Kôlôh 3:19 - Nau Brah Ndu Ngơi 2023

¹⁹ Hơi phung sai, rŏng hom ma ur khân may nơm, lơi ƀư nau djơh mhĭk ma păng.

Bunong Bible Latin Script Cambodian dialect

¹⁹ Ơ kônh va i lĕ geh ur, rŏng hŏm đah ur khân may nơm, lơi ôh jan djơh ma păng.

Bunong

¹⁹ អើ​កោញ​វា​អី​លែៈ​គែស​អូរ រ៝ង់​ហ៝ម់​ដាស​អូរ​ខាន់​មៃ​នើម លើយ​អោស​ជាន​អ្យើស​មា​ពាង់។

Kôlôh 3:19 ပူးပေါင်းရင်းမြစ်များ

Nau Ntơm 24:67

Y-Isăk leo H'Rêbêka tâm ngih bok H'Sara, me păng, sŏk H'Rêbêka jêng ur jêh ri rŏng ma păng. Pôri, Y-Isăk geh nau bonh leng jêh khĭt me păng.

Nơm Nti 9:9

Gŭ rêh hâk răm hom ndrel ur may rŏng jêh ri rêh lôch lĕ rngôch nar dơm dam ăn jêh ma may, tâm dâng nar. Yorlah nây jêng kô̆ bu pă ma may tâm nau rêh, jêh ri tâm nau kan may ƀư hŏt ra-ah tâm dâng nar, dôl tâm lĕ nar dơm dam ma may.

Luka 14:26

“Tơlah mbu moh văch gay tĭng Gâp ƀiălah mâu tâm rmot ma mbơ̆ mê̆, ur kon, phung nâu oh, yuh oh păng jêh ri nđâp ma nau rêh păng nơm, ndri mâu dơi jêng oh mon Gâp.

Samƀŭt Pôl Njuăl Ăn Ma Phung Nsing Ta Ƀon Rôm 3:14

“Trôm mbung khân păng bêng ma lĕ nau rtăp rak jêh ri nau rngot ngăn ngên.”

Êphêsô 4:31

Ngroh lơi hom bơh khân may lĕ nau khek, nuih n'hâm hăt janh, nau ji nuih, nau nter, nau suai rak, ndrel ma lĕ nau djơh mhĭk.

Êphêsô 5:25

Hơi phung sai, rŏng hom ma ur khân may nơm nâm bu Brah Krist rŏng jêh ma Phung Ngih Brah Ndu, jao săk jăn yor Phung Ngih Brah Ndu,

Êphêsô 5:33

Pônây ăn ăp nơm tâm khân may rŏng ma ur păng nơm nâm bu rŏng ma păng nơm, jêh ri ăn ur yơk ma sai păng.

Kôlôh 3:21

Hơi phung mbơ̆, lơi lŏk lôr phung kon khân may nơm, klach lah khân păng rdja nuih n'hâm.

Yakơ 3:14

Ƀiălah tơlah khân may geh nau tâm rmot ma nau rngot ngăn ngên jêh ri tâm djrel tâm nuih n'hâm, lơi ta rnê êng nơm mâu lah sŏk nau ngơi mƀruh tâm rdâng đah nau ngăn.

I Pêtrôs 3:7

Phung bunuyh ƀư sai tâm ban lĕ, tâm mpơl hom nau gĭt rbăng nôk khân may gŭ rêh ndrel ma ur khân may nơm, yơk ur nâm bu đah phung rdja lơn, yorlah khân păng mra ndrel ma khân may dơn nau rêh bơh nau yô̆, gay mâu geh du ntil ndơ king nau khân may mbơh sơm.