Kan Lêvi 9:15 - Nau Brah Ndu Ngơi 2023

¹⁵ Jêh nây, păng djôt ndơ ƀư brah bơh phung ƀon lan nhhơr. Păng nhŭp be nkuăng gay ƀư ndơ ƀư brah chuai nau tih phung ƀon lan, nkhĭt păng jêh ri nhhơr ndơ ƀư brah chuai nau tih nâm bu ndơ ƀư brah chuai nau tih hŏ ƀư êlor.

Kan Lêvi 9:15 ပူးပေါင်းရင်းမြစ်များ

II Nau Rêh Jêng 29:24

Phung kôranh ƀư brah nkhĭt khân păng jêh ri dâng sŏk mham nsrih klơ nơng gay ƀư brah chuai nau tih ăn ma lĕ rngôch phung Israel, yorlah hađăch ntĭnh kơt aơ nhhơr ndơ ƀư brah gŭch jêh ri ndơ ƀư brah chuai nau tih ma lĕ rngôch phung Israel.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Kan Lêvi 10:16

Dôl Y-Môis ôp ma Y-Êlêasar jêh ri Y-Ithamar, hŏ be nkuăng dŏng ƀư ndơ ƀư brah chuai nau tih, jêh ri saơ bu hŏ gŭch jêh păng. Pôri Y-Môis ji nuih ma Y-Êlêasar jêh ri Y-Ithamar jêng bar hê kon bu klâu Y-Arôn hôm e, jêh ri lah:

Kan Lêvi 9:14

Păng rao proch khŭng jêh ri lĕ jâng jêh nây djôt su ta klơ ndơ ƀư brah gŭch ta ntŭk nơng ƀư brah.

Kan Lêvi 9:3

Ăn may lah hom ma phung ƀon lan Israel pô aơ: ‘Ăn khân may nhŭp hom du mlâm be nkuăng ƀư ndơ ƀư brah chuai nau tih, du mlâm ndrôk kon jêh ri du mlâm biăp kon, lĕ bar mlâm nây mâu geh têl khap ôh jêh ri geh du năm, gay ƀư ndơ ƀư brah gŭch,

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

ហេឞ្រើ 5:3

Yor nau nây, ăn păng nhhơr mpa ƀư brah ma nau tih păng nơm, nâm bu yor nau tih phung ƀon lan lĕ.