Kan Lêvi 6:5 - Nau Brah Ndu Ngơi 2023

⁵ mâu lah moh ntil ndơ păng geh yor ton mƀruh. Ăn păng ntrok rĭng n'ho ma ntop du kô̆ tâm prăm rnoh khlay, jêh nây ndơ̆ ma nơm kôranh ndơ nây tâm nar păng nhhơr ndơ ƀư brah chuai nau ƀư tih.

Kan Lêvi 6:5 ပူးပေါင်းရင်းမြစ်များ

II Samuel 12:6

Ăn păng ntrok puăn tơ̆ rnoh biăp kon, yorlah hŏ ƀư jêh nau aơ jêh ri yorlah mâu geh nau yô̆ nđach ôh.”

Nêhêmi 10:35

Hên tâm nal đŏng ăp năm djôt leo kao play bôk yan tă tâm neh hên jêh ri lĕ ntil play tơm si bôk yan hên tât ma ngih Brah Yêhôva.

Nau Ngluh Êjipt 22:1

Tơlah mbu nơm nhŭp ntŭng du mlâm ndrôk mâu lah du mlâm biăp jêh nây nkhĭt mâu lah tăch lơi, ntrok hom prăm mlâm ndrôk tâm du mlâm ndrôk, jêh ri puăn mlâm biăp tâm du mlâm biăp.

Nau Ngluh Êjipt 22:4

Tơlah saơ ta ti nơm ntŭng ndơ păng hŏ ntŭng jêh, mâu lah ndrôk, seh bri, mâu lah biăp hôm rêh, nơm ntŭng nĕ păng mra ntrok bar tơ̆.

Nau Ngluh Êjipt 22:7

Lah geh bu bunuyh jao ma nơm chiau meng păng sâm mât prăk mâu lah ndô ndơ păng nơm, ƀiălah bu ntŭng lơi bơh tâm ngih bunuyh nây, tơlah ban bu nhŭp nơm ntŭng ri ăn păng ntrok bar tơ̆.

Nau Ngluh Êjipt 22:9

Tâm lĕ rngôch nau tâm rlăch tât ma drăp ndơ, ndrôk, seh bri, biăp, bok ao, mâu lah ndơ êng roh, ƀiălah bu mra lah: “aơ jêng ndơ gâp” pôri lĕ bar đah nây hăn tât tanăp măt Brah Ndu. Nơm Brah Ndu tâm rmal mra ntrok bar tơ̆ ma nơm chiau meng păng.

Nau Ngluh Êjipt 30:7

Ăp ôi, lah Y-Arôn nkra ŭnh kađen, păng mra su ndơ ƀâu kah ta klơ nơng ƀư brah.

Êsai 58:6

Mâu di hĕ nau ât sông sa Gâp săch, nây jêng: Doh lơi lĕ rse rvăk nau ƀai, Doh lơi rse kât mâng mbăk, Ăn jêng kon me phung bu tŭn jot, Jêh ri nkê̆ch lơi ăp mâng mbăk?

Êsai 58:9

Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Êsêkiêl 33:15

tơlah păng mplơ̆ sĭt ndơ nchăm, mplơ̆ sĭt ndơ păng hŏ ntŭng, chuat tĭng nau vay nau rêh, mâu ƀư ôh djơh mhĭk, n'hêl nanê̆ păng mra rêh jêh ri păng mâu khĭt ôh.

Kan Lêvi 5:16

Ăn păng ntrok tay ndơ kloh ueh jêh ri mra ntop du kô̆ tâm prăm rnoh prăk ma ndơ mpa kloh ueh yor nau tih păng hŏ ƀư jêh, jêh nây jao ndơ nây ma kôranh ƀư brah. Kôranh ƀư brah mra dŏng biăp nkuăng jêng ndơ ƀư brah chuai nau ƀư tih gay chuai nau tih ma păng, jêh ri păng mra dơi yô̆ an.

Luka 19:8

Ƀiălah Y-Sachê gŭ nsrâng tanăp Kôranh Brah jêh ri ơh: “Hơi Kôranh Brah, aơ, gâp sŏk du n'gul drăp ndơ gâp gay ăn ma phung o ach; tơlah gâp ƀư mhĭk ma mbu moh nau, gâp mra ntrok âk lơn puăn tơ̆.”

I Samuel 12:3

Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”