Kan Lêvi 8:30 - Nau Brah Ndu Ngơi 2023

³⁰ Jêh nĕ tât, Y-Môis sŏk dak ngi mhĭng jêh ri mham ta klơ nơng ƀư brah nsrih ta klơ Y-Arôn jêh ri ta klơ bok ao păng, ta klơ phung kon bu klâu jêh ri ta klơ bok ao khân păng. Kơt nĕ, Y-Môis hŏ prăp êng Y-Arôn jêh ri bok ao păng ăn kloh tâm ban phung kon bu klâu păng jêh ri ta bok ao khân păng.

Kan Lêvi 8:30 ပူးပေါင်းရင်းမြစ်များ

Nau Ngluh Êjipt 28:2

Ăn may jĭm ma Y-Arôn nâu may ăn bok ao kloh ueh prăp ma nau chrêk rmah.

Nau Ngluh Êjipt 29:21

May sŏk đŏng djê̆ mham ta klơ nơng jêh ri djê̆ dak ƀâu kah nsrih ta Y-Arôn jêh ri bok ao păng tâm ban đŏng ta phung kon bu klâu jêh ri bok ao khân păng. Pôri, Y-Arôn nđâp ndơ nsoh n'gut păng, lĕ phung kon bu klâu păng nđâp bok ao khân păng mra dơi jêng kloh ueh.

Nau Ngluh Êjipt 30:30

Ăn may mhĭng đŏng dak ƀâu kah ma Y-Arôn jêh ri ta phung kon bu klâu păng, nhhơr khân păng gay khân păng dơi pah kan ma Gâp tâm nau kan ƀư brah.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Kan Lêvi 7:35

Nây jêng kô̆ prăp ma Y-Arôn jêh ri phung kon bu klâu păng, sŏk bơh lĕ ndơ ƀư brah ăn ŭnh sa nhhơr ma Brah Yêhôva, prăp êng ma khân păng ntơm bơh nar bu dăp khân păng jêng kôranh ƀư brah tanăp Brah Yêhôva.

Kan Lêvi 7:36

Nĕ jêng nau Brah Yêhôva ntăm jêh ma phung ƀon lan Israel ăn jao ma khân păng tâm nar bu tŏ dak ngi ta khân păng. Aơ jêng du nau vay n'ho ro tâm lĕ rngôch rnôk khân păng.”

Kan Lêvi 8:12

Păng nkhŭt đŏng dak ngi mhĭng ta bôk Y-Arôn jêh ri mhĭng dak ngi gay prăp êng păng ăn kloh ueh.

Nau Kơp Bunuyh 3:3

Nây jêng amoh phung kon bu klâu Y-Arôn, phung kôranh ƀư brah bu tŏ jêh dak ƀâu kah jêh ri prăp ăn ma khân păng ƀư nau kan kôranh ƀư brah.

ហេឞ្រើ 2:11

Yorlah Nơm ƀư kloh ueh jêh ri phung jêng kloh ueh jêh luh tă bơh du huê Mbơ̆. Yor nau nây, Brah Yêsu mâu bêk prêng ôh kuăl khân păng jêng phung oh nâu,

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.