Kôranh Oh Mon 1:8 - Nau Brah Ndu Ngơi 2023

⁸ Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”

Bunong Bible Latin Script Cambodian dialect

⁸ Yơn ma geh du nau Gâp ŭch ăn khân may gĭt: Tât Brah Huêng Ueh i kloh ueh jŭr gŭ ta săk khân may, khân may geh nau brah. Jêh ri nau khlay i khân may lĕ say lĕ tăng Gâp ntŭm nti Gâp jan nơh, khân may jan tơm mbơh nkoch ta ƀon Yêrusalem dja, ta ƀon êng ta bri Yuđa, ta bri Samari, jêh ri n'ho ma lam neh ntu dja.”

Bunong

⁸ យើន​មា​គែស​ទូ​នាវ​គ៝ប់​អុច​អ៝ន់​ខាន់​មៃ​គឹត៖ ត៝ត់​ឞ្រាស​ហ្វេង​អ្វែស​អី​ក្ល៝ស​អ្វែស​ជុរ​គុ​តា​ឆាក់​ខាន់​មៃ ខាន់​មៃ​គែស​នាវ​ឞ្រាស។ ជេសរី​នាវ​ខ្លៃ​អី​ខាន់​មៃ​លែៈ​ឆៃ​លែៈ​តាង់​គ៝ប់​នតុម​នតី​គ៝ប់​ជាន​នើស ខាន់​មៃ​ជាន​តើម​មឞើស​ងក៝ច​តា​ប៝ន​យេរូឆាលឹម  ​អ្យា តា​ប៝ន​អេង​តា​ឞ្រី​យូដា  តា​ឞ្រី​ឆាមារី  ជេសរី​នហ៝​មា​លាម​នែស​នតូ​អ្យា”។

Kôranh Oh Mon 1:8 ပူးပေါင်းရင်းမြစ်များ

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 98:3

Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 66:19

Gâp mra dơm du nau mbên ta nklang khân păng, jêh ri Gâp mra njuăl phung hôm gŭ rêh klen khân păng hăn tât ma lĕ bri dak jêng Tarsis, Pul, Lut, jêng phung geh blau pănh na, tât ma phung Tubal jêh ri phung Javan, tât ma lĕ gôl dak mƀŭt gŭ ngai, jêng lĕ ntŭk phung ê hŏ mâp tăng lư ôh nau lư n'găr Gâp jêh ri ê hŏ mâp saơ ôh nau chrêk rmah Gâp. Khân păng mra mbơh nau chrêk rmah Gâp ta nklang lĕ bri dak.”

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Mika 3:8

Ƀiălah bi ma gâp, gâp bêng ler ma nau dăng, Nau di jêh ri nau nuih n'hâm janh Yor Huêng Brah bơh Brah Yêhôva Gay mbơh ma Yakôb gĭt nau păng ƀư tih, Jêh ri ma phung Israel gĭt nau tih păng.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Mathay 24:14

Nau Mhe Mhan Ueh ma ƀon bri hađăch Brah Ndu bu mra mbơh nkoch lam neh ntu gay mbơh ma lĕ rngôch ntil mpôl bunuyh; nôk nây, nar nglĕ dŭt mra tât.

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Markôs 16:15

Păng lah ma khân păng: “Hăn hom lam neh ntu, mbơh nkoch Nau Mhe Mhan Ueh ma lĕ rngôch bunuyh.

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 10:19

Aơ, Gâp ăn jêh ma khân may nau dơi gay jot bêh, phung ndŭr vơng jêh ri lĕ nau ktang phung rlăng tâm dâng jâng. Mâu geh ndơ ƀư mhĭk ma khân may ôh.

Luka 24:29

Ƀiălah khân păng nchâp Păng: “Gŭ ndrel ma hên, yorlah trôk hŏ kêng mhaơ jêh ri nar dăch kêng măng jêh.” Pôri, Păng lăp gŭ ndrel ma khân păng.

Yôhan 15:27

Khân may mbơh ma Gâp tâm ban lĕ, yorlah khân may hŏ gŭ ndrel ma Gâp bơh saơm.”

Kôranh Oh Mon 1:22

ntơm bơh nar Y-Yôhan ƀư ƀaptem kŏ tât ta nar Brah Ndu chông Păng hao du luh tă bơh he, ăn geh du huê bunuyh ndrel ma he gay mbơh nkoch ma nau Brah Yêsu dâk rêh tay.”

Kôranh Oh Mon 1:5

Yorlah Y-Yôhan ƀư jêh ƀaptem ma dak, ƀiălah hôm djê̆ nar đŏng, khân may mra dơn nau ƀaptem ma Brah Huêng Ueh.”

Kôranh Oh Mon 13:31

Tâm âk nar, Păng hŏ tâm mpơl jêh ma phung hăn tĭng Păng ntơm bơh n'gor Galilê tât ta ƀon Yêrusalem; aƀaơ aơ khân păng mbơh nkoch Păng ma phung ƀon lan.

Kôranh Oh Mon 2:32

Brah Ndu hŏ ƀư ăn Brah Yêsu aơ dâk rêh tay; lĕ rngôch phung hên jêng nơm mbơh ma nau nây.

Kôranh Oh Mon 22:15

Yorlah may mra mbơh nkoch ma Păng tanăp lĕ rngôch bunuyh lĕ nau may hŏ saơ jêh ri tăng.

Kôranh Oh Mon 3:15

Khân may nkhĭt jêh Kôranh nau rêh, ƀiălah Brah Ndu hŏ ƀư ăn Păng dâk rêh tay tă bơh nau khĭt; hên jêng phung mbơh ma nau nây.

Kôranh Oh Mon 4:33

Phung kôranh oh mon sŏk nau brah toyh ngăn mbơh nkoch ma nau Kôranh Brah dâk rêh tay jêng Brah Yêsu, jêh ri Păng nkhŭt nau yô̆ toyh klơ lĕ rngôch bunuyh.

Kôranh Oh Mon 5:32

Hên jêng phung mbơh ma lĕ nau nây ndrel ma Brah Huêng Ueh, Nơm Brah Ndu ăn ma phung bunuyh tông bâr ma Păng.”

Kôranh Oh Mon 6:8

Y-Êtiên bêng ma nau yô̆ jêh ri nau brah, ƀư lĕ nau khlay jêh ri nau mbên khlay toyh ngăn tâm phung ƀon lan.

Kôranh Oh Mon 8:1

Y-Sôl tâm di ma nau nkhĭt Y-Êtiên. Tâm nar nây, Phung Ngih Brah Ndu tâm ƀon Yêrusalem lĕ geh nau ƀư mhĭk dŭt ngăn; lĕ rngôch phung chroh du êng êng tâm n'gor Yuđa jêh ri n'gor Samari. Hôm knŏng phung kôranh oh mon dơm.

Samƀŭt Pôl Njuăl Ăn Ma Phung Nsing Ta Ƀon Rôm 10:18

Ƀiălah gâp ôp: Bu mâu hŏ mâp tăng hĕ? Ngăn khân păng lĕ tăng jêh, yorlah: “Bâr phung mbơh hŏ huy lam neh ntu, Jêh ri nau khân păng hŏ mbơh jêh tât ta dŭt bri dŭt neh.”

Samƀŭt Pôl Njuăl Ăn Ma Phung Nsing Ta Ƀon Rôm 15:19

ma nau brah khlay ngăn jêh ri nau mbên khlay, ma nau dơi Brah Huêng Ueh Brah Ndu, gâp hŏ mbơh âk bunuyh gĭt Nau Mhe Mhan Ueh Brah Yêsu Krist lam ntŭk, tă bơh ƀon Yêrusalem jêh ri n'gor văr jŭm ma tât ta n'gor Iliri.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.