

Kôranh Oh Mon 8:2

Phung klach yơk tâp Y-Êtiên jêh ri nhĭm nhhiăng rngot klâng ma păng âk ngăn.

Kôranh Oh Mon 9:11

Kôranh Brah lah: “Dâk hom, hăn tât ta ngih Y-Yuđas tâm trong bu rnha trong Sŏng, joi du huê amoh păng Y-Sôl gŭ ta ƀon Tars. Ri, păng gŭ mbơh sơm,

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

Kôranh Oh Mon 9:36

Ta ƀon Jôpa, geh du huê bu ur oh mon, amoh păng H'Tabitha, nâm bu ntĭt Dôrkas; păng ƀư âk kan ueh jêh ri vay ăn ndơ ma phung o ach.

Kôlôh 4:2

Nsrôih mbơh sơm hom ma lĕ nuih n'hâm, njrăng hom tâm nôk mbơh sơm jêh ri lah ueh.

I Têsalônik 5:17

mbơh sơm hom mâu rlu;

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”