Kan Lêvi 6:26 - Nau Brah Ndu Ngơi 2023

²⁶ Kôranh ƀư brah nhhơr mpa ƀư brah chuai nau tih mra sa ndơ nhhơr nây tâm du ntŭk kloh ueh, jêng tâm ndring Ngih Bok Nau Tâm Rƀŭn.

Kan Lêvi 6:26 ပူးပေါင်းရင်းမြစ်များ

Nau Ngluh Êjipt 40:33

Jŭm Ngih Bok jêh ri nơng ƀư brah, păng ndâk ndring ngih da dê jêh ri yông bok ta mpông ndring ngih. Pôri, Y-Môis hŏ ƀư lôch jêh lĕ nau kan.

Êsêkiêl 42:13

Rnôk nây, păng lah ma gâp pô aơ: “Lĕ rngôch jrô mpeh pa lơ jêh ri lĕ jrô mpeh pa dâng tanăp nkual ngih brah jêng lĕ jrô kloh ueh, jêng ntŭk phung kôranh ƀư brah hăn dăch Brah Yêhôva mra sa ndơ ƀư brah kloh ueh ngăn. Phung kôranh nây mra ăn ta nây ndơ ƀư brah kloh ngăn, ndơ ƀư brah rnih môi, ndơ ƀư brah chuai nau ƀư tih jêh ri ndơ ƀư brah chuai nau tih yorlah ntŭk nây jêng kloh ueh.

Êsêkiêl 46:20

Păng lah ma gâp: “Nây jêng ntŭk phung kôranh ƀư brah gâm lĕ ndơ ƀư brah chuai nau tih jêh ri chuai nau ƀư tih, ndrel n'hôl lĕ ndơ ƀư brah rnih môi gay mâu djôt leo ôh ndơ nây tât tâm ntŭk ndring padih jêh ri ƀư ăn phung ƀon lan jêng kloh lĕ.”

Ndrom Samƀŭt bơh Ôsê 4:8

Khân păng rêh bơh nau tih phung ƀon lan Gâp; Kơnh rŏng dôl phung ƀon lan Gâp ƀư tih.

Kan Lêvi 6:16

Y-Arôn jêh ri phung kôranh ƀư brah tâm noi deh Y-Arôn mra sa moh ndơ hôm e, ƀiălah khân păng mra sa piăng let mâu geh ndrui jêh ri sa tâm du ntŭk kloh ueh, jêng ntŭk tâm ndring Ngih Bok Nau Tâm Rƀŭn.

Kan Lêvi 6:17

Mâu dơi pot ndrui ôh tâm rnih nây gay gŭch. Gâp hŏ ăn ndơ nây ma khân păng bơh tâm lĕ ndơ ƀư brah ăn ŭnh sa nhhơr ma Gâp. Nĕ jêng ndơ dŭt kloh ueh, nâm bu ndơ ƀư brah chuai nau tih jêh ri ndơ ƀư brah chuai nau tih.

Kan Lêvi 6:29

Lĕ rngôch bu klâu tâm rnăk vâl kôranh ƀư brah dơi sa ndơ nây da dê, nĕ jêng du kô̆ dŭt kloh ueh.

Kan Lêvi 7:7

Ndơ ƀư brah chuai nau ƀư tih tâm ban ma mpa ƀư brah chuai nau tih, lĕ bar geh du nau vay da dê. Mbu nơm kôranh ƀư brah nhhơr mpa ƀư brah chuai nau tih, mpa ƀư brah nây jêng ndơ păng.

I Kôrintô 9:13

Khân may mâu gĭt hĕ mbu nơm rvê pah kan tâm ngih brah mra sa ndơ nhhơr tâm ngih brah, bi mbu nơm rvê pah kan ta nơng ƀư brah geh ndơ bơh nơng ƀư brah nây lĕ ƀơh?