Kan Lêvi 6:29 - Nau Brah Ndu Ngơi 2023

²⁹ Lĕ rngôch bu klâu tâm rnăk vâl kôranh ƀư brah dơi sa ndơ nây da dê, nĕ jêng du kô̆ dŭt kloh ueh.

Kan Lêvi 6:29 ပူးပေါင်းရင်းမြစ်များ

Êsêkiêl 42:13

Rnôk nây, păng lah ma gâp pô aơ: “Lĕ rngôch jrô mpeh pa lơ jêh ri lĕ jrô mpeh pa dâng tanăp nkual ngih brah jêng lĕ jrô kloh ueh, jêng ntŭk phung kôranh ƀư brah hăn dăch Brah Yêhôva mra sa ndơ ƀư brah kloh ueh ngăn. Phung kôranh nây mra ăn ta nây ndơ ƀư brah kloh ngăn, ndơ ƀư brah rnih môi, ndơ ƀư brah chuai nau ƀư tih jêh ri ndơ ƀư brah chuai nau tih yorlah ntŭk nây jêng kloh ueh.

Kan Lêvi 6:25

“Ăn may ntăm hom nau vay ndơ ƀư brah chuai nau tih ma Y-Arôn jêh ri phung kon sau păng ta nâm pô aơ: Mpa ƀư brah ma nau rƀŭn chuai nau tih mra nkhĭt tanăp Brah Yêhôva, mpeh pa lơ ta nơng ƀư brah, ta ntŭk vay nkhĭt lĕ mpa ƀư ndơ ƀư brah gŭch. Nĕ jêng mpa ƀư brah dŭt kloh ueh.

Kan Lêvi 6:26

Kôranh ƀư brah nhhơr mpa ƀư brah chuai nau tih mra sa ndơ nhhơr nây tâm du ntŭk kloh ueh, jêng tâm ndring Ngih Bok Nau Tâm Rƀŭn.

Kan Lêvi 7:6

Lĕ rngôch bu klâu tâm rnăk vâl kôranh ƀư brah dơi sa ndơ nây da dê tâm du ntŭk kloh ueh; nây jêng ndơ dŭt kloh ueh.

Ndrom Samƀŭt bơh Agê 2:12

Tơlah geh bunuyh nklâm puăch kloh ueh tâm dŭng ao, jêh ri dŭng ao krêp piăng let mâu lah ndơ gâm sĭn, mâu lah ndrănh, mâu lah dak ngi mâu lah moh ndơ sông sa ƀaƀă, pôri ndơ nây dơi jêng kloh ueh lĕ?’” Phung kôranh ƀư brah plơ̆ lah da dê: “Mâu.”

Nau Kơp Bunuyh 18:10

May sa hom ndơ nây nâm du ndơ dŭt kloh ueh; lĕ rngôch bunuyh bu klâu dơi sa ndơ nây jêh ri ndơ nây mra jêng du ndơ kloh ueh ma may.