Kan Lêvi 7:26 - Nau Brah Ndu Ngơi 2023

²⁶ Phung kon mâu dơi sa mham ôh ta ăp ntŭk phung kon gŭ, nđâp lah nĕ jêng mham sĭm mâu lah mham mpô mpa rong.

Kan Lêvi 7:26 ပူးပေါင်းရင်းမြစ်များ

Nau Ntơm 9:4

Ƀiălah khân may mâu dơi sa ôh puăch hôm e mham, jêng hôm nau rêh.

Nau Ngluh Êjipt 22:30

Ăn khân may ƀư kơt nĕ đŏng ma biăp jêh ri ndrôk khân may. Ăn hom kon dak bôk gŭ ndrel me păng tâm pơh nar, tât ta nar tal pham khân may mra nhhơr păng ma Gâp.

Êsêkiêl 33:25

Yor ri, lah hom ma khân păng pô aơ: ‘Kôranh Brah Yêhôva lah: Khân may sa mham mpô mpa, muh măt n'gơr rlet mpeh ma rup brah khân may jêh ri ƀư nkhŭt mham, khân may mra dơi sŏk dơn bri neh aơ lĕ?

Kan Lêvi 19:26

Khân may mâu dơi sa puăch hôm mham. Mâu dơi ƀư nau n'hŭm pol mâu lah ƀư nau blau rƀên ôh.

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Kan Lêvi 7:25

Mbu nơm sa ngi mpa ăn ŭnh sa nhhơr ma Brah Yêhôva, bu mra nsot lơi păng luh bơh phung ƀon lan păng.

Kan Lêvi 7:27

Mbu nơm sa mham, bu mra nsot lơi păng luh bơh phung ƀon lan păng.”

Yôhan 6:53

Brah Yêsu lah ma khân păng: “Nanê̆ ngăn, Gâp lah ngăn ma khân may, tơlah khân may mâu sa nglay săk jêh ri mâu nhêt dak mham Kon Bunuyh, pôri mâu geh ôh nau rêh n'ho ro tâm khân may.

Kôranh Oh Mon 15:20

ƀiălah ăn he nchih samƀŭt ntăm ma khân păng djôt prăp khân păng nơm bơh nau ƀơ̆ ƀơch tă bơh lĕ rup brah jêh ri nau văng tĭr, mâu đŏng sa puăch mpô mpa khĭt măp jêh ri mham.

Kôranh Oh Mon 15:29

Ăn khân may ver sa ndơ ƀư brah ma rup brah, mham, mpô mpa khĭt măp, jêh ri lơi văng tĭr. Khân may djôt prăp lĕ rngôch nau nây jêng ueh. Nĕ khân may yơ̆!”

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Nau Vay Nkah Tay 12:16

Ƀiălah khân may mâu dơi ôh sa mham; ăn khân may nkhŭt lơi mham ta neh nâm bu nkhŭt dak.

Nau Vay Nkah Tay 12:23

Ƀiălah mâu dơi ôh sa mham, yorlah mham jêng nau rêh, rĭ dĭng khân may mâu dơi sa puăch nđâp ma nau rêh.

Nau Vay Nkah Tay 15:23

Ƀiălah khân may mâu dơi sa mham, nkhŭt lơi hom mham ta neh nâm bu nkhŭt dak.”

I Timôthê 4:4

Yorlah lĕ rngôch ndô ndơ Brah Ndu njêng jêh jêng ueh da dê, mâu geh ndơ mƀăr lơi ôh, knŏng tơlah sŏk dơn ma nuih n'hâm gĭt lah ueh;