Kan Lêvi 7:5 - Nau Brah Ndu Ngơi 2023

⁵ Kôranh ƀư brah mra gŭch lĕ ndơ nĕ ta klơ nơng ƀư brah nâm bu du ndơ ƀư brah ăn ŭnh sa nhhơr ma Brah Yêhôva. Nĕ jêng ndơ ƀư brah chuai nau ƀư tih.

Kan Lêvi 7:5 ပူးပေါင်းရင်းမြစ်များ

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 2:16

Kôranh ƀư brah mra sŏk du kô̆ găr ba kĭn hăch jêh, pot đah dak ngi ndrel ma lĕ rngôch dak si ƀâu kah jêh ri gŭch gay tâm ntĭt lĕ rngôch ndơ ƀư brah. Nĕ jêng ndơ ƀư brah ăn ŭnh sa nhhơr ma Brah Yêhôva.’”

Kan Lêvi 2:2

jêh nây njŭn ma phung kon sau Y-Arôn, jêng phung kôranh ƀư brah. Kôranh ƀư brah mra sŏk du mbăt rnih môi, dak ngi jêh ri lĕ rngôch dak si ƀâu kah jêh nây su ta klơ nơng nâm bu ntĭt lĕ rngôch ndơ ƀư brah rnih môi. Nĕ jêng ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 2:9

Kôranh ƀư brah mra sŏk du kô̆ tâm puăn tă bơh ndơ ƀư brah rnih môi nây gay tâm ntĭt ma lĕ rngôch ndơ ƀư brah jêh ri gŭch păng ta nơng ƀư brah. Nây jêng ndơ ƀư brah nhhơr ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 3:16

Kôranh ƀư brah mra su lĕ ndơ nây ta klơ nơng ƀư brah nâm bu ndơ sông sa nhhơr ăn ŭnh sa geh n'hôl ƀâu kah. Lĕ rngôch ngi jêng ndơ Brah Yêhôva.

Kan Lêvi 3:3

Jêh nây sŏk du kô̆ tâm puăn bơh mpa ƀư brah ma ndơ ƀư brah đăp mpăn nây ƀư ndơ nhhơr ăn ŭnh sa nhhơr ma Brah Yêhôva. Nĕ jêng ndâr ngi krêp proch khŭng jêh ri ndâr ngi iang ta proch khŭng,

Kan Lêvi 5:7

Ƀiălah tơlah păng mâu dơi tŏng nau nhhơr du mlâm kon biăp me mâu lah du mlâm kon be me gay ntrok nau tih păng hŏ ƀư jêh, ăn păng nhhơr ma Brah Yêhôva du kôp sĭm ntơp mâu lah du kôp plŭk kon: du mlâm dŏng ƀư ndơ ƀư brah chuai nau tih, du mlâm êng dŏng ƀư ndơ ƀư brah gŭch.

Kan Lêvi 7:4

bar mlâm leh, ngi iang ta bar mlâm leh dăch bŭt jêh ri kô̆ dŭt kah tâm klơm ndrel ma bar mlâm leh.

Kan Lêvi 7:6

Lĕ rngôch bu klâu tâm rnăk vâl kôranh ƀư brah dơi sa ndơ nây da dê tâm du ntŭk kloh ueh; nây jêng ndơ dŭt kloh ueh.

Galati 2:20

Bu pâng kđĭn jêh gâp ta si tâm rkăng ndrel ma Brah Krist, jêh ri gâp gŭ rêh, mâu di gâp gŭ rêh đŏng, ƀiălah Brah Krist gŭ rêh tâm gâp. Aƀaơ aơ gâp gŭ rêh tâm nglay săk, nâm bu ntĭt gâp gŭ rêh tâm nau chroh ma Kon Brah Ndu, jêng Nơm rŏng jêh ma gâp jêh ri jao jêh Păng nơm yor gâp.

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.