Kan Lêvi 6:25 - Nau Brah Ndu Ngơi 2023

²⁵ “Ăn may ntăm hom nau vay ndơ ƀư brah chuai nau tih ma Y-Arôn jêh ri phung kon sau păng ta nâm pô aơ: Mpa ƀư brah ma nau rƀŭn chuai nau tih mra nkhĭt tanăp Brah Yêhôva, mpeh pa lơ ta nơng ƀư brah, ta ntŭk vay nkhĭt lĕ mpa ƀư ndơ ƀư brah gŭch. Nĕ jêng mpa ƀư brah dŭt kloh ueh.

Kan Lêvi 6:25 ပူးပေါင်းရင်းမြစ်များ

Êsêkiêl 42:13

Rnôk nây, păng lah ma gâp pô aơ: “Lĕ rngôch jrô mpeh pa lơ jêh ri lĕ jrô mpeh pa dâng tanăp nkual ngih brah jêng lĕ jrô kloh ueh, jêng ntŭk phung kôranh ƀư brah hăn dăch Brah Yêhôva mra sa ndơ ƀư brah kloh ueh ngăn. Phung kôranh nây mra ăn ta nây ndơ ƀư brah kloh ngăn, ndơ ƀư brah rnih môi, ndơ ƀư brah chuai nau ƀư tih jêh ri ndơ ƀư brah chuai nau tih yorlah ntŭk nây jêng kloh ueh.

Kan Lêvi 1:11

Nơm nhhơr ndơ nây, nkhĭt hom mpa nây ta mpeh pa lơ nơng ƀư brah, tra năp Brah Yêhôva, jêh nây phung kon sau Y-Arôn jêng phung kôranh ƀư brah mra nsrih mham jŭm nơng ƀư brah.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 1:5

Ndrôk nkuăng mra nkhĭt tanăp Brah Yêhôva, jêh nây phung kon sau Y-Arôn jêng phung kôranh ƀư brah sŏk mham păng nhhơr jêh ri djrah mham nây jŭm nơng ƀư brah ta mpông Ngih Bok Nau Tâm Rƀŭn.

Kan Lêvi 21:22

Nơm nây dơi sa ndơ sông sa ma Brah Ndu, nđâp ma lĕ ndơ dŭt kloh ueh jêh ri lĕ ndơ prăp êng ma nau kloh ueh,

Kan Lêvi 4:24

Păng mra pah ti ta klơ bôk be nkuăng nây, jêh nây nkhĭt păng tanăp Brah Yêhôva, ta ntŭk vay nkhĭt ăp mpa ƀư ndơ ƀư brah gŭch. Nĕ jêng ndơ ƀư brah chuai nau tih.

Kan Lêvi 4:29

Păng mra pah ti ta klơ bôk mpa ƀư brah chuai nau tih jêh nây nkhĭt mpa nây tâm ntŭk bu vay nkhĭt lĕ mpa ƀư ndơ ƀư brah gŭch.

Kan Lêvi 6:17

Mâu dơi pot ndrui ôh tâm rnih nây gay gŭch. Gâp hŏ ăn ndơ nây ma khân păng bơh tâm lĕ ndơ ƀư brah ăn ŭnh sa nhhơr ma Gâp. Nĕ jêng ndơ dŭt kloh ueh, nâm bu ndơ ƀư brah chuai nau tih jêh ri ndơ ƀư brah chuai nau tih.

Kan Lêvi 6:24

Brah Yêhôva ntĭnh ma Y-Môis:

Kan Lêvi 6:29

Lĕ rngôch bu klâu tâm rnăk vâl kôranh ƀư brah dơi sa ndơ nây da dê, nĕ jêng du kô̆ dŭt kloh ueh.

Kan Lêvi 7:7

Ndơ ƀư brah chuai nau ƀư tih tâm ban ma mpa ƀư brah chuai nau tih, lĕ bar geh du nau vay da dê. Mbu nơm kôranh ƀư brah nhhơr mpa ƀư brah chuai nau tih, mpa ƀư brah nây jêng ndơ păng.