Kan Lêvi 7:12 - Nau Brah Ndu Ngơi 2023

¹² Tơlah păng nhhơr ndơ ƀư brah gay nau tâm rnê, nđâp ma ndơ nhhơr nau tâm rnê, ăn nhhơr hom ƀănh jê̆ mâu geh ndrui pot dak ngi, ƀănh n'hơ mâu geh ndrui mhĭng dak ngi, jêh ri ƀănh ƀư ma rnih ba ƀlê hŏ tâm pot li ăn lam ma dak ngi.

Kan Lêvi 7:12 ပူးပေါင်းရင်းမြစ်များ

II Nau Rêh Jêng 29:31

Hađăch Hêsêkia lah: “Aƀaơ ri, khân may prăp jêh khân may nơm jêng kloh ma Brah Yêhôva. Văch hom, djôt mpa ƀư brah jêh ri ndơ ƀư brah tâm rnê lăp tâm ngih Brah Yêhôva.” Phung tâm rƀŭn leo ro lĕ mpa ƀư brah jêh ri ndơ ƀư brah tâm rnê lah ueh, geh đŏng phung nđơr êng djôt nhhơr lĕ ndơ ƀư brah gŭch.

II Nau Rêh Jêng 33:16

Jêh nây, păng nkra tay nơng ƀư brah ma Brah Yêhôva, păng nhhơr ndơ ƀư brah ma nau đăp mpăn jêh ri ndơ ƀư brah tâm rnê lah ueh ta nây; jêh ri păng ntĭnh ma phung Yuđa pah kan ma Yêhôva Brah Ndu Israel.

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nau Mprơ Ơm 107:8

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 116:17

Gâp mra nhhơr ma May ndơ nhhơr tâm rnê May. Jêh ri gâp mra kuăl mbơh sơm ma amoh Brah Yêhôva.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Kan Lêvi 2:4

Tơlah phung kon nhhơr ndơ ƀư brah rnih môi ma ƀănh gŭch tâm năk pôri ƀănh nĕ mra ƀư ma rnih mâu geh ndrui pot đah dak ngi, mâu lah ƀư jêng ƀănh n'hơ mâu geh ndrui tâm pot đah dak ngi.

Kan Lêvi 2:5

Tơlah khân may sŏk ƀănh gŭch ta klơ mpĭt ƀư ndơ ƀư brah rnih môi pôri ƀănh nây ƀư ma rnih môi mâu geh ndrui pot đah dak ngi,

Kan Lêvi 22:29

Tơlah khân may nhhơr ndơ ƀư brah nsĭt nau lah ueh ma Brah Yêhôva, mâm nau khân may nhhơr gay ma dơi dơn.

Kan Lêvi 6:16

Y-Arôn jêh ri phung kôranh ƀư brah tâm noi deh Y-Arôn mra sa moh ndơ hôm e, ƀiălah khân păng mra sa piăng let mâu geh ndrui jêh ri sa tâm du ntŭk kloh ueh, jêng ntŭk tâm ndring Ngih Bok Nau Tâm Rƀŭn.

Kan Lêvi 7:15

Puăch bơh mpa ƀư brah tâm ndơ ƀư brah đăp mpăn gay tâm rnê ăn sa tâm nar bu nhhơr, mâu dơi om du ntil ndơ tât ang nar ôi taơ.

Amôt 4:5

Su lơi hom ndơ ƀư brah nau tâm rnê ma piăng let geh ndrui; Mbơh hom lĕ ndơ ƀư brah hŏ mĭn jêh tâm nuih n'hâm; Ntưih hom ăn bu gĭt lĕ nau nây! Hơi phung kon Israel, yorlah khân may ŭch ƀư nâm bu pônây.” Kôranh Brah Yêhôva lah pônây.

Nau Kơp Bunuyh 6:15

du bĭ piăng let mâu geh ndrui, ƀănh rnih môi tâm pach đah dak ngi, piăng let n'hơ mâu geh ndrui pot dak ngi nđâp ma ndơ ƀư brah rnih môi jêh ri ndơ nhhơr nhêt.

Luka 17:16

jêh ri tât chon mon ta jâng Brah Yêsu jêh ri lah ueh ma Păng. Nơm nây jêng bunuyh Samari.

Luka 17:18

Mbu nơm plơ̆ tay tâm rnê Brah Ndu, knŏng du huê bu năch aơ lĕ ƀơh?”

Samƀŭt Pôl Njuăl Ăn Ma Phung Nsing Ta Ƀon Rôm 1:21

Yorlah nđâp tơlah hŏ gĭt năl jêh Brah Ndu, khân păng mâu ŭch tâm n'hao prêh ma Păng jêng Brah Ndu ôh jêh ri mâu lah ueh Păng, ƀiălah khân păng ăt mĭn mâu geh kô̆; nuih n'hâm rluk mâl khân păng plơ̆ jêng nau ngo klĕng.

Êphêsô 5:20

Tâm lĕ nau kan, tâm amoh hom Kôranh Brah he Yêsu Krist ƀaƀơ gay nhhơr nau lah ueh ma Brah Ndu, jêng Mbơ̆.

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.