Kan Lêvi 6:10 - Nau Brah Ndu Ngơi 2023

¹⁰ Kôranh ƀư brah mra nsoh kho gleh đah bok mhay gay ma nkŭm săk, jêh nây nsoh ao kôranh ƀư brah. Jêh nây, kôranh ƀư brah mra kuak buh ta klơ nơng ƀư brah ndơ ƀư brah gŭch jêh ri nkhŭt buh nây êp ta meng nơng ƀư brah.

Kan Lêvi 6:10 ပူးပေါင်းရင်းမြစ်များ

Nau Mprơ Ơm 20:3

Ăn Păng kah gĭt ma lĕ rngôch ndơ may nhhơr, Jêh ri maak dơn lĕ ndơ may ƀư brah gŭch! (Sêla)

Nau Mprơ Ơm 37:20

Bi ma phung mhĭk mra rai yot; Phung rlăng Brah Yêhôva mra nâm bu ngi kon biăp, Bu mra su gŭch, rai lêk roh hêt nâm bu nhhŭk tŭk.

Êsêkiêl 44:19

Ƀiălah tơlah hăn rgăn ma nkual padih jêng ntŭk geh phung ƀon lan pôri khân păng doh lơi kho ao nsoh dôl pah kan jêh ri ăn tâm lĕ jrô kloh ueh, jêh ri nsoh ao êng, mâu om ăn ôh ao khân păng ƀư ăn ma phung ƀon lan jêng kloh.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 16:4

Y-Arôn mra nsoh ao jong kloh ueh ma bok mhay, kho gleh ma bok mhay, rêt rse vân bŭt ma bok mhay jêh ri ndô môk ma bok mhay đŏng. Nây jêng kôp bok ao kloh ueh Y-Arôn mra nsoh lah păng lôch jêh ŭm tâm dak.

Kan Lêvi 2:11

Ndơ ƀư brah rnih môi khân may nhhơr ma Brah Yêhôva mâu dơi pot ndrui ôh yorlah khân may mâu dơi gŭch ôh ndrui mâu lah dak sŭt tâm ndơ ƀư brah ăn ŭnh sa nhhơr ma Brah Yêhôva.

Kan Lêvi 21:22

Nơm nây dơi sa ndơ sông sa ma Brah Ndu, nđâp ma lĕ ndơ dŭt kloh ueh jêh ri lĕ ndơ prăp êng ma nau kloh ueh,

Kan Lêvi 4:12

jêng lĕ rngôch ndơ hôm e tă bơh ndrôk, ăn kôranh ƀư brah njŭn luh padih ngih bok, tât ta du ntŭk kloh jêng ntŭk bu nkhŭt ŭnh buh, jêh nây bun ta klơ long gay ma su, jêng su ta ntŭk bu nkhŭt ŭnh buh.

Kan Lêvi 6:11

Jêh nây kôranh ƀư brah mra doh lơi kho ao păng jêh ri nsoh kho ao êng, djôt buh nĕ tât du ntŭk kloh ta padih ngih bok.

Kan Lêvi 6:18

Lĕ rngôch bu klâu tâm noi deh Y-Arôn dơi sa ndơ nây. Nĕ jêng nau vay n'ho ro ma lĕ rngôch rnôk phung kon, bơh lĕ ndơ ƀư brah ăn ŭnh sa nhhơr ma Brah Yêhôva. Mbu nơm pah ta lĕ ndơ ƀư brah nây mra jêng nau mhĭk yorlah ndơ ƀư brah nây jêng ndơ kloh ueh.

Kan Lêvi 6:22

Tâm phung kon bu klâu Y-Arôn, mbu nơm kôranh ƀư brah dơn nau bu tŏ dak ngi gay ma tâm thoi kan kôranh ƀư brah toyh, nhhơr da dê ndơ ƀư brah nây ma Brah Yêhôva. Nĕ jêng du nau vay n'ho ro. Ndơ ƀư brah rnih môi ăn ŭnh sa lĕ rngôch.

Kan Lêvi 8:2

“Ăn may djôt leo hom Y-Arôn jêh ri phung kon bu klâu păng ndrel ma bok ao, dak ngi mhĭng, ndrôk ƀư ndơ ƀư brah chuai nau tih, bar mlâm biăp nkuăng jêh ri bĭ piăng let mâu geh ndrui,

Nau Kơp Bunuyh 16:21

“Tâm nkhah hom khân may nơm luh bơh phung tâm rƀŭn aơ, Gâp mra ƀư rai khân păng ƀât lât dơm.”

Nau Kơp Bunuyh 16:35

Jêh nây du chiông ŭnh luh tă bơh Brah Yêhôva su bar rhiăng prăm jât nuyh hŏ nhhơr ndơ ƀâu kah.

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

Nau Tâm Mpơl 19:8

Bu ăn ur păng nsoh ao bok mhay rhên nchrat ral ngăn jêh ri kloh!” (bok mhay rhên nĕ jêng lĕ kan sŏng srăng phung kloh ueh).

Nau Tâm Mpơl 7:13

Du huê tâm phung kôranh bu ranh ngơi đah gâp nâm pô aơ: “Mbu nơm nsoh jêh ao jong nglang nĕ, jêh ri mbah tă khân păng văch?”