Kan Lêvi 6:20 - Nau Brah Ndu Ngơi 2023

²⁰ “Aơ jêng ndơ Y-Arôn jêh ri phung kôranh ƀư brah jêng noi deh Y-Arôn mra nhhơr ma Brah Yêhôva tâm nar khân păng dơn bu tŏ dak ngi: Du kilô rnih ƀlê tâm ban ma du ndơ ƀư brah rnih môi bu vay nhhơr, ôi n'gul jêh ri măng n'gul.

Kan Lêvi 6:20 ပူးပေါင်းရင်းမြစ်များ

I Nau Rêh Jêng 23:29

nâm bu ndrăp nkra piăng let nhhơr, rnih môi dŏng ƀư ndơ ƀư brah rnih môi, ƀănh n'hơ mâu geh ndrui, lĕ ndơ gŭch ta klơ mpĭt, ndơ ƀư brah pot dak ngi ôlive, jêh ri lĕ ndơ veh.

Nau Ngluh Êjipt 16:36

Du ômer jêng du kô̆ tâm jât êpha.

Nau Ngluh Êjipt 29:2

sŏk dŏng rnih ƀư piăng let mâu geh ndrui, ƀănh njŭng mâu geh ndrui, tâm lai dak ngi, jêh ri ƀănh nsiŏp mâu geh ndrui geh pot dak ngi.

Kan Lêvi 23:13

jêh ri du ndơ ƀư brah rnih môi ma bar kilô rnih môi pot đah dak ngi, jêng ndơ ƀư brah ăn ŭnh sa, geh n'hôl ƀâu kah nhhơr ma Brah Yêhôva, ndrel ma du lit ndrănh gay ƀư ndơ nhhơr nhêt.

Kan Lêvi 5:1

“Lah du huê ƀư tih yor păng mâu ŭch mbơh du nau kan păng hŏ saơ jêh mâu lah lĕ gĭt, nđâp lah bu đă păng ngơi nau ton ma nau păng saơ nây, pôri păng mra tuy nau tih păng nơm.

Kan Lêvi 5:11

Tơlah păng mâu geh du kôp sĭm ntơp mâu lah du kôp plŭk kon, ăn păng njŭn leo du kilô rnih môi ba ƀlê gay ƀư ndơ ƀư brah chuai nau tih yor kan tih păng hŏ ƀư jêh; mâu dơi chê̆ dak ngi jêh ri mâu dơi dơm ndơ ƀâu kah ta klơ rnih nây, yorlah nĕ jêng du ndơ ƀư brah chuai nau tih.

Kan Lêvi 6:11

Jêh nây kôranh ƀư brah mra doh lơi kho ao păng jêh ri nsoh kho ao êng, djôt buh nĕ tât du ntŭk kloh ta padih ngih bok.

Kan Lêvi 6:19

Brah Yêhôva ntĭnh tay ma Y-Môis:

Nau Kơp Bunuyh 28:10

Nây jêng ndơ ƀư brah gŭch tâm ăp nar saƀat, rmeh ma ndơ nhhơr gŭch mro mrăng jêh ri ndơ nhhơr nhêt.”

Nau Kơp Bunuyh 28:3

Pôri may lah hom ma phung ƀon lan Israel pô aơ: ‘Aơ jêng ndơ ƀư brah ăn ŭnh sa khân may mra nhhơr ma Brah Yêhôva: Ăp nar bar mlâm biăp kon nkuăng du năm deh, mâu geh ntŭk mhĭk ôh, jêng ndơ ƀư brah gŭch mro mrăng.

Nau Kơp Bunuyh 4:16

Y-Êlêasar, kon bu klâu kôranh ƀư brah Y-Arôn, mra djôt kan chiă uănh dak ngi mpoh ŭnh kađen, ndơ ƀâu kah, ndơ ƀư brah rnih môi mro mrăng, dak ƀâu kah mhĭng, jêh ri lĕ Ngih Bok nđâp lah lĕ ndơ dŏng tâm păng, glom geh ntŭk kloh ueh jêh ri lĕ ndơ dŏng.”

ហេឞ្រើ 5:1

Ăp nơm kôranh ƀư brah toyh geh nau săch jêh bơh kon bunuyh jêh ri geh sâm dơm gay ntrok an ma kon bunuyh pah kan ma Brah Ndu, gay nhhơr ndơ bu nhhơr jêh ri mpa ƀư brah yor nau tih.

ហេឞ្រើ 7:27

Păng mâu tâm ban ma phung kôranh ƀư brah toyh êng, Păng mâu hôm nhhơr mpa ƀư brah ăp nar, lor lơn ma nau tih khân păng nơm, jêh ri ma nau tih phung ƀon lan. Păng nhhơr Păng nơm jêng mpa ƀư brah knŏng du tơ̆ rĭng jêh.