Kan Lêvi 6:22 - Nau Brah Ndu Ngơi 2023

²² Tâm phung kon bu klâu Y-Arôn, mbu nơm kôranh ƀư brah dơn nau bu tŏ dak ngi gay ma tâm thoi kan kôranh ƀư brah toyh, nhhơr da dê ndơ ƀư brah nây ma Brah Yêhôva. Nĕ jêng du nau vay n'ho ro. Ndơ ƀư brah rnih môi ăn ŭnh sa lĕ rngôch.

Kan Lêvi 6:22 ပူးပေါင်းရင်းမြစ်များ

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Ndrom Samƀŭt bơh Ôsê 4:8

Khân păng rêh bơh nau tih phung ƀon lan Gâp; Kơnh rŏng dôl phung ƀon lan Gâp ƀư tih.

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Kan Lêvi 4:24

Păng mra pah ti ta klơ bôk be nkuăng nây, jêh nây nkhĭt păng tanăp Brah Yêhôva, ta ntŭk vay nkhĭt ăp mpa ƀư ndơ ƀư brah gŭch. Nĕ jêng ndơ ƀư brah chuai nau tih.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 6:10

Kôranh ƀư brah mra nsoh kho gleh đah bok mhay gay ma nkŭm săk, jêh nây nsoh ao kôranh ƀư brah. Jêh nây, kôranh ƀư brah mra kuak buh ta klơ nơng ƀư brah ndơ ƀư brah gŭch jêh ri nkhŭt buh nây êp ta meng nơng ƀư brah.

Kan Lêvi 6:11

Jêh nây kôranh ƀư brah mra doh lơi kho ao păng jêh ri nsoh kho ao êng, djôt buh nĕ tât du ntŭk kloh ta padih ngih bok.

Kan Lêvi 6:21

Ndơ nhhơr nây ăn pot li lam đah dak ngi jêh ri gŭch păng ta klơ mpĭt. Lah sĭn jêh, ăn koh piăng let nây jêng âk rngơl gay nhhơr, geh n'hôl ƀâu kah ma Brah Yêhôva.

Kan Lêvi 6:23

Ăp ndơ ƀư brah rnih môi bơh kôranh ƀư brah bu mra gŭch lĕ rngôch, mâu dơi ôh sa.”

Kan Lêvi 8:21

Jêh bu rao kloh proch khŭng jêh ri nglik ma dak, Y-Môis djôt gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch ăn ŭnh sa, geh n'hôl ƀâu kah ma Brah Yêhôva, tĭng nâm Brah Yêhôva hŏ ntăm jêh ma Y-Môis.

Nau Vay Nkah Tay 10:6

Phung ƀon lan Israel hăn bơh Bêrôt Bênêjakan tât ta Môsêra. Y-Arôn khĭt jêh ri bu tâp păng ta nây. Y-Êlêasar jêng kon bu klâu păng ntrok păng ƀư kan ndơ ƀư brah.

ហេឞ្រើ 7:23

Kăl e phung kôranh ƀư brah âk ngăn, yorlah khân păng blau khĭt, mâu dơi gŭ pah kan mro.