Kôranh Oh Mon 1:24 - Nau Brah Ndu Ngơi 2023

²⁴ Jêh nây khân păng mbơh sơm pô aơ: “Ơ Kôranh Brah, May jêng Nơm gĭt rah vah nuih n'hâm lĕ rngôch bunuyh, dăn mpơl ma hên gĭt tâm bar hê aơ, mbu nơm May hŏ săch jêh

Bunong Bible Latin Script Cambodian dialect

²⁴ Jêh ri khân păng leo băl mbơh sơm kơt nđa: “Hơi Kôranh! May gĭt nuih n'hâm dâng lĕ bunuyh, lah ndri dăn May mbơh ma hên, ah tă May ŭch kơih ta bar hê khân păng dja,

Bunong

²⁴ ជេសរី​ខាន់​ពាង់​លែវ​ឞាល់​មឞើស​ឆើម​កើត​នអា៖ “ហើយ​កោរាញ! មៃ​គឹត​នូយ្ស​នហ៝ម់​ទឹង​លែៈ​ឞូនុយ្ស លាស​នទ្រី​ទាន់​មៃ​មឞើស​មា​ហេន អាស​តាៈ​មៃ​អុច​កើយ្ស​តា​ឞារ​ហៃ​ខាន់​ពាង់​អ្យា‌

Kôranh Oh Mon 1:24 ပူးပေါင်းရင်းမြစ်များ

I Phung Hađăch 8:39

dăn Kôranh Brah klơ trôk, jêng ntŭk May gŭ, rkêng tôr iăt, yô̆ an, ƀư an jêh ri sâm mplơ̆ plơng ma ăp nơm tĭng nâm trong khân păng, jêh ri tĭng nâm lĕ nau Kôranh Brah gĭt năl tâm trôm nuih n'hâm khân păng, yorlah knŏng êng May dơi gĭt rah vah tâm nuih n'hâm kon bunuyh;

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

Nau Mprơ Ơm 44:21

Brah Ndu mâu mra sek uănh ôh nau nây? Yorlah Păng gĭt ntŭk ndâp tâm nuih n'hâm.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Hôr 15:11

Ƀon phung khĭt jêh ri ntŭk rai yot hôm e mpơl tanăp măt Brah Yêhôva, Lơ hô ma nây nuih n'hâm kon bunuyh!

Yêrêmi 11:20

Ơ Brah Yêhôva ma phung tahan! May phat dôih ma nau sŏng, sek uănh nuih n'hâm jêh ri nau mĭn, Dăn ăn ma gâp saơ nau plơng bôk Kôranh Brah ăn ma khân păng, Yorlah gâp mbơh jêh kan gâp ma May.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 20:12

Ơ Brah Yêhôva ma phung tahan, May jêng Nơm sek uănh bunuyh sŏng srăng, Nơm dơi uănh tâm nuih n'hâm jêh ri tâm nau mĭn. Ăn gâp saơ nau May har plơng bôk ma khân păng, Yorlah gâp hŏ ngơi nkoch jêh kan gâp ma May.

Nau Kơp Bunuyh 27:16

“Ơ Brah Yêhôva jêng Brah Ndu ma phung huêng lĕ rngôch nglay săk! Dăn Kôranh Brah săch du huê bunuyh ma phung tâm rƀŭn

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Kôranh Oh Mon 14:23

Jêh khân păng săch phung kôranh bu ranh tâm ăp Phung Ngih Brah Ndu, bar hê kôranh oh mon mbơh sơm, ât sông sa, jêh ri jao phung nây ma Kôranh Brah jêng Nơm khân păng rnơm nsing.

Kôranh Oh Mon 15:8

Brah Ndu jêng Nơm dơi gĭt nuih n'hâm ma lĕ rngôch bunuyh, hŏ mpơl Păng Nơm dơn phung bu năch dôl ăn Brah Huêng Ueh ma khân păng tâm ban ma he.

Kôranh Oh Mon 6:6

Khân păng tâm mpơl măt pơh nuyh nây ma phung kôranh oh mon; phung kôranh oh mon mbơh sơm pah ti ma phung bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 8:27

Nơm sek uănh nuih n'hâm bunuyh, gĭt rah vah nau mĭn Brah Huêng Ueh, yorlah Brah Huêng Ueh tĭng nâm nau mĭn Brah Ndu ŭch, mbơh sơm kơl an ma phung kloh ueh.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

I Samuel 14:41

Y-Sôl ngơi ma Brah Yêhôva: “Ơ, Yêhôva Brah Ndu phung Israel! Ăn nau mpơl nau nanê̆.” Bi Y-Jônathan jêh ri ma Y-Sôl, ƀiălah phung ƀon lan klaih.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”