Kan Lêvi 8:3 - Nau Brah Ndu Ngơi 2023

³ jêh ri rgum lĕ rngôch phung ƀon lan ta mpông Ngih Bok Nau Tâm Rƀŭn.”

Kan Lêvi 8:3 ပူးပေါင်းရင်းမြစ်များ

I Nau Rêh Jêng 13:5

Y-Đavit tâm rƀŭn lĕ rngôch phung Israel, ntơm bơh Sihôr tâm n'gor bri Êjipt tât ma ntŭk lăp ƀon Hamat, gay tung leo Hip Nau Tâm Rnglăp Brah Ndu plơ̆ sĭt tă bơh Kiriat-Jêarim.

I Nau Rêh Jêng 15:3

Y-Đavit tâm rƀŭn lĕ rngôch phung Israel ta ƀon Yêrusalem, gay tung leo Hip Nau Tâm Rnglăp Brah Yêhôva ma ntŭk păng dăp nkra jêh.

II Nau Rêh Jêng 30:13

Tâm khay bar, geh âk ngăn bunuyh tât rƀŭn tâm ƀon Yêrusalem jêng du phung tâm rƀŭn toyh gay yơk ma Nau Sa Piăng Let Mâu Geh Ndrui.

II Nau Rêh Jêng 30:2

Hađăch jêh ri phung kôranh nđâp ma lĕ rngôch phung tâm rƀŭn ta ƀon Yêrusalem tâm nchră ndrăng khân păng gay kah gĭt rƀŭn Nau Găn tâm khay bar,

II Nau Rêh Jêng 30:25

Lĕ rngôch phung tâm rƀŭn Yuđa, phung kôranh ƀư brah nđâp ma phung Lêvi, jêh ri phung Israel văch tâm rƀŭn, nđâp phung bu năch gŭ njưh tâm n'gor Israel, gŭ njưh tâm n'gor Yuđa, răm maak da dê.

II Nau Rêh Jêng 5:2

Y-Salômôn kuăl rgum phung bu ranh Israel, kôranh phung ndŭl mpôl jêh ri phung noi deh tâm phung Israel gŭ tâm ƀon Yêrusalem gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn, tât ta ngih brah.

II Nau Rêh Jêng 5:6

Hađăch Salômôn jêh ri lĕ rngôch phung Israel tâm rƀŭn ndrel ma păng, gŭ dâk panăp Hip Nau Tâm Rnglăp jêh ri nhhơr mpa ƀư brah ma âk râk biăp, ndrôk, kŏ tât mâu hôm dơi kơp.

Nêhêmi 8:1

Rnôk nây, lĕ rngôch phung ƀon lan tâm rƀŭn ndrel nâm bu du huê nuyh, ta nkual toyh tanăp ƀon mpông pêr Dak. Khân păng lah ma Y-Êsra jêng kôranh nchih samƀŭt djôt leo ndrom samƀŭt nau vay Y-Môis; nây jêng nau vay Brah Yêhôva hŏ ntĭm nti jêh ma phung Israel.

Nau Mprơ Ơm 22:25

Nau gâp tâm rnê gŭ ta nklang phung tâm rƀŭn toyh luh tă bơh Kôranh Brah; Gâp mra ƀư ăn jêh nau gâp ton tanăp phung klach yơk ma Păng.

Kan Lêvi 14:11

Kôranh ƀư brah nơm ƀư nau rƀŭn ƀư kloh mra djôt bunuyh dơi geh nau ƀư kloh jêh ri lĕ ndơ nhhơr aơ tanăp Brah Yêhôva ta mpông Ngih Bok Nau Tâm Rƀŭn.

Kan Lêvi 8:2

“Ăn may djôt leo hom Y-Arôn jêh ri phung kon bu klâu păng ndrel ma bok ao, dak ngi mhĭng, ndrôk ƀư ndơ ƀư brah chuai nau tih, bar mlâm biăp nkuăng jêh ri bĭ piăng let mâu geh ndrui,

Kan Lêvi 8:4

Y-Môis ƀư di tĭng nâm nau Brah Yêhôva ntĭnh ntăm jêh ma păng, jêh ri phung ƀon lan tâm rgum ta mpông Ngih Bok Nau Tâm Rƀŭn.

Nau Kơp Bunuyh 20:8

“Sŏk hom mâng, jêh nây may jêh ri nâu may jêng Y-Arôn kuăl rgum phung tâm rƀŭn. Ngơi hom ma lŭ toyh tanăp măt phung tâm rƀŭn gay ma păng luh dak. May mra ƀư ăn dak luh tă bơh lŭ toyh hoch ăn phung tâm rƀŭn jêh ri mpô mpa rong khân păng nhêt.”

Nau Kơp Bunuyh 21:16

Tă bơh ntŭk nây, phung ƀon lan Israel n'ho hăn tât ta Bêr. Nây jêng du mlâm ntu dak Brah Yêhôva hŏ ntăm jêh ma Y-Môis: “Tâm rƀŭn hom phung ƀon lan jêh ri Gâp mra ăn dak nhêt ma khân păng.”

Nau Kơp Bunuyh 8:9

Ăn may lah ma phung Lêvi tât panăp Ngih Bok Nau Tâm Rƀŭn jêh ri rgum lĕ rngôch phung Israel tâm rƀŭn.

Kôranh Oh Mon 2:1

Tât nar Pantơkôt lĕ rngôch khân păng tâm rƀŭn du ntŭk.