Kan Lêvi 8:35 - Nau Brah Ndu Ngơi 2023

³⁵ Kơt nây, tâm pơh nar, ăn nâu jêh ri phung kon bu klâu nâu gŭ ta mpông Ngih Bok Nau Tâm Rƀŭn lĕ nar nđâp măng, mât mray lĕ nau Brah Yêhôva ntĭnh ntăm jêh gay ma nâu jêh ri phung kon bu klâu nâu mâu khĭt ôh; yorlah nĕ jêng nau Brah Ndu hŏ ntăm jêh ma gâp.”

Kan Lêvi 8:35 ပူးပေါင်းရင်းမြစ်များ

I Phung Hađăch 2:3

Djôt prăp hom moh nau Yêhôva Brah Ndu ŭch ma may djôt prăp, chuat tâm trong Păng, djôt prăp lĕ nau vay dăp, lĕ nau vay ntăm jêh ri lĕ nau vay ƀư, jêh ri nau Păng nti tĭng nâm hŏ nchih jêh tâm nau vay Y-Môis, gay ăn may geh nau dơi jêng tâm lĕ rngôch kan may ƀư jêh ri ta lĕ rngôch ntŭk may hăn.

Nau Ngluh Êjipt 29:35

Pônây may ƀư hom ma Y-Arôn jêh ri ma phung kon bu klâu păng di nâm nau Gâp hŏ ntĭnh jêh ăn ma may, jêh ri may mra n'hao kan ma khân păng tâm pơh nar.

Êsêkiêl 43:25

Tâm pơh nar, ăn nar may mra prăp ăn du mlâm be nkuăng gay ƀư ndơ ƀư brah chuai nau tih jêh ri nhhơr du mlâm ndrôk nkuăng rah, du mlâm biăp nkuăng mâu geh têl, nhŭp tă bơh phung păng.

Êsêkiêl 48:11

Kô̆ neh nây mra prăp ma phung kôranh ƀư brah prăp ăn jêng kloh ueh, nây jêng ăn ma phung kon bu klâu Y-Sadôk jêng phung pah kan tâm ntŭk kloh ueh Gâp; khân păng mâu nkhah du nâm bu phung Lêvi tâm rnôk phung kon Israel nkhah du jêh.

Kan Lêvi 10:1

Bar hê kon bu klâu Y-Arôn jêng Y-Nadap jêh ri Y-Abihu, ăp nơm khân păng djôt khăl gŭch ƀâu kah, dơm ŭnh rnga tâm păng jêh nây dơm ndơ ƀâu kah ta klơ jêh ri nhhơr du ntil ŭnh êng tanăp Brah Yêhôva, jêng nau Brah Yêhôva mâu mâp ntăm ôh ma khân păng.

Kan Lêvi 14:8

Nơm ŭch geh nau kloh mra pih kho ao, poih ăn kloh lĕ sŏk, soar păng, ŭm tâm dak jêh ri păng mra jêng kloh. Jêh nây, ăn nơm nĕ gŭ padih ngih bok tâm pơh nar, jêh nây păng dơi lăp ta ngih bok.

Kan Lêvi 8:30

Jêh nĕ tât, Y-Môis sŏk dak ngi mhĭng jêh ri mham ta klơ nơng ƀư brah nsrih ta klơ Y-Arôn jêh ri ta klơ bok ao păng, ta klơ phung kon bu klâu jêh ri ta klơ bok ao khân păng. Kơt nĕ, Y-Môis hŏ prăp êng Y-Arôn jêh ri bok ao păng ăn kloh tâm ban phung kon bu klâu păng jêh ri ta bok ao khân păng.

Kan Lêvi 8:34

Brah Yêhôva hŏ ntăm nti jêh ma khân may ăn ƀư tâm ban ma he hŏ ƀư jêh nar aơ gay chuai nau tih ma nâu jêh ri phung kon bu klâu nâu.

Kan Lêvi 8:36

Y-Arôn jêh ri phung kon bu klâu păng ƀư di tĭng lĕ rngôch nau Brah Yêhôva hŏ ntăm bơh Y-Môis.

Nau Kơp Bunuyh 19:12

Nar tal pe jêh ri nar tal pơh, păng mra sŏk dak jut tho nau ƀơ̆ ƀư kloh păng nơm, pônây păng mra jêng kloh. Bi nar tal pe jêh ri nar tal pơh, păng mâu ƀư kloh ôh păng nơm, păng mâu mra jêng kloh ôh.

Nau Kơp Bunuyh 3:7

Phung Lêvi mra ƀư lĕ nau kan ma Y-Arôn jêh ri ma lĕ rngôch phung tâm rƀŭn ta ntŭk Ngih Bok Nau Tâm Rƀŭn ma nau pah kan tâm Ngih Bok.

Nau Kơp Bunuyh 9:19

Ndah jŏ ndâr tŭk hôm e gŭ jŏ ta klơ Ngih Bok, phung ƀon lan Israel kŏ tông tĭng nau ntăm Brah Yêhôva jêh ri mâu hăn du luh ôh.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Nau Vay Nkah Tay 11:1

“Ăn khân may yơk rŏng ma Yêhôva Brah Ndu khân may ƀaƀơ, jêh ri djôt prăp lĕ nau Păng ntĭm nti, jêh ri nau vay Păng dăp, nau vay Păng ƀư jêh ri nau vay Păng ntăm.

I Timôthê 1:18

Hơi Y-Timôthê kon gâp, gâp ntrŭnh nau vay dăp aơ ma may, tĭng nâm lĕ nau mbơh lor ma may bơh kăl e, gay bơh lĕ nau ngơi nây may tâm lơh janh ktang,

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

I Timôthê 6:13

Tanăp Brah Ndu jêng Nơm ăn nau rêh ma lĕ rngôch ndơ, jêh ri tanăp Brah Yêsu Krist jêng Nơm geh nau mbơh nkoch ueh nôk mbơh nkoch tanăp Pôns Pilat, gâp ntĭnh may

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

I Timôthê 6:20

Hơi Y-Timôthê, djôt prăp hom lĕ nau bu jao jêh ma may, der lĕ nau ngơi lă lêng mâu geh nau khlay jêh ri nau tâm rlăch âk nau bu ntôn lah jêng nau gĭt rbăng;

II Timôthê 4:1

Tanăp Brah Ndu jêh ri Brah Yêsu Krist, jêng Nơm mra phat dôih phung rêh jêh ri phung khĭt, jêh ri yor nau Păng tâm mpơl tât jêh ri ƀon bri hađăch Păng, gâp mbơh ăn ma may:

ហេឞ្រើ 7:28

Yorlah nau vay njêng phung bunuyh rdja jêng kôranh ƀư brah toyh; ƀiălah nau ton geh jêh pakơi ma nau vay njêng Kon, jêng Nơm geh nau rah vah n'ho ro.