Kan Lêvi 6:2 - Nau Brah Ndu Ngơi 2023

² “Tơlah du huê ƀư tih jêh ri mâu gŭ răp jăp ôh đah Brah Yêhôva yorlah păng hŏ ndơm mƀruh phung chiau meng păng nơm ma ndơ khân păng đă păng sâm mât mray mâu lah chiă uănh an, mâu lah ma nau ntŭng, mâu lah hŏ sŏk lĕ ndơ nơm chiau meng păng,

Kan Lêvi 6:2 ပူးပေါင်းရင်းမြစ်များ

Nau Ntơm 26:7

Yorlah H'Rêbêka ueh ngăn yor ri phung bunuyh gŭ tâm ƀon nây ôp Y-Isăk ma nau ur păng jêh ri Y-Isăk lah: “Păng jêng oh bu ur gâp.” Păng mâu ôh nănh lah: “Bu ur nây jêng ur gâp” yor klach phung bu klâu tâm n'gor, klăp lah bu nkhĭt gâp yor ur.

Nau Mprơ Ơm 51:4

Gâp hŏ ƀư tih jêh đah May, knŏng đah du huê May dơm Jêh ri ƀư nau mhĭk tâm dâng măt May. Gay ma May tâm mpơl nau sŏng srăng tơlah May ngơi Jêh ri nau kloh ueh tơlah May phat dôih.

Nau Hôr 24:28

Lơi ta phong nchroh ma nơm chiau meng may, Mâu lĕ sŏk bâr mbung may ma nau ndơm mƀruh.

Nau Hôr 26:19

Tâm ban phung ndơm bunuyh chiau meng păng nơm, Jêh ri lah: “Gâp pâl dơm ya!”

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 24:16

Bơh lĕ ntŭk dŭt neh ntu, hên hŏ tăng bâr bu mprơ: “Nau chrêk rmah prăp ma Nơm Sŏng Srăng.” Ƀiălah gâp lah: “Gâp hŏt rgănh jêh, gâp hŏt rgănh jêh! Rêh ni ngăn ma gâp, phung mâu gŭ răp jăp! Phung mâu gŭ răp jăp ăt thoi đŏng mâu gŭ răp jăp!”

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Yêrêmi 9:5

Ăp nơm ăt ndơm phung chiau meng, Mâu geh nơm ngơi ngăn. Khân păng nti jêh mpiăt khân păng ngơi mƀruh, Mơng ƀư nau mhĭk ƀaƀơ.

Êsêkiêl 40:46

jêh ri jrô rlet mpeh pa lơ prăp ăn ma phung kôranh ƀư brah mât uănh nơng ƀư brah. Nây jêng phung kon bu klâu Y-Sadôk, nây jêng tâm nklang phung kon bu klâu Y-Lêvi văch dăch Brah Yêhôva gay ma pah kan ma Păng.”

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 19:11

Khân may mâu dơi ntŭng ôh, mâu lĕ dơi ngơi nchơt jêh ri mƀruh ndrăng he.

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Kan Lêvi 5:19

Nĕ jêng ndơ ƀư brah chuai nau ƀư tih yorlah păng hŏ geh nau tih jêh tanăp Brah Yêhôva.”

Kan Lêvi 6:1

Brah Yêhôva ntĭnh ntăm ma Y-Môis:

Amôt 8:5

Khân may lah pô aơ: “Ndah nâm jŏ khay mhe mra lôch, Gay ma he dơi tăch lơi ba? Jêh ri ndah nâm jŏ lôch nar saƀat, gay ăn he dơi tăch rgâl ba ƀlê; Gay ăn he dơi hŭch êpha, jêh ri ntop jâk Sêkel Jêh ri sŏk njing veh mâu di gay ma ndơm bu,

Habakuk 1:13

Măt Kôranh Brah kloh ir mâu dơi uănh ôh nau mhĭk, Mâu dơi uănh ntreng ôh nau tih mhĭk. Mâm ƀư May uănh ma phung ƀư nau mƀruh nchơt? Mâm ƀư May gŭ klăk klêm, Lah bunuyh mhĭk sa rvăn bunuyh sŏng srăng lơn ma păng?

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Kôranh Oh Mon 5:4

Lah ê hŏ tăch neh nây, di lĕ păng ăt hôm ma may? Lah may tăch jêh, may mâu geh nau dơi dŏng prăk nây? Mâm ƀư may mĭn tâm nuih n'hâm tâm ban pônây? May ngơi mƀruh mâu di ma kon bunuyh ôh, ƀiălah may ngơi mƀruh ma Brah Ndu yơh.”

Êphêsô 4:25

Pôri yơh, ăp nơm tâm khân may mƀăr lơi hom nau mƀruh nchơt, “Ngơi hom ngăn ma phung chiau meng,” yorlah he jêng kô̆ săk jăn ndrăng he da dê.

Kôlôh 3:9

Lơi ngơi mƀruh ndrăng khân may nơm yorlah mƀăr lơi jêh bunuyh ơm ndrel ma lĕ nau kan păng

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.