Kan Lêvi 7:16 - Nau Brah Ndu Ngơi 2023

¹⁶ Tơlah ndơ ƀư brah tă bơh nau ton mâu lah tă bơh nuih n'hâm rŏng, sa ro mpa ƀư brah tâm nar bu nhhơr, moh mpa hôm e bu dơi sa nar ôi taơ.

Kan Lêvi 7:16 ပူးပေါင်းရင်းမြစ်များ

Nau Mprơ Ơm 116:14

Gâp mra tâm lĕ nau gâp ton ma Brah Yêhôva, Tanăp lĕ rngôch phung ƀon lan Păng.

Nau Mprơ Ơm 116:18

Gâp mra ƀư rĭng lĕ nau gâp ton ma Brah Yêhôva, Tanăp lĕ rngôch phung ƀon lan Păng,

Nau Mprơ Ơm 66:13

Gâp mra djôt ndơ ƀư brah gŭch lăp tâm ngih May, Ƀư lĕ nau gâp ton jêh ma May,

Nau Ngluh Êjipt 35:29

Lĕ rngôch phung ƀon lan Israel, lĕ rngôch bu ur nđâp bu klâu, geh nuih n'hâm sŭk nsôr ŭch nhhơr moh ntil ndơ tâm lĕ nau kan Brah Yêhôva hŏ ntĭnh jêh ma Y-Môis, ŭch da dê tât nhhơr ma Brah Yêhôva.

Nau Hôr 7:14

“Gâp hŏ nhhơr jêh ndơ nhhơr ƀư brah ma nau đăp mpăn, Nar aơ gâp mplơ̆ lôch jêh lĕ nau ton.

Êsêkiêl 46:12

Tơlah hađăch nhhơr ma Brah Yêhôva ndơ ƀư brah tĭng ŭch, nđâp lah ndơ ƀư brah gŭch mâu lah ndơ ƀư brah ma nau đăp mpăn, pôri bu mra pơk mpông pêr mpeh luh nar ăn ma hađăch. Hađăch mra nhhơr ndơ ƀư brah gŭch mâu lah ndơ ƀư brah ma nau đăp mpăn nâm bu hađăch hŏ nhhơr jêh ndơ ƀư brah nây ta nar saƀat. Jêh nây, hađăch du luh, jêh ri tơlah hŏ du luh jêh pôri mpông pêr bu dơi ntĭl lơi.”

Kan Lêvi 22:23

Khân may dơi nhhơr du mlâm ndrôk mâu lah biăp kon geh jâng jong ir mâu lah gleh ir ƀư ndơ nhhơr khân may nơm ŭch, ƀiălah tơlah nhhơr mpa nây ƀư ndơ nhhơr ma nau dăn ton, mpa nây mâu mra dơi dơn ôh.

Kan Lêvi 22:29

Tơlah khân may nhhơr ndơ ƀư brah nsĭt nau lah ueh ma Brah Yêhôva, mâm nau khân may nhhơr gay ma dơi dơn.

Kan Lêvi 23:38

Rlau ma nây, khân may djôt prăp đŏng lĕ nar saƀat Brah Yêhôva, lĕ ndơ nhhơr, lĕ ndơ ƀư brah ƀư nau ton jêh ri khân may nơm ŭch nhhơr ma Brah Yêhôva.

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Nau Kơp Bunuyh 15:3

jêh ri nôk khân may nhhơr ma Brah Yêhôva ndrôk mâu lah biăp nâm bu du ndơ ƀư brah nhhơr ma ŭnh sa, geh n'hôl ƀâu kah ma Brah Yêhôva, mâu lah ndơ ƀư brah gŭch, mâu lah mpa ƀư brah gay ƀư nanê̆ nau ton mâu lah ndơ ƀư brah ma nau ŭch, mâu lah ndơ ƀư brah tâm lĕ yan nau rƀŭn,

Nau Vay Nkah Tay 12:11

Nôk nây mra geh du ntŭk Yêhôva Brah Ndu khân may mra săch an gay amoh Păng gŭ ta nây jêh ri jêng ntŭk khân may mra njŭn lĕ rngôch ndơ gâp hŏ ntĭnh ma khân may tâm ban ndơ ƀư brah gŭch, lĕ mpa ƀư brah, tê̆ pi du kô̆ tâm jât, ndơ nhhơr yơr, jêh ri lĕ ndơ nhhơr ƀư nanê̆ nau ton bơh khân may ton nhhơr ma Brah Yêhôva.

Nau Vay Nkah Tay 12:17

Bi ma tê̆ pi du kô̆ tâm jât bơh ba, ndrănh, dak ngi mâu lah lĕ kon dak bôk mpôl ndrôk, biăp khân may, mâu lah tâm ăp ndơ nhhơr ƀư nanê̆ nau khân may ton, lĕ ndơ ƀư brah ma nuih n'hâm rŏng mâu lah ndơ nhhơr yơr pôri khân may mâu dơi sa ôh tâm lĕ ƀon toyh khân may nơm.

Nau Vay Nkah Tay 12:26

Bi ma mpô mpa khân may hŏ prăp êng jêh jêng mpa kloh ueh mâu lah lĕ ndơ nhhơr ƀư nanê̆ nau ton, pôri ăn khân may djôt leo tât ta ntŭk Brah Yêhôva hŏ săch jêh,

Nau Vay Nkah Tay 12:6

Khân may mra djôt leo ta nây lĕ ndơ ƀư brah gŭch, lĕ mpa ƀư brah, pi du kô̆ tâm jât, ndơ nhhơr yơr, ndơ nhhơr ƀư nanê̆ nau ton, ndơ nhhơr ma nuih n'hâm rŏng, jêh ri lĕ kon dak bôk tâm mpôl ndrôk jêh ri biăp khân may.