Kan Lêvi 6:14 - Nau Brah Ndu Ngơi 2023

¹⁴ Aơ jêng nau vay ma ndơ ƀư brah rnih môi: Du huê kôranh ƀư brah jêng noi deh Y-Arôn mra nhhơr ndơ ƀư brah nây tanăp Brah Yêhôva, ta nơng ƀư brah.

Kan Lêvi 6:14 ပူးပေါင်းရင်းမြစ်များ

I Nau Rêh Jêng 9:31

Bi Y-Matithia, du huê Lêvi, kon bu klâu dak bôk Y-Salum, jêng noi deh Kôra, geh kan ƀư ƀănh nhhơr.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:17

jêh nây bu mra nkhêk bar năr sĭm nây, ƀiălah mâu nkhêk tăch ôh. Kôranh ƀư brah mra gŭch păng ta klơ nơng ƀư brah ta ntŭk ŭnh dôl hit. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.’”

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 10:12

Y-Môis lah ma Y-Arôn jêh ri ma bar hê kon bu klâu păng hôm e jêng Y-Êlêasar jêh ri Y-Ithamar: “Sŏk hom kô̆ ndơ ƀư brah rnih môi hôm e lah jêh ăn ŭnh sa nhhơr ma Brah Yêhôva ƀư jêng ƀănh mâu geh ndrui jêh ri sa păng ta meng nơng ƀư brah, yorlah nĕ jêng ndơ dŭt kloh ueh.

Kan Lêvi 6:13

Ŭnh ăn hit ƀaƀơ ta klơ nơng ƀư brah, mâu ăn nhhât.”

Kan Lêvi 6:15

Kôranh ƀư brah mra sŏk du mbăt rnih ƀlê, dak ngi jêh ri lĕ rngôch ndơ ƀâu kah bu dơm ta klơ ndơ ƀư brah rnih môi, jêh nây djôt su ta klơ nơng ƀư brah, nhhơr n'hôl ƀâu kah ma Brah Yêhôva, gay nkah ăn gĭt lĕ rngôch ndơ ƀư brah rnih môi jêng ndơ prăp ma Brah Yêhôva.

Nau Kơp Bunuyh 15:4

nhhơr hom ma Brah Yêhôva du ndơ ƀư brah rnih môi ma bar lit rnih môi tâm pach đah du lit dak ngi.

Nau Kơp Bunuyh 15:6

Tơlah mpa ƀư brah jêng mlâm biăp nkuăng ăn may nkra prăp ma du ndơ ƀư brah rnih môi tâm pot đah puăn lit rnih môi pach đah rlau du lit dak ngi,

Nau Kơp Bunuyh 15:9

nhhơr hom ndrel ma ndrôk kon du ndơ ƀư brah rnih môi ma prao lit rnih môi pach đah bar lit dak ngi

Yôhan 6:32

Brah Yêsu lah: “Nanê̆ ngăn, Gâp lah ngăn ma khân may, mâu di Y-Môis ăn ôh ma khân may piăng let tă klơ trôk; ƀiălah Mbơ̆ Gâp hŏ ăn ma khân may piăng let ngăn tă klơ trôk.