Kan Lêvi 8:12 - Nau Brah Ndu Ngơi 2023

¹² Păng nkhŭt đŏng dak ngi mhĭng ta bôk Y-Arôn jêh ri mhĭng dak ngi gay prăp êng păng ăn kloh ueh.

Kan Lêvi 8:12 ပူးပေါင်းရင်းမြစ်များ

Nau Mprơ Ơm 133:2

Nau nây nâm bu dak ngi khlay nkhŭt ta klơ bôk, Hoch jŭr ta têp kang, Ta têp kang Arôn, Hoch jŭr ta trô ko ao păng;

Nau Ngluh Êjipt 28:41

Ăn may sŏk bok ao nây nsoh ma Y-Arôn, nâu may, jêh ri ma phung kon bu klâu păng. Ăn may mhĭng dak ƀâu kah ma khân păng, ăn n'hao kan jêh ri nhhơr khân păng gay ma khân păng kloh ueh ƀư nau kan kôranh ƀư brah ma Gâp.

Nau Ngluh Êjipt 29:7

sŏk dak ƀâu kah nkhŭt ta klơ bôk jêh ri mhĭng ma păng.

Nau Ngluh Êjipt 30:30

Ăn may mhĭng đŏng dak ƀâu kah ma Y-Arôn jêh ri ta phung kon bu klâu păng, nhhơr khân păng gay khân păng dơi pah kan ma Gâp tâm nau kan ƀư brah.

Kan Lêvi 10:7

Lơi hăn luh bơh mpông Ngih Bok Nau Tâm Rƀŭn tâm nôk aơ, gay ma khân may mâu khĭt, yorlah Brah Yêhôva hŏ tŏ dak ngi jêh ma khân may.” Khân păng ƀư tĭng nâm nau Y-Môis ngơi.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 7:36

Nĕ jêng nau Brah Yêhôva ntăm jêh ma phung ƀon lan Israel ăn jao ma khân păng tâm nar bu tŏ dak ngi ta khân păng. Aơ jêng du nau vay n'ho ro tâm lĕ rngôch rnôk khân păng.”

Kan Lêvi 8:30

Jêh nĕ tât, Y-Môis sŏk dak ngi mhĭng jêh ri mham ta klơ nơng ƀư brah nsrih ta klơ Y-Arôn jêh ri ta klơ bok ao păng, ta klơ phung kon bu klâu jêh ri ta klơ bok ao khân păng. Kơt nĕ, Y-Môis hŏ prăp êng Y-Arôn jêh ri bok ao păng ăn kloh tâm ban phung kon bu klâu păng jêh ri ta bok ao khân păng.