Kan Lêvi 7:30 - Nau Brah Ndu Ngơi 2023

³⁰ Ti păng mra djôt lĕ ndơ nhhơr ăn ŭnh sa ma Brah Yêhôva, jêng ngi ndrel ma nting rpaih nse, nting rpaih nse nhhơr ma Brah Yêhôva jêng nâm bu du ndơ nhhơr kô̆ khlay.

Kan Lêvi 7:30 ပူးပေါင်းရင်းမြစ်များ

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Kan Lêvi 10:14

Bi ma nting rpaih nse hŏ nhhơr jêh ma Brah Yêhôva nâm du ndơ nhhơr êng jêh ri nglik hŏ nhhơr jêh ma Brah Ndu, may ndrel ma phung kon bu ur kon bu klâu may mra sa tâm du ntŭk kloh. Lĕ ndơ nây bu hŏ ăn jêh ma may jêh ri ma phung kon bu klâu may, sŏk jêh bơh ndơ ƀư brah đăp mpăn bơh phung ƀon lan Israel.

Kan Lêvi 10:15

Khân păng mra djôt nglik hŏ nhhơr jêh ri nting rpaih nse lĕ ƀư jêh nau vay ƀư ndơ̆ đah aơ ndơ̆ đah ri, ndrel ma lĕ kô̆ ngi bơh ndơ ƀư brah gŭch ăn ŭnh sa, nhhơr tĭng nâm nau vay ƀư ndơ̆ đah aơ ndơ̆ đah ri tanăp Brah Yêhôva. Nĕ jêng ndơ prăp ma nâu jêh ri phung kon nâu, tĭng nâm nau veh jêh jêng nau Brah Yêhôva hŏ ntăm jêh.”

Kan Lêvi 3:14

Jêh nây sŏk du kô̆ bơh ndơ ƀư brah ma nau đăp mpăn ƀư ndơ nhhơr ăn ŭnh sa nhhơr ma Brah Yêhôva. Nĕ jêng ndâr ngi nkŭm proch khŭng jêh ri ndâr ngi iang ta proch khŭng,

Kan Lêvi 3:9

Jêh nây sŏk du kô̆ tâm puăn bơh ndơ ƀư brah đăp mpăn nây ƀư ndơ nhhơr ăn ŭnh sa nhhơr ma Brah Yêhôva. Nĕ jêng ngi, lĕ tơm chiăng koh dăch lôch nting kuyh, ndâr ngi krêp khŭng proch jêh ri ndâr ngi iang ta proch khŭng,

Kan Lêvi 8:27

Jêh nây, păng dơm lĕ ndơ nây tâm ti Y-Arôn jêh ri tâm ti phung kon bu klâu păng, gay ma khân păng nhhơr ma Brah Yêhôva nâm du ndơ nhhơr êng ma Păng.

Kan Lêvi 8:29

Y-Môis sŏk nting rpaih nse bơh biăp nkuăng nhhơr tâm rƀŭn n'hao kan, jêh ri nhhơr ma Brah Yêhôva nâm bu jêng du ndơ nhhơr khlay êng; nĕ jêng kô̆ prăp ma Y-Môis tĭng nâm Brah Yêhôva hŏ ntăm jêh.

Kan Lêvi 9:20

khân păng dơm ta klơ kŭr kuyh, jêh ri păng gŭch ngi ta klơ nơng ƀư brah.

Kan Lêvi 9:21

Ƀiălah Y-Arôn sŏk lĕ nting rpaih nse jêh ri nglik pa ma jêh ri ƀư nau vay ƀư ndơ̆ đah aơ ndơ̆ đah ri tanăp Brah Yêhôva, tĭng nâm Y-Môis hŏ ntăm jêh.

Nau Kơp Bunuyh 6:20

Jêh nây, kôranh ƀư brah nhhơr lĕ ndơ nây ma nau ryeng pa tê̆ ryeng pa djaơ tanăp Brah Yêhôva. Nây jêng du ndơ kloh ueh prăp ma kôranh ƀư brah, ndrel ma ntang ntơh nhhơr ma nau ryeng pa tê̆ ryeng pa djaơ jêh ri nglik nhhơr yơr leo klơ. Jêh nây bunuyh Nasirit dơi vay nhêt ndrănh.

Nau Kơp Bunuyh 8:11

Y-Arôn mra nhhơr phung Lêvi tanăp Brah Yêhôva nâm du ndơ ƀư brah ryeng pa tê̆ ryeng pa djaơ bơh phung ƀon lan Israel, gay ma khân păng ndrăp jêh pah kan ma Brah Yêhôva.

Yôhan 10:18

Mâu geh bunuyh dơi pit nau rêh Gâp ôh, ƀiălah Gâp nđơr êng jao săk. Gâp geh nau dơi jao nau rêh jêh ri geh nau dơi sŏk tay păng đŏng. Gâp hŏ dơn jêh nau vay tă bơh Mbơ̆ Gâp.”

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.

Nau Vay Nkah Tay 18:3

Aơ jêng ndơ ma phung kôranh ƀư brah dơi dơn tă bơh tâm lĕ ndơ nhhơr tâm ban ma ndrôk mâu lah biăp phung ƀon lan hŏ nhhơr jêh, bu mra ăn ma phung kôranh ƀư brah nglik, bar đah bom, jêh ri khŭng.