Kan Lêvi 6:11 - Nau Brah Ndu Ngơi 2023

¹¹ Jêh nây kôranh ƀư brah mra doh lơi kho ao păng jêh ri nsoh kho ao êng, djôt buh nĕ tât du ntŭk kloh ta padih ngih bok.

Kan Lêvi 6:11 ပူးပေါင်းရင်းမြစ်များ

Nau Ngluh Êjipt 29:37

Tâm pơh nar, may ƀư hom rƀŭn chuai nau tih jêh ri ƀư kloh nơng ƀư brah. Pônây nơng ƀư brah mra jêng kloh ueh ngăn, lĕ ndơ nđĭl ta nơng ƀư brah mra jêng kloh ueh.”

Êsêkiêl 44:19

Ƀiălah tơlah hăn rgăn ma nkual padih jêng ntŭk geh phung ƀon lan pôri khân păng doh lơi kho ao nsoh dôl pah kan jêh ri ăn tâm lĕ jrô kloh ueh, jêh ri nsoh ao êng, mâu om ăn ôh ao khân păng ƀư ăn ma phung ƀon lan jêng kloh.

Kan Lêvi 16:27

Ndrôk nkuăng rah jêh ri be nkuăng hŏ nhhơr jêng ndơ ƀư brah chuai nau tih, jêh ri mham mpa nây bu hŏ djôt jêh lăp tâm Ntŭk Dŭt Kloh Ueh gay ƀư nau rƀŭn chuai nau tih, ăn bu djôt lơi padih ngih bok; ntâu, puăch jêh ri ek tă bơh bar ntil mpa nây su lơi tâm ŭnh.

Kan Lêvi 24:9

Piăng let nĕ prăp ma Y-Arôn jêh ri ma phung kon bu klâu păng, khân păng mra sa păng tâm du ntŭk kloh ueh, yorlah păng jêng kô̆ dŭt kloh ueh prăp ma khân păng bơh lĕ ndơ ƀư brah ăn ŭnh sa nhhơr ma Brah Yêhôva. Nây jêng nau dăp n'ho ro tâm lĕ rngôch rnôk khân may.”

Kan Lêvi 4:12

jêng lĕ rngôch ndơ hôm e tă bơh ndrôk, ăn kôranh ƀư brah njŭn luh padih ngih bok, tât ta du ntŭk kloh jêng ntŭk bu nkhŭt ŭnh buh, jêh nây bun ta klơ long gay ma su, jêng su ta ntŭk bu nkhŭt ŭnh buh.

Kan Lêvi 4:21

Jêh nây, ăn păng njŭn ndrôk luh padih rmlak tahan jêh ri su păng tâm ban ma păng hŏ su jêh ndrôk tal lor. Nĕ jêng ndơ ƀư brah chuai nau tih ăn ma phung tâm rƀŭn.

Kan Lêvi 6:10

Kôranh ƀư brah mra nsoh kho gleh đah bok mhay gay ma nkŭm săk, jêh nây nsoh ao kôranh ƀư brah. Jêh nây, kôranh ƀư brah mra kuak buh ta klơ nơng ƀư brah ndơ ƀư brah gŭch jêh ri nkhŭt buh nây êp ta meng nơng ƀư brah.

Kan Lêvi 6:12

Ŭnh ta klơ nơng ƀư brah ăn hit ƀaƀơ, mâu ăn rngơt ôh. Ăp ôi, kôranh ƀư brah mra ntop long, dơm ndơ ƀư brah gŭch ta klơ jêh ri gŭch ngi ndơ ƀư brah đăp mpăn ta klơ nơng ƀư brah.

Kan Lêvi 6:20

“Aơ jêng ndơ Y-Arôn jêh ri phung kôranh ƀư brah jêng noi deh Y-Arôn mra nhhơr ma Brah Yêhôva tâm nar khân păng dơn bu tŏ dak ngi: Du kilô rnih ƀlê tâm ban ma du ndơ ƀư brah rnih môi bu vay nhhơr, ôi n'gul jêh ri măng n'gul.

Kan Lêvi 6:22

Tâm phung kon bu klâu Y-Arôn, mbu nơm kôranh ƀư brah dơn nau bu tŏ dak ngi gay ma tâm thoi kan kôranh ƀư brah toyh, nhhơr da dê ndơ ƀư brah nây ma Brah Yêhôva. Nĕ jêng du nau vay n'ho ro. Ndơ ƀư brah rnih môi ăn ŭnh sa lĕ rngôch.

Kan Lêvi 7:6

Lĕ rngôch bu klâu tâm rnăk vâl kôranh ƀư brah dơi sa ndơ nây da dê tâm du ntŭk kloh ueh; nây jêng ndơ dŭt kloh ueh.