Kan Lêvi 9:22 - Nau Brah Ndu Ngơi 2023

²² Y-Arôn yơr ti păng ma phung ƀon lan jêh ri ăn nau ueh uĭn ma khân păng. Lah jêh nhhơr ndơ ƀư brah chuai nau tih, ndơ ƀư brah gŭch jêh ri ndơ ƀư brah đăp mpăn ri mơ păng hăn trŭnh tă bơh nơng ƀư brah.

Kan Lêvi 9:22 ပူးပေါင်းရင်းမြစ်များ

I Phung Hađăch 8:55

Păng dâk, jêh ri mât ton ma lĕ rngôch phung Israel gŭ tâm rƀŭn ma bâr huy, pô aơ:

I Nau Rêh Jêng 23:13

Phung kon Y-Amram jêng Y-Arôn jêh ri Y-Môis; Y-Arôn jêh ri noi deh păng bu rnglah êng gay prăp ma kan nhhơr lĕ ndơ dŭt kloh ueh, jêh ri n'ho ro gŭch ndơ ƀâu kah, pah kan tanăp măt Brah Yêhôva, jêh ri sŏk amoh Păng gay ăn nau ueh uĭn ma phung ƀon lan kŏ tât ƀaƀơ n'ho ro.

II Nau Rêh Jêng 6:3

Jêh nây hađăch rle muh măt păng jêh ri ăn nau ueh uĭn ma lĕ rngôch phung Israel, tâm nôk lĕ rngôch phung Israel tâm rƀŭn dâk nsrâng.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Ngluh Êjipt 39:43

Y-Môis treng uănh lĕ rngôch nau kan jêh ri aơ khân păng hŏ lôch jêh nau nây tĭng nâm nau Brah Yêhôva ntĭm nti jêh. Pôri Y-Môis ăn nau ueh uĭn ma khân păng.

Nau Kơp Bunuyh 6:22

Brah Yêhôva lah ma Y-Môis:

Markôs 10:16

Brah Yêsu ut ra u phung kon se jê̆ nây, pah ti klơ khân păng jêh ri ăn nau ueh uĭn ma khân păng.

Luka 24:50

Pakơi nây, Păng leo phung oh mon văch dăch ƀon Bêthani jêh ri păng yơr ti klơ ăn nau ueh uĭn ma khân păng.

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Nau Vay Nkah Tay 10:8

Dôl nây, Brah Yêhôva prăp êng ndŭl mpôl Lêvi tung Hip Nau Tâm Rnglăp bơh Brah Yêhôva, gŭ tanăp Brah Yêhôva, gay pah kan ma Păng jêh ri sŏk amoh Păng gay ăn nau ueh uĭn, kŏ tât ta nar aơ.

Nau Vay Nkah Tay 21:5

Nôk nây phung kôranh ƀư brah jêng phung kon sau Lêvi mra văch dăch, yorlah Yêhôva Brah Ndu khân may hŏ săch jêh khân păng gay pah kan ma Păng, gay tâm amoh Brah Yêhôva mra ăn nau ueh uĭn, jêh ri ma nau khân păng tâm ngơi lĕ nau tâm rlăch jêh ri nau tâm nhăt lĕ nkra jêh.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.