Kan Lêvi 6:27 - Nau Brah Ndu Ngơi 2023

²⁷ Mbu nơm bunuyh mâu lah moh ndơ pah tât ta puăch mpa ƀư brah mra dơn nau mhĭk, yorlah puăch nây prăp ăn ma nau kloh ueh. Tơlah mham mpa ƀư brah mprănh geh ta ao, ăn khân may pih ao nây tâm du ntŭk kloh ueh.

Kan Lêvi 6:27 ပူးပေါင်းရင်းမြစ်များ

Nau Ngluh Êjipt 29:37

Tâm pơh nar, may ƀư hom rƀŭn chuai nau tih jêh ri ƀư kloh nơng ƀư brah. Pônây nơng ƀư brah mra jêng kloh ueh ngăn, lĕ ndơ nđĭl ta nơng ƀư brah mra jêng kloh ueh.”

Nau Ngluh Êjipt 30:29

Ăn may mra prăp lĕ ndơ aơ tâm nau kloh ueh gay khân păng jêng kloh ueh lơn; ăp moh ndơ nđĭl ma khân păng mra jêng kloh ueh.

Êsêkiêl 44:19

Ƀiălah tơlah hăn rgăn ma nkual padih jêng ntŭk geh phung ƀon lan pôri khân păng doh lơi kho ao nsoh dôl pah kan jêh ri ăn tâm lĕ jrô kloh ueh, jêh ri nsoh ao êng, mâu om ăn ôh ao khân păng ƀư ăn ma phung ƀon lan jêng kloh.

Kan Lêvi 11:32

Dôl du mpa tâm phung mpa nây khĭt, săk jăn khĭt păng tŭp ta ăp ntil moh ndơ, ndơ nây mra jêng ƀơ̆ ƀơch, nđâp lah nĕ jêng ndơ dŏng ƀư ma si, ma bok, ma ntâu, dŭng, mâu lah geh ta ăp ndơ ƀaƀă; ăn bu trăm lĕ ndơ nây tâm dak, jêh ri lĕ ndơ nây mra jêng ƀơ̆ ƀơch tât kêng măng rĭ mơ khân păng jêng kloh.

Kan Lêvi 6:18

Lĕ rngôch bu klâu tâm noi deh Y-Arôn dơi sa ndơ nây. Nĕ jêng nau vay n'ho ro ma lĕ rngôch rnôk phung kon, bơh lĕ ndơ ƀư brah ăn ŭnh sa nhhơr ma Brah Yêhôva. Mbu nơm pah ta lĕ ndơ ƀư brah nây mra jêng nau mhĭk yorlah ndơ ƀư brah nây jêng ndơ kloh ueh.

Kan Lêvi 7:19

Puăch hŏ geh nđĭl jêh ta moh ndơ ƀơ̆ ƀơch, bu mâu dơi sa ôh, ƀiălah ăn bu su păng tâm ŭnh. Bi ma puăch êng, lĕ rngôch mbu geh nau kloh dơi sa da dê.

Ndrom Samƀŭt bơh Agê 2:12

Tơlah geh bunuyh nklâm puăch kloh ueh tâm dŭng ao, jêh ri dŭng ao krêp piăng let mâu lah ndơ gâm sĭn, mâu lah ndrănh, mâu lah dak ngi mâu lah moh ndơ sông sa ƀaƀă, pôri ndơ nây dơi jêng kloh ueh lĕ?’” Phung kôranh ƀư brah plơ̆ lah da dê: “Mâu.”

Mathay 14:36

Khân păng vơl dăn Păng ăn khân păng pah bi knŏng ta chiăng ao Păng; jêh ri lĕ bunuyh hŏ pah ta ao Păng dơi bah da dê.

Mathay 9:21

Yorlah păng mĭn tâm nuih n'hâm pô aơ: “Tơlah knŏng pah ta ao Păng dơm, gâp mra bah ro.”

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

II Kôrintô 7:11

Pôri, khân may uănh hom, nau rngot rvê tĭng nâm nau Brah Ndu ŭch njêng jêh tâm khân may geh nuih n'hâm duh nđơr! Mâu knŏng kơt nây dơm, ƀiălah lĕ nau srôih ƀư kloh khân may nơm, nau ji nuih, klach kir, kâp gân nau duh nđơr, nau nduyh nkra đŏng! Khân may tâm mpơl jêh tâm lĕ rngôch bunuyh ma khân may mâu geh tih tâm kan nây.