Kan Lêvi 8:17 - Nau Brah Ndu Ngơi 2023

¹⁷ Bi ma ndrôk, ntâu, puăch jêh ri ek, ăn Y-Môis djôt gŭch padih rmlak tahan, tĭng nâm Brah Yêhôva hŏ ntăm jêh ma păng.

Kan Lêvi 8:17 ပူးပေါင်းရင်းမြစ်များ

Nau Ngluh Êjipt 29:14

Ƀiălah puăch, ntâu, jêh ri ek ndrôk nkuăng nây gŭch padih rmlak tahan. Nây jêng du nau ƀư brah chuai nau tih.

Êsêkiêl 43:21

Ăn may djôt ndrôk nkuăng ƀư brah chuai nau tih jêh ri gŭch păng tâm ntŭk tâm nal jêh ta ngih brah, padih ntŭk kloh ueh.

Kan Lêvi 16:27

Ndrôk nkuăng rah jêh ri be nkuăng hŏ nhhơr jêng ndơ ƀư brah chuai nau tih, jêh ri mham mpa nây bu hŏ djôt jêh lăp tâm Ntŭk Dŭt Kloh Ueh gay ƀư nau rƀŭn chuai nau tih, ăn bu djôt lơi padih ngih bok; ntâu, puăch jêh ri ek tă bơh bar ntil mpa nây su lơi tâm ŭnh.

Kan Lêvi 4:21

Jêh nây, ăn păng njŭn ndrôk luh padih rmlak tahan jêh ri su păng tâm ban ma păng hŏ su jêh ndrôk tal lor. Nĕ jêng ndơ ƀư brah chuai nau tih ăn ma phung tâm rƀŭn.

Kan Lêvi 6:30

Mâu dơi ôh sa puăch mpa ƀư brah chuai nau tih ƀiălah ăn su lơi, yorlah mham păng nây bu hŏ djôt jêh ma Ngih Bok Nau Tâm Rƀŭn gay ƀư nau rƀŭn chuai nau tih ta Ntŭk Kloh Ueh.”

Kan Lêvi 9:11

Bi puăch jêh ri ntâu, păng djôt su padih ngih bok.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —