Kan Lêvi 8:14 - Nau Brah Ndu Ngơi 2023

¹⁴ Păng đă têk đŏng ndrôk gay ƀư ndơ ƀư brah chuai nau tih. Y-Arôn jêh ri phung kon bu klâu păng pah ti ta klơ bôk ndrôk.

Kan Lêvi 8:14 ပူးပေါင်းရင်းမြစ်များ

Nau Mprơ Ơm 66:15

Gâp mra nhhơr ma May lĕ biăp lay ueh jêng mpa ƀư brah gŭch Ma ngi biăp nkuăng. Gâp mra nhhơr lĕ ndrôk nkuăng jêh ri be nkuăng. (Sêla)

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsêkiêl 43:19

Kôranh Brah Yêhôva lah: ‘Dôl phung kôranh ƀư brah, mpôl Lêvi tâm noi deh Y-Sadôk, văch dăch Gâp, gay pah kan ma Gâp, may jao ăn hom ma khân păng du mlâm ndrôk nkuăng rah gay ma ƀư brah chuai nau tih.

Êsêkiêl 43:20

Ăn may sŏk mham păng mhĭng ta klơ puăn mlâm nke nơng ƀư brah, ta puăn njônh năp jêh ri ta ndor văr jŭm gay ƀư kloh nơng ƀư brah jêh ri ƀư brah chuai nau tih ma nơng ƀư brah.

Êsêkiêl 44:27

Ta nar kôranh ƀư brah nây lăp tâm ntŭk kloh tâm nkual ta trôm gay pah kan ta nây, pôri păng mra nhhơr du ndơ ƀư brah chuai nau tih păng nơm, Kôranh Brah Yêhôva lah pônây.

Kan Lêvi 1:4

Bunuyh nhhơr ndơ nhhơr mra dơm ti păng ta klơ bôk mpa ƀư ndơ ƀư brah gŭch jêh ri mpa nây mra dơi dơn nâm bu du mpa ƀư brah gay chuai nau tih ntang an ma bunuyh nây.

Kan Lêvi 16:21

Y-Arôn lĕ bar ti păng pah ta klơ bôk be nkuăng hôm rêh nây, jêh ri mbơh lĕ rngôch nau djơh mhĭk phung ƀon lan Israel, jêh ri lĕ rngôch nau ƀư tih jêh ri nau tih khân păng, jêh ri dơm lĕ rngôch nau tih nây ta bôk be, jêh nây jao păng ma du huê bunuyh bu hŏ jao kan gay têk njŭn păng leo tâm bri rdah jêh ri mƀơk păng luh.

Kan Lêvi 16:6

Y-Arôn mra nhhơr ndrôk jêng ndơ ƀư brah chuai nau tih ma păng nơm jêh ri nkra nau rƀŭn chuai nau tih ma păng nơm jêh ri ma ngih păng nơm.

Kan Lêvi 4:15

Phung bu ranh tâm phung Israel mra pah ti ta bôk ndrôk jêh nây nkhĭt păng tanăp Brah Yêhôva.

Kan Lêvi 8:2

“Ăn may djôt leo hom Y-Arôn jêh ri phung kon bu klâu păng ndrel ma bok ao, dak ngi mhĭng, ndrôk ƀư ndơ ƀư brah chuai nau tih, bar mlâm biăp nkuăng jêh ri bĭ piăng let mâu geh ndrui,

Nau Kơp Bunuyh 8:12

Phung Lêvi mra pah ti ta klơ bôk lĕ bar mlâm ndrôk nkuăng jêh ri may nhhơr hom du mlâm jêng ndơ ƀư brah chuai nau tih, du mlâm êng dŏng ma ndơ ƀư brah gŭch ma Brah Yêhôva, gay chuai nau ƀư kloh nau tih ma phung Lêvi.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;