Kôlôh 3:5 - Nau Brah Ndu Ngơi 2023

⁵ Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

Bunong Bible Latin Script Cambodian dialect

⁵ Lah ndri ăn khân ay may nkhât lơi hŏm dâng lĕ ndơ djơh ta nuih n'hâm. Jêng nau tâm dŏng, nau kơnh hô ir, nau kơnh ma nau khơh kler, nau kơnh ma ndơ djơh, ndrel ma nuih n'hâm rvan kơnh geh ma drăp ndơ. Nau rvan kơnh geh ma drăp ndơ i nây jêng tâm ban ma yơk mbah brah êng.

Bunong

⁵ លាស​នទ្រី​អ៝ន់​ខាន់​អៃ​មៃ​ងខឹត​លើយ​ហ៝ម់​ទឹង​លែៈ​នទើ​អ្យើស​តា​នូយ្ស​នហ៝ម់។ ជេង​នាវ​តឹម​ទ៝ង់ នាវ​កើញ​ហោ​អីរ នាវ​កើញ​មា​នាវ​ខើស​ក្លែរ នាវ​កើញ​មា​នទើ​អ្យើស នទ្រែល​មា​នូយ្ស​នហ៝ម់​រាវាន​កើញ​គែស​មា​ទ្រាប់​នទើ។ នាវ​រាវាន​កើញ​គែស​មា​ទ្រាប់​នទើ​អី​នៃ​ជេង​តឹម​ឞាន​មា​យើក​មឞាស​ឞ្រាស​អេង។

Kôlôh 3:5 ပူးပေါင်းရင်းမြစ်များ

Nau Ngluh Êjipt 37:22

Lĕ rmlom kađen jêh ri lĕ n'gĭng jâng kađen nkrêp đah jâng kađen; lĕ rngôch ndơ nây ƀư ma mah chrêk chiăr n'hơ.

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Samƀŭt Pôl Njuăl Ăn Ma Phung Nsing Ta Ƀon Rôm 1:26

Yor nau nây Brah Ndu jao jêh ma khân păng ma nau kơnh ŭch khư ƀơ̆ ƀơch. Nđâp ma phung bu ur tâm rgâl jêh nau vay gŭ ur sai jêng nau mâu vay.

Samƀŭt Pôl Njuăl Ăn Ma Phung Nsing Ta Ƀon Rôm 1:29

Khân păng bêng ma ăp ntil nau kue, nau tih mhĭk, nau kơnh, nau ƀai; nuih n'hâm bêng ma nau keh nach, nau nkhĭt bunuyh, nau tâm lah tâm djrel, nau mƀruh nchơt, nau hăt janh;

Samƀŭt Pôl Njuăl Ăn Ma Phung Nsing Ta Ƀon Rôm 6:13

Lơi nhhơr lĕ kô̆ săk jăn khân may ƀư ndơ dŏng djơh mhĭk ma nau tih, ƀiălah nhhơr hom khân may nơm ma Brah Ndu tâm ban ma phung bunuyh hŏ dâk rêh tay jêh bơh nau khĭt, jêh ri nhhơr lĕ kô̆ săk jăn khân may nơm ƀư ndơ dŏng nau sŏng srăng ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 6:6

He gĭt jêh ma bunuyh ơm he pâng kđĭn jêh ta si tâm rkăng ndrel ma Păng, gay ma kon bunuyh tih geh nau ƀư rai lơi, jêh ri he mâu hôm jêng dĭk ma nau tih ôh.

Samƀŭt Pôl Njuăl Ăn Ma Phung Nsing Ta Ƀon Rôm 7:23

ƀiălah gâp gĭt tâm săk jăn gâp du nau vay êng tâm lơh đah nau vay tâm nau mĭn gâp, nchâp gâp ƀư dĭk ma nau vay nau tih, jêng nau vay gŭ tâm săk jăn gâp.

Samƀŭt Pôl Njuăl Ăn Ma Phung Nsing Ta Ƀon Rôm 7:5

Dôl he hôm gŭ rêh tâm nglay săk, lĕ nau kơnh mhĭk ma nau tih tâm nau vay, ƀư tâm lĕ kô̆ săk jăn he gay ma geh play kao ma nau khĭt.

Samƀŭt Pôl Njuăl Ăn Ma Phung Nsing Ta Ƀon Rôm 8:13

Yorlah tơlah khân may gŭ rêh tĭng nâm nglay săk, khân may mra khĭt; ƀiălah tơlah ma Brah Huêng Ueh ƀư ăn khĭt kan tĭng nâm săk jăn, khân may mra rêh.

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

I Kôrintô 6:13

“Ndơ sông sa yor ma ndŭl jêh ri ndŭl yor ma ndơ sông sa,” Brah Ndu mra ƀư rai nau nây nđâp ma nau ri. Săk jăn mâu yor ma nau văng tĭr ôh, ƀiălah yor ma Kôranh Brah, jêh ri Kôranh Brah yor ma săk jăn.

I Kôrintô 6:18

Der hom nau văng tĭr. Lĕ rngôch nau tih bu ƀư tih jêng padih săk jăn, ƀiălah nơm ƀư nau văng tĭr jêng ƀư tih ma săk jăn păng nơm.

II Kôrintô 12:21

Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.

Êphêsô 4:19

Khân păng roh lĕ nau gĭt mĭn, mƀơk khân păng nơm tâm nau ƀai, kơnh ŭch ƀư lĕ rngôch ndơ ƀơ̆ ƀơch.

Kôlôh 2:11

Tâm Păng, khân may đŏng dơn nau koh ntâu, mâu di ti kon bunuyh ƀư, ƀiălah jêng nau koh ntâu bơh Brah Krist, nâm bu ntĭt doh lơi nau ŭch tâm nglay săk he.

I Têsalônik 4:3

Yorlah nau mĭn Brah Ndu ŭch khân may dơi geh nau kloh ueh, ăn der ngai nau văng tĭr;

I Têsalônik 4:5

lơi tŭp tâm nau văng tĭr blă blơ nâm bu phung bu năch, jêng phung bunuyh mâu gĭt năl Brah Ndu.

I Timôthê 6:10

Yorlah nau rŏng ma prăk jêng tơm reh ma lĕ rngôch nau mhĭk, ƀaƀă bunuyh yor ma tĭng joi prăk hŏ chalơi nau chroh, sŏk dơn êng ma khân păng nơm âk nau rêh ni hâu ngăn.

ហេឞ្រើ 12:16

Uănh njrăng hom, lơi geh du huê jêng văng tĭr, mâu lah roh nau khư nâm bu Y-Êsau, yor ma du ntil ndơ sông sa, nơm tăch nau dơi kon bôk rah.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

Yakơ 4:1

Mbah tă luh lĕ nau tâm lơh, nau tâm djrel tâm phung khân may? Mâu di hĕ păng luh tă bơh nau nglay săk ŭch dôl tâm lơh tâm kô̆ săk jăn khân may?

I Pêtrôs 2:11

Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.