Kan Lêvi 9:7 - Nau Brah Ndu Ngơi 2023

⁷ Jêh nây Y-Môis lah ma Y-Arôn: “Nâu văch hom dăch ta nơng ƀư brah nhhơr ndơ ƀư brah chuai nau tih jêh ri ndơ ƀư brah gŭch gay ƀư ndơ ƀư brah chuai nau tih ma may nơm jêh ri ma phung ƀon lan, jêh nây nhhơr ndơ ƀư brah bơh phung ƀon lan jêh ri ƀư ndơ ƀư brah chuai nau tih ma khân păng, tĭng nâm Brah Yêhôva ntăm nti jêh.”

Kan Lêvi 9:7 ပူးပေါင်းရင်းမြစ်များ

Kan Lêvi 16:11

Pôri, Y-Arôn mra djôt ndrôk jêng mpa ƀư brah chuai nau tih ma păng nơm jêh ri nkhĭt ndrôk nây gay ƀư nau rƀŭn chuai nau tih ma păng nơm jêh ri ma ngih păng nơm.

Kan Lêvi 16:24

Păng mra ŭm săk jăn păng tâm du ntŭk kloh ueh, nsoh tay bok ao păng nơm jêh ri hăn luh nhhơr ndơ ƀư brah gŭch ma păng nơm jêh ri ndơ ƀư brah gŭch ma phung ƀon lan, gay ƀư nau rƀŭn chuai nau tih ma păng nơm jêh ri ma phung ƀon lan.

Kan Lêvi 16:6

Y-Arôn mra nhhơr ndrôk jêng ndơ ƀư brah chuai nau tih ma păng nơm jêh ri nkra nau rƀŭn chuai nau tih ma păng nơm jêh ri ma ngih păng nơm.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 8:34

Brah Yêhôva hŏ ntăm nti jêh ma khân may ăn ƀư tâm ban ma he hŏ ƀư jêh nar aơ gay chuai nau tih ma nâu jêh ri phung kon bu klâu nâu.

Kan Lêvi 9:2

jêh ri lah ma Y-Arôn: “Nhŭp hom du mlâm ndrôk nkuăng ƀư ndơ ƀư brah chuai nau tih, du mlâm biăp nkuăng ƀư ndơ ƀư brah gŭch; lĕ bar mlâm mâu geh têl khap ôh jêh ri nhhơr tanăp Brah Yêhôva.

ហេឞ្រើ 5:1

Ăp nơm kôranh ƀư brah toyh geh nau săch jêh bơh kon bunuyh jêh ri geh sâm dơm gay ntrok an ma kon bunuyh pah kan ma Brah Ndu, gay nhhơr ndơ bu nhhơr jêh ri mpa ƀư brah yor nau tih.

ហេឞ្រើ 5:3

Yor nau nây, ăn păng nhhơr mpa ƀư brah ma nau tih păng nơm, nâm bu yor nau tih phung ƀon lan lĕ.

ហេឞ្រើ 9:7

Ƀiălah tâm jrô tal bar, knŏng kôranh ƀư brah toyh lơn lăp ta nây du tơ̆ du năm, jêh ri djôt leo mham gay nhhơr ndơ ƀư brah chuai nau tih ma păng nơm jêh ri ma phung ƀon lan.

I Samuel 3:14

Yor ri, Gâp sơm ton ma ngih Y-Êli pô aơ nau tih ngih nây mâu mra dơi chuai ma mpa ƀư brah mâu lah ma ndơ nhhơr ôh.”