Kan Lêvi 7:9 - Nau Brah Ndu Ngơi 2023

⁹ Lĕ rngôch ndơ ƀư brah rnih môi mâu lah gŭch jêh tâm năk mâu lah vâr tâm glah mâu lah gŭch ta klơ mpĭt mra jêng ndơ ma nơm kôranh ƀư brah dâk nhhơr.

Kan Lêvi 7:9 ပူးပေါင်းရင်းမြစ်များ

II Phung Hađăch 12:17

Tâm rnôk nây, hađăch Aram jêng Y-Hasael leo phung tahan rduh lơh đah ƀon Gat jêh ri dơi pit sŏk ƀon aơ. Hađăch plơ̆ rduh lơh đah ƀon Yêrusalem.

Êsêkiêl 44:29

Khân păng mra siăm khân păng nơm ma ndơ ƀư brah rnih, ndơ ƀư brah geh tih jêh ri ƀư brah chuai nau tih. Lĕ rngôch moh ndơ phung ƀon lan bri Israel, nhhơr mra jêng ndơ khân păng.

Kan Lêvi 2:10

Bi ndơ hôm e bơh ndơ ƀư brah rnih môi jêng ndơ ma Y-Arôn de jêh ri phung kon bu klâu păng. Nĕ jêng ndơ dŭt kloh ueh sŏk bơh ndơ ƀư brah ăn ŭnh sa nhhơr ma Brah Yêhôva.

Kan Lêvi 5:13

Tâm ban pônây, kôranh ƀư brah mra ƀư nau rƀŭn chuai nau tih ăn ma nơm hŏ ƀư tih jêh du ntil nau, tâm lĕ ntil nau klơ aơ, jêh ri nau tih păng mra dơi yô̆ an. Rnih hôm e mra jêng ndơ ma kôranh ƀư brah de tâm ban ma ndơ ƀư brah rnih môi.”

Kan Lêvi 7:10

Ƀiălah ăp ndơ nhhơr rnih môi êng êng ê gâm, hŏ pot jêh dak ngi mâu lah ăn kro, mra dơi pă tâm ban da dê ma phung kon sau Y-Arôn.”

Kan Lêvi 7:8

Kôranh ƀư brah nhhơr ndơ ƀư brah gŭch ma du huê nơm, ntâu bơh mpa nhhơr ƀư ndơ ƀư brah gŭch nây mra jêng ndơ ma kôranh ƀư brah nĕ.

Nau Kơp Bunuyh 18:9

Aơ jêng ndơ may tă bơh lĕ ndơ dŭt kloh ueh jêh mâu geh su ôh, phung ƀon lan Israel nhhơr ma Gâp: Lĕ rngôch ndơ nhhơr khân may, ndơ ƀư brah rnih môi, ndơ ƀư brah chuai nau tih, ndơ ƀư brah chuai geh nau tih. Lĕ ndơ dŭt kloh ueh nây prăp ma may jêh ri ma phung kon bu klâu may.

I Kôrintô 9:13

Khân may mâu gĭt hĕ mbu nơm rvê pah kan tâm ngih brah mra sa ndơ nhhơr tâm ngih brah, bi mbu nơm rvê pah kan ta nơng ƀư brah geh ndơ bơh nơng ƀư brah nây lĕ ƀơh?

I Kôrintô 9:7

Geh đŏng nơm sŏk prăk vâl păng nơm gay ma hăn tâm lơh đah phung rlăng? Geh đŏng nơm tăm đang krăk ƀâu ƀiălah mâu sa play păng? Mâu lah mbu nơm mât phung mpô mpa rong, ƀiălah mâu dŏng dak toh păng?

Galati 6:6

Mbu nơm tăng bu nti nau chroh, tâm pă hom lĕ rngôch ndơ ueh ăn ma nơm nti lah ma khân păng.