Kan Lêvi 8:13 - Nau Brah Ndu Ngơi 2023

¹³ Y-Môis kuăl phung kon bu klâu Y-Arôn tât, sâm nsoh ao jâr ma khân păng, rêt an rse vân bŭt, sâm ndô môk ta bôk ma khân păng, tĭng nâm Brah Yêhôva hŏ ntăm jêh ma Y-Môis.

Kan Lêvi 8:13 ပူးပေါင်းရင်းမြစ်များ

Nau Mprơ Ơm 132:9

Ăn ma phung kôranh ƀư brah May nsoh nau sŏng, Phung klach yơk May mra nter maak.

Nau Ngluh Êjipt 40:13

Ăn may nsoh bok ao kloh ueh ma Y-Arôn, mhĭng dak ƀâu kah jêh ri prăp êng păng ma nau kloh ueh gay ma păng ƀư nau kan ndơ ƀư brah ma Gâp.

Nau Ngluh Êjipt 40:16

Y-Môis ƀư lĕ kan di nâm lĕ nau Brah Yêhôva hŏ ntăm nti jêh ma păng.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Êsêkiêl 42:14

Tơlah lăp jêh ta ntŭk kloh ueh nây, lĕ phung kôranh ƀư brah mâu dơi luh du tă bơh ntŭk kloh ueh gay luh tâm nkual padih ôh kŏ tât khân păng doh jêh ri dơm lĕ kho ao hŏ nsoh jêh dôl pah kan, yorlah lĕ kho ao nây jêng kloh ueh. Khân păng tơh kho ao êng êlor ma hăn dăch ntŭk prăp ma phung ƀon lan.”

Kan Lêvi 10:5

Khân păng hăn dăch, dŏng ao jâr khân păng hôm e nsoh, mphâk săk jăn khân păng luh padih ngih bok, nâm bu nau Y-Môis hŏ lah jêh ma khân păng.

Kan Lêvi 8:21

Jêh bu rao kloh proch khŭng jêh ri nglik ma dak, Y-Môis djôt gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch ăn ŭnh sa, geh n'hôl ƀâu kah ma Brah Yêhôva, tĭng nâm Brah Yêhôva hŏ ntăm jêh ma Y-Môis.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”