Kan Lêvi 9:3 - Nau Brah Ndu Ngơi 2023

³ Ăn may lah hom ma phung ƀon lan Israel pô aơ: ‘Ăn khân may nhŭp hom du mlâm be nkuăng ƀư ndơ ƀư brah chuai nau tih, du mlâm ndrôk kon jêh ri du mlâm biăp kon, lĕ bar mlâm nây mâu geh têl khap ôh jêh ri geh du năm, gay ƀư ndơ ƀư brah gŭch,

Kan Lêvi 9:3 ပူးပေါင်းရင်းမြစ်များ

Nau Ntơm 37:31

Phung nâu Y-Yôsep nkhĭt du mlâm be nkuăng, jêh nây sŏk ao jâr Y-Yôsep trăm ao nây tâm mham.

Êsra 10:19

Khân păng ton mprơh lơi ur bu năch jêh ri nhhơr du mlâm biăp nkuăng ƀư ndơ ƀư brah chuai nau ƀư tih khân păng nơm.

Êsra 6:17

Tâm nau rƀŭn nhhơr ngih brah aơ ma Brah Ndu, khân păng nhhơr du rhiăng mlâm ndrôk nkuăng, bar rhiăng mlâm biăp nkuăng, puăn rhiăng mlâm biăp kon, jêh ri tĭng nâm rnoh phung ndŭl mpôl Israel, khân păng ăt nhhơr jât ma bar mlâm be nkuăng ƀư ndơ ƀư brah chuai nau tih ma lĕ rngôch phung Israel.

Nau Ngluh Êjipt 12:5

Nhŭp hom tâm mpôl phung biăp mâu lah tâm mpôl phung be khân may, du mlâm biăp kon nkuăng mâu lah be kon nkuăng tâm du năm, mâu geh têl khap ôh;

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Kan Lêvi 10:16

Dôl Y-Môis ôp ma Y-Êlêasar jêh ri Y-Ithamar, hŏ be nkuăng dŏng ƀư ndơ ƀư brah chuai nau tih, jêh ri saơ bu hŏ gŭch jêh păng. Pôri Y-Môis ji nuih ma Y-Êlêasar jêh ri Y-Ithamar jêng bar hê kon bu klâu Y-Arôn hôm e, jêh ri lah:

Kan Lêvi 12:6

Tơlah lôch jêh nar ƀư kloh păng nơm, nđâp lah deh kon bu klâu mâu lah kon bu ur, ăn bu ur nây djôt tât ma kôranh ƀư brah ta mpông Ngih Bok Nau Tâm Rƀŭn du mlâm biăp kon du năm gay ƀư ndơ ƀư brah gŭch jêh ri du mlâm sĭm plŭk mâu lah du mlâm sĭm ntơp jêng ndơ ƀư brah chuai nau tih.

Kan Lêvi 14:10

Ta nar tal pham, păng mra nhŭp bar mlâm biăp nkuăng mâu têl khap ôh, du mlâm biăp me du năm mâu têl khap, pe kilô rnih môi tâm pot dak ngi ƀư ndơ ƀư brah rnih môi jêh ri du kô̆ tâm pe lit dak ngi.

Kan Lêvi 16:15

Jêh nây, Y-Arôn nkhĭt be nkuăng dŏng ƀư ndơ ƀư brah chuai nau tih ma phung ƀon lan, jêh nây djôt mham lăp tâm trôm blah bok, jêh ri sŏk đŏng mham păng mbrih ta mpeh luh nar ta ndrŭp nau yô̆ an, ntĭt jêng panăp ndrŭp nau yô̆ an, nâm bu lĕ dŏng jêh mham ndrôk.

Kan Lêvi 16:5

Y-Arôn dơn đŏng ndơ bơh phung Israel tâm rƀŭn, bar mlâm be nkuăng jêng ndơ ƀư brah chuai nau tih jêh ri du mlâm biăp nkuăng jêng ndơ ƀư brah gŭch.

Kan Lêvi 23:12

Ăt tâm nar nây khân may nhhơr nchăp ba ma nau vay ƀư ndơ̆ đah aơ ndơ̆ đah ri, ăn khân may nhhơr du mlâm kon biăp nkuăng geh du năm mâu geh têl khap gay ƀư ndơ ƀư brah gŭch ma Brah Yêhôva,

Kan Lêvi 4:23

Tơlah păng gĭt năl jêh nau tih păng hŏ ƀư, ăn păng njŭn du mlâm be nkuăng mâu geh têl khap ôh gay ƀư ndơ nhhơr.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 9:2

jêh ri lah ma Y-Arôn: “Nhŭp hom du mlâm ndrôk nkuăng ƀư ndơ ƀư brah chuai nau tih, du mlâm biăp nkuăng ƀư ndơ ƀư brah gŭch; lĕ bar mlâm mâu geh têl khap ôh jêh ri nhhơr tanăp Brah Yêhôva.

Kan Lêvi 9:4

du mlâm ndrôk jêh ri du mlâm biăp nkuăng gay ƀư ndơ ƀư brah đăp mpăn nhhơr tanăp Brah Yêhôva jêh ri du ndơ ƀư brah rnih môi geh pot dak ngi, yorlah nar aơ Brah Yêhôva mra tâm mpơl ma khân may.’”

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,