Kan Lêvi 7:18 - Nau Brah Ndu Ngơi 2023

¹⁸ Tơlah mbu nơm sa puăch ndơ ƀư brah đăp mpăn tâm nar tal pe, ndơ ƀư brah bơh nơm nây nhhơr mra mâu dơn jêh ri ndơ hŏ nhhơr ƀư brah nây bu mâu kơp ôh. Nĕ jêng du ntil nau ƀơ̆ ƀơch, mbu nơm sa puăch nây mra tuy nau tâm rmal.

Kan Lêvi 7:18 ပူးပေါင်းရင်းမြစ်များ

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Êsai 65:4

Gŭ tâm ntŭk môch Gŭ lĕ măng tâm ntŭk ndâp Gay sa puăch sŭr, Prăp dak gâm puăch ƀơ̆ tâm ngan khân păng.

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Yêrêmi 14:10

Brah Yêhôva lah ma phung ƀon lan aơ kơt aơ: “Khân păng ŭch hăn nsong blêng pônây, Mâu gĭt nkân bar jâng ôh; Yor ri Brah Yêhôva mâu sŏk dơn ôh khân păng. Aƀaơ aơ, Păng kah gĭt tay nau khân păng hŏ ƀư tih, Jêh ri rmal lơi nau tih khân păng.”

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Kan Lêvi 10:17

“Mâm ƀư khân may mâu sa puăch mpa ƀư brah chuai nau tih tâm du ntŭk kloh ueh? Nĕ jêng du kô̆ dŭt kloh ueh, ndơ Brah Yêhôva hŏ ăn jêh ma khân may gay ma khân may dơi tuy nau tih tâm lĕ phung tâm rƀŭn jêh ri ƀư ndơ ƀư brah chuai nau tih ma khân păng tanăp Brah Yêhôva.

Kan Lêvi 10:19

Y-Arôn lah ma Y-Môis: “Nar aơ bar hê mon may hŏ nhhơr jêh ndơ ƀư brah chuai nau tih jêh ri ndơ ƀư brah gŭch tanăp Brah Yêhôva. Ƀiălah lĕ nau mâu ueh kơt nĕ hŏ tât jêh ma gâp, jêh ri nar aơ gâp hôm sa mpa ƀư brah chuai nau tih, yŏng ma Brah Yêhôva maak nuih n'hâm?”

Kan Lêvi 11:41

Lĕ rngôch ndrŭng vơr ta neh jêng geh nau ƀơ̆ ƀơch da dê, bu mâu dơi sa mpa nây ôh.

Kan Lêvi 17:16

Bi ma mbu nơm mâu pih ôh kho ao mâu lah mâu ŭm ôh, păng mra tuy nau tih păng.’ ”

Kan Lêvi 19:5

Lah khân may nhhơr ndơ ƀư brah đăp mpăn ăn ma Brah Yêhôva, mâm nau khân may nhhơr gay ma Gâp dơi dơn.

Kan Lêvi 20:17

Tơlah du huê bu klâu sŏk ruh mâu lah oh păng nơm, mâu lah du mbơ̆, mê̆ êng êng, mâu lah du mê̆, mbơ̆ êng êng, nây jêng du nau dŭt bêk prêng, bu mra ngluh lơi khân păng luh bơh phung ƀon lan. Nơm hŏ ƀư bêk jêh oh ruh păng, nơm nây mra tuy nau djơh păng.

Kan Lêvi 20:19

Mâu dơi bê̆ch nsum đah oh ruh me may mâu lah oh ruh mbơ̆ may, yor nau ƀư kơt nây jêng nau bêk prêng ndŭl mpôl dăch may; bar hê khân păng mra tuy nau tâm rmal yor nau djơh khân păng.

Kan Lêvi 22:16

tơlah ăn phung bu năch sa ndơ nhhơr kloh ueh, ƀư ăn khân păng tŭp nau tih jêh ri ntrok ndơ nhhơr. Gâp jêng Brah Yêhôva, Nơm ƀư kloh ueh ma lĕ ndơ nây.’”

Kan Lêvi 22:23

Khân may dơi nhhơr du mlâm ndrôk mâu lah biăp kon geh jâng jong ir mâu lah gleh ir ƀư ndơ nhhơr khân may nơm ŭch, ƀiălah tơlah nhhơr mpa nây ƀư ndơ nhhơr ma nau dăn ton, mpa nây mâu mra dơi dơn ôh.

Kan Lêvi 22:25

Lĕ khân may mâu dơi dơn ôh du mpô mpa tâm ban pônây tă bơh du huê bu năch gay ƀư ndơ sông sa ma Brah Ndu. Lĕ mpa nây mâu mra dơi dơn ôh yor khân păng geh sôt jêh ri geh têl khap.’”

Kan Lêvi 5:17

Tơlah du huê lăn ƀư tih ta du nau tâm lĕ nau vay Brah Yêhôva ntăm, ƀư nau mâu dơi vay ƀư ôh, yor ri lĕ tih jêh, jêh ri păng mra tuy nau rmal.

Kan Lêvi 7:19

Puăch hŏ geh nđĭl jêh ta moh ndơ ƀơ̆ ƀơch, bu mâu dơi sa ôh, ƀiălah ăn bu su păng tâm ŭnh. Bi ma puăch êng, lĕ rngôch mbu geh nau kloh dơi sa da dê.

Amôt 5:22

Nđâp tơlah khân may nhhơr ma Gâp ndơ ƀư brah gŭch jêh ri ndơ ƀư brah rnih môi, Gâp mâu mra dơn ôh ndơ nây; Gâp mâu treng uănh ôh ma lĕ mpô mpa lay khân may dŏng ƀư ndơ ƀư brah ma nau đăp mpăn.

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Malachi 1:13

Khân may lah tay: “Ơ, nau ƀư aơ jâk jêr ngăn!” Jêh nây khân may mưch rmot păng. Brah Yêhôva ma phung tahan lah: “Khân may djôt leo mpô mpa ndơ ntŭng, kuet rvĕn jêh ri ndơ ji rôi ƀư ndơ ƀư brah nhhơr ăn ma Gâp. Gĭt lah Gâp dơn lĕ mâu ndơ nhhơr nây tă ti khân may?” Brah Yêhôva lah pônây.

Nau Kơp Bunuyh 18:27

Ndơ ƀư brah khân may nhhơr mra dơi kơp ma khân may nâm ba ƀlê ntŭk mprah ba jêh ri nâm ndrănh krăk ƀâu rmeh ler bơh ntŭk păt ndrănh.

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 4:11

Păng dơn jêh nau tâm mbên ma nau koh ntâu tâm ban tâp pŏng nau sŏng srăng păng geh jêh ma nau chroh ntơm bơh păng ê hŏ koh ntâu. Tâm ban pônây păng plơ̆ jêng mbơ̆ ma lĕ rngôch phung chroh ƀiălah mâu geh koh ntâu, khân păng dơi kơp jêng sŏng srăng tâm ban lĕ,

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.