Kôlôh 4:6 - Nau Brah Ndu Ngơi 2023

⁶ Ăn nau khân may ngơi geh nau rdơ̆ rbăn ƀaƀơ jêh ri ƀư kah nâm bu boh gay ma khân păng gĭt mâm nau plơ̆ lah ma ăp nơm.

Bunong Bible Latin Script Cambodian dialect

⁶ Dăn khân ay may mbơh ngơi ma nau rdơ̆ rbăn ƀaƀơ, nđâp ma ngơi geh nau khlay, gay ma ăn khân ay may gĭt mơm ƀă nau ơh ueh ma nau ôp ma dâng lĕ bunuyh.

Bunong

⁶ ទាន់​ខាន់​អៃ​មៃ​មឞើស​ងើយ​មា​នាវ​រាទឹ​រាឞាន់​បាបើ នអ៝ប់​មា​ងើយ​គែស​នាវ​ខ្លៃ គៃ​មា​អ៝ន់​ខាន់​អៃ​មៃ​គឹត​មើម​បាៈ​នាវ​អើស​អ្វែស​មា​នាវ​អោប​មា​ទឹង​លែៈ​ឞូនុយ្ស។

Kôlôh 4:6 ပူးပေါင်းရင်းမြစ်များ

I Nau Rêh Jêng 16:24

Nkoch tay hom nau chrêk rmah Păng ta nklang lĕ bri dak, Mbơh lĕ nau kan hih rhâl Păng ƀư jêh ma lĕ rngôch phung ƀon lan!

Nau Mprơ Ơm 105:2

Mprơ hom ma Păng, tâm rnê hom ma Păng! Mĭn rvê hom ma lĕ rngôch nau kan khlay Păng.

Nau Mprơ Ơm 119:13

Gâp dŏng bâr mbung gâp nkoch tay Lĕ nau vay ƀư bâr mbung May ntăm.

Nau Mprơ Ơm 119:46

Gâp mra nkoch mbơh nau ntĭnh bơh May tanăp phung hađăch Ƀiălah gâp mâu bêk ôh.

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Nau Mprơ Ơm 66:16

Ơ lĕ rngôch phung klach yơk mbah ma Brah Ndu, văch iăt hom, Gâp mra nkoch nau Păng ƀư jêh ma huêng gâp.

Nau Hôr 10:21

Bâr mbung bunuyh sŏng srăng siăm âk bunuyh rêh, Bi phung rluk khĭt yor mâu geh nau gĭt vât.

Nau Hôr 15:4

Mpiăt rdơ̆ rbăn jêng nâm bu tơm si nau rêh, Ƀiălah mpiăt kue ăn chah nuih n'hâm.

Nau Hôr 15:7

Bâr mbung bunuyh blau mĭn ăn bĭk nau gĭt rbăng, Bi nuih n'hâm phung rluk mâu dơi nâm bu pônây ôh.

Nơm Nti 10:12

Bâr mbung bunuyh blau mĭn ngơi luh nau bu yô̆, Ƀiălah nơm rluk ƀư rai păng nơm.

Êsêkiêl 43:24

May mra nhhơr biăp nây tanăp măt Brah Yêhôva, jêh ri phung kôranh ƀư brah sui boh ta klơ jêh ri nhhơr ƀư brah gŭch ma Brah Yêhôva.

Kan Lêvi 2:13

Ăn khân may ƀư kah boh tâm lĕ ndơ ƀư brah rnih môi. Mâu dơi nhhơr ôh ndơ ƀư brah rnih môi pưt boh yorlah boh jêng nau tâm rnglăp đah Brah Ndu khân may. Ăn khân may nhhơr boh ndrel ma lĕ rngôch ndơ nhhơr.

Mathay 5:13

Khân ay may jêng boh ma neh ntu, ƀiălah tơlah boh mâu hôm kah ôh, mâm bu mra ƀư kah păng? Păng mâu hôm khlay ôh, knŏng mƀăr lơi padih jêh ri bu jot plên ma jâng.

Markôs 9:50

“Boh jêng ndơ ueh, ƀiălah tơlah boh roh nau kah, mâm ƀư kah đŏng? Ăn khân may geh boh tâm nuih n'hâm khân may nơm, jêh ri gŭ đăp mpăn ndrăng khân may.”

Luka 4:22

Lĕ rngôch mbơh nkoch ueh ma Păng da dê, jêh ri hih rhâl ma lĕ nau ngơi bêng nau yô̆ luh bơh bâr mbung Păng. Khân păng ôp: “Mâu di hĕ bunuyh aơ jêng kon Y-Yôsep?”

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Nau Vay Nkah Tay 11:19

Ăn khân may ntĭm lĕ nau ngơi nây ma phung kon khân may, jêh ri nkah đŏng nôk khân may gŭ tâm vâl tâm ban ma dôl khân may hăn rŏ trong, dôl khân may lâng săk bê̆ch nđâp ma nôk khân may dâk.

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.