Kan Lêvi 7:34 - Nau Brah Ndu Ngơi 2023

³⁴ Tă bơh mpa ƀư brah đăp mpăn, Gâp sŏk jêh ri ăn ma kôranh ƀư brah Y-Arôn jêh ri phung kon bu klâu păng nting rpaih nse hŏ ƀư jêh nau vay ƀư ndơ̆ đah aơ ndơ̆ đah ri jêh ri nglik jêng ndơ phung ƀon lan hŏ nhhơr ma Gâp, tĭng nâm nau vay n'ho ro tâm phung ƀon lan Israel djôt prăp.

Kan Lêvi 7:34 ပူးပေါင်းရင်းမြစ်များ

Nau Ngluh Êjipt 29:26

May sŏk đŏng ntang ntơh biăp nkuăng dŏng tâm nau rƀŭn n'hao kan Y-Arôn jêh ri nhhơr nâm bu du nau ƀư brah ndơ̆ đah aơ ndơ̆ đah ri tanăp măt Brah Yêhôva; nây mra jêng kô̆ prăp ma may.

Nau Ngluh Êjipt 29:9

jêh nây vân rse bŭt jêh ri ndô môk ma Y-Arôn jêh ri phung kon bu klâu păng. Nau kan phung ƀư brah mra jêng kan khân păng ma du nau vay gŭ n'ho ro. Pônây may hŏ n'hao kan ma Y-Arôn jêh ri phung kon bu klâu păng.

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Kan Lêvi 7:33

Mbu nơm tâm phung kon bu klâu Y-Arôn nhhơr mham jêh ri ngi mpa ƀư brah tâm ndơ ƀư brah đăp mpăn, mra geh nglik pa ma nây.

Nau Kơp Bunuyh 5:9

Lĕ rngôch ndơ ƀư brah kloh ueh tă bơh phung ƀon lan Israel djôt leo ma kôranh ƀư brah mra jêng ndơ păng.

Nau Kơp Bunuyh 6:20

Jêh nây, kôranh ƀư brah nhhơr lĕ ndơ nây ma nau ryeng pa tê̆ ryeng pa djaơ tanăp Brah Yêhôva. Nây jêng du ndơ kloh ueh prăp ma kôranh ƀư brah, ndrel ma ntang ntơh nhhơr ma nau ryeng pa tê̆ ryeng pa djaơ jêh ri nglik nhhơr yơr leo klơ. Jêh nây bunuyh Nasirit dơi vay nhêt ndrănh.

Nau Kơp Bunuyh 8:11

Y-Arôn mra nhhơr phung Lêvi tanăp Brah Yêhôva nâm du ndơ ƀư brah ryeng pa tê̆ ryeng pa djaơ bơh phung ƀon lan Israel, gay ma khân păng ndrăp jêh pah kan ma Brah Yêhôva.

Nau Vay Nkah Tay 18:3

Aơ jêng ndơ ma phung kôranh ƀư brah dơi dơn tă bơh tâm lĕ ndơ nhhơr tâm ban ma ndrôk mâu lah biăp phung ƀon lan hŏ nhhơr jêh, bu mra ăn ma phung kôranh ƀư brah nglik, bar đah bom, jêh ri khŭng.