Kan Lêvi 8:7 - Nau Brah Ndu Ngơi 2023

⁷ Y-Môis sâm nsoh ma ao jâr ma Y-Arôn, rêt an rse vân bŭt, sâm nsoh ao jong, djôt êphôt jêh ri rêt ma rse vân bŭt êphôt.

Kan Lêvi 8:7 ပူးပေါင်းရင်းမြစ်များ

Nau Ngluh Êjipt 28:2

Ăn may jĭm ma Y-Arôn nâu may ăn bok ao kloh ueh prăp ma nau chrêk rmah.

Nau Ngluh Êjipt 28:4

Aơ jêng bok ao ăn khân păng mra jĭm: Blah bok văn ntang ntơh, Êphôt, ao jong, ao ta nâm geh cheh, môk jêh ri rse vân bŭt. Pôri, khân păng mra jĭm bok ao kloh ueh ma Y-Arôn jêh ri ma phung kon bu klâu păng, gay ma khân păng ƀư nau kan jêng kôranh ƀư brah ma Gâp.

Nau Ngluh Êjipt 28:6

“Khân păng mra jĭm êphôt nê̆ ăn ueh ma brai mhay rhên, rse brai chrêk, brai ĭr, brai chăng krăk jêh ri brai sut.

Nau Ngluh Êjipt 29:5

Jêh nây, sŏk bok ao sâm nsoh ma Y-Arôn nâm bu: ao jâr, ao jong êphôt, ao êphôt, jêh ri ndơ văn ntang ntơh; jêh nây vân rse êphôt ma păng;

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsêkiêl 42:14

Tơlah lăp jêh ta ntŭk kloh ueh nây, lĕ phung kôranh ƀư brah mâu dơi luh du tă bơh ntŭk kloh ueh gay luh tâm nkual padih ôh kŏ tât khân păng doh jêh ri dơm lĕ kho ao hŏ nsoh jêh dôl pah kan, yorlah lĕ kho ao nây jêng kloh ueh. Khân păng tơh kho ao êng êlor ma hăn dăch ntŭk prăp ma phung ƀon lan.”

Samƀŭt Pôl Njuăl Ăn Ma Phung Nsing Ta Ƀon Rôm 13:14

Ƀiălah ăn khân may nsoh hom Kôranh Brah jêng Brah Yêsu Krist, lơi joi nau ƀư mpay ma lĕ nau kơnh ŭch nglay săk.

Samƀŭt Pôl Njuăl Ăn Ma Phung Nsing Ta Ƀon Rôm 3:22

Nây jêng nau sŏng srăng Brah Ndu, yor ma nau chroh ma Yêsu Krist, ăn ma lĕ rngôch bunuyh geh nuih n'hâm chroh, mâu tâm nkhah bu ôh;

Galati 3:27

Mbu nơm tâm khân may hŏ dơn jêh nau ƀaptem gay jêng phung Brah Krist jêng nsoh Brah Krist yơh.

I Samuel 2:28

Gâp hŏ săch jêh ngih păng tă bơh lĕ rngôch phung ndŭl mpôl Israel, gay jan kôranh ƀư brah Gâp, nhhơr ndơ ƀư brah klơ nơng ƀư brah Gâp, gŭch ndơ ƀâu kah, jêh ri nsoh êphôt tanăp Gâp. Gâp hŏ ăn ma noi deh chô yau may prăp tâm du kô̆ tâm lĕ ndơ nhhơr bơh phung ƀon lan Israel gŭ tâm ŭnh nhhơr ma Gâp.