Kan Lêvi 6:18 - Nau Brah Ndu Ngơi 2023

¹⁸ Lĕ rngôch bu klâu tâm noi deh Y-Arôn dơi sa ndơ nây. Nĕ jêng nau vay n'ho ro ma lĕ rngôch rnôk phung kon, bơh lĕ ndơ ƀư brah ăn ŭnh sa nhhơr ma Brah Yêhôva. Mbu nơm pah ta lĕ ndơ ƀư brah nây mra jêng nau mhĭk yorlah ndơ ƀư brah nây jêng ndơ kloh ueh.

Kan Lêvi 6:18 ပူးပေါင်းရင်းမြစ်များ

Nau Ngluh Êjipt 29:37

Tâm pơh nar, may ƀư hom rƀŭn chuai nau tih jêh ri ƀư kloh nơng ƀư brah. Pônây nơng ƀư brah mra jêng kloh ueh ngăn, lĕ ndơ nđĭl ta nơng ƀư brah mra jêng kloh ueh.”

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Kan Lêvi 4:24

Păng mra pah ti ta klơ bôk be nkuăng nây, jêh nây nkhĭt păng tanăp Brah Yêhôva, ta ntŭk vay nkhĭt ăp mpa ƀư ndơ ƀư brah gŭch. Nĕ jêng ndơ ƀư brah chuai nau tih.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 4:33

Păng mra pah ti ta klơ bôk mpa ƀư brah chuai nau tih jêh ri nkhĭt ăp mpa nây ƀư ndơ ƀư brah gŭch.

Kan Lêvi 6:10

Kôranh ƀư brah mra nsoh kho gleh đah bok mhay gay ma nkŭm săk, jêh nây nsoh ao kôranh ƀư brah. Jêh nây, kôranh ƀư brah mra kuak buh ta klơ nơng ƀư brah ndơ ƀư brah gŭch jêh ri nkhŭt buh nây êp ta meng nơng ƀư brah.

Kan Lêvi 6:19

Brah Yêhôva ntĭnh tay ma Y-Môis:

Kan Lêvi 6:27

Mbu nơm bunuyh mâu lah moh ndơ pah tât ta puăch mpa ƀư brah mra dơn nau mhĭk, yorlah puăch nây prăp ăn ma nau kloh ueh. Tơlah mham mpa ƀư brah mprănh geh ta ao, ăn khân may pih ao nây tâm du ntŭk kloh ueh.

Kan Lêvi 6:29

Lĕ rngôch bu klâu tâm rnăk vâl kôranh ƀư brah dơi sa ndơ nây da dê, nĕ jêng du kô̆ dŭt kloh ueh.

Kan Lêvi 7:6

Lĕ rngôch bu klâu tâm rnăk vâl kôranh ƀư brah dơi sa ndơ nây da dê tâm du ntŭk kloh ueh; nây jêng ndơ dŭt kloh ueh.

Nau Kơp Bunuyh 18:10

May sa hom ndơ nây nâm du ndơ dŭt kloh ueh; lĕ rngôch bunuyh bu klâu dơi sa ndơ nây jêh ri ndơ nây mra jêng du ndơ kloh ueh ma may.

Nau Kơp Bunuyh 18:8

Brah Yêhôva lah ma Y-Arôn: “Aơ, Gâp ăn jêh ma may mât uănh lĕ ndơ nhhơr Gâp, jêng lĕ rngôch ndơ ƀư brah kloh ueh phung ƀon lan Israel hŏ nhhơr jêh. Gâp ăn jêh lĕ ndơ nhhơr nây ma may jêh ri ma phung kon bu klâu may nâm jêng kô̆ ma nau pah kan ndơ ƀư brah di tĭng vay n'ho ro.

I Kôrintô 9:13

Khân may mâu gĭt hĕ mbu nơm rvê pah kan tâm ngih brah mra sa ndơ nhhơr tâm ngih brah, bi mbu nơm rvê pah kan ta nơng ƀư brah geh ndơ bơh nơng ƀư brah nây lĕ ƀơh?

I Pêtrôs 1:16

yorlah geh nau nchih jêh: “Ăn khân may jêng kloh ueh, yorlah Gâp jêng kloh ueh.”

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.