Kan Lêvi 9:10 - Nau Brah Ndu Ngơi 2023

¹⁰ Păng sŏk ngi, bar mlâm leh jêh ri kô̆ klơm dŭt kah bơh mpa ƀư brah chuai nau tih su ta klơ nơng ƀư brah, tĭng nâm Brah Yêhôva hŏ ntăm jêh ma Y-Môis.

Kan Lêvi 9:10 ပူးပေါင်းရင်းမြစ်များ

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Nau Ngluh Êjipt 29:13

Ăn may sŏk lĕ rngôch ndâr ngi nkŭm proch klơm ta trôm ndŭl, lĕ ndâr ngi bơh klơm, bar ơ̆ leh jêh ri ngi klơ nây, gŭch ta klơ nơng ƀư brah.

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Kan Lêvi 9:11

Bi puăch jêh ri ntâu, păng djôt su padih ngih bok.

Kan Lêvi 9:9

Phung kon bu klâu Y-Arôn djôt mham mpa ƀư brah tât ta păng; păng mbŭk nglau ti păng tâm mham, mhĭng ta lĕ nke nơng ƀư brah, jêh nây nkhŭt mham tâm dâng jâng nơng ƀư brah.