Kan Lêvi 5:6 - Nau Brah Ndu Ngơi 2023

⁶ jêh ri ăn păng djôt ndơ nhhơr ntrok nau tih gay nhhơr ma Brah Yêhôva jêng du mlâm biăp me mâu lah be me tă bơh mpô mpa rong gay ƀư ndơ ƀư brah chuai nau tih. Kôranh ƀư brah mra ƀư nau tâm rƀŭn chuai nau tih ăn ma păng.

Kan Lêvi 5:6 ပူးပေါင်းရင်းမြစ်များ

Êsêkiêl 40:39

Tâm nhuang panăp mpông pêr, geh bar mlâm sưng ăp pŭng, ta klơ nây bu nkhĭt lĕ mpa ƀư brah dŏng ăn ndơ ƀư brah gŭch, ndơ ƀư brah chuai nau ƀư tih jêh ri ndơ ƀư brah chuai nau tih.

Êsêkiêl 42:13

Rnôk nây, păng lah ma gâp pô aơ: “Lĕ rngôch jrô mpeh pa lơ jêh ri lĕ jrô mpeh pa dâng tanăp nkual ngih brah jêng lĕ jrô kloh ueh, jêng ntŭk phung kôranh ƀư brah hăn dăch Brah Yêhôva mra sa ndơ ƀư brah kloh ueh ngăn. Phung kôranh nây mra ăn ta nây ndơ ƀư brah kloh ngăn, ndơ ƀư brah rnih môi, ndơ ƀư brah chuai nau ƀư tih jêh ri ndơ ƀư brah chuai nau tih yorlah ntŭk nây jêng kloh ueh.

Êsêkiêl 44:27

Ta nar kôranh ƀư brah nây lăp tâm ntŭk kloh tâm nkual ta trôm gay pah kan ta nây, pôri păng mra nhhơr du ndơ ƀư brah chuai nau tih păng nơm, Kôranh Brah Yêhôva lah pônây.

Kan Lêvi 4:20

Ăn kôranh ƀư brah toyh lơn nhhơr ndrôk nây tâm ban ma nau bu nhhơr ndrôk tâm nau rƀŭn chuai nau tih. Tâm ban pônây, kôranh ƀư brah mra chuai nau tih ăn ma phung tâm rƀŭn jêh ri nau tih khân păng mra dơi yô̆ an.

Kan Lêvi 4:28

Dôl păng gĭt năl jêh nau tih păng hŏ ƀư, ăn păng têk du mlâm be me mâu geh têl khap ôh gay ƀư ndơ ƀư brah chuai nau tih păng hŏ ƀư jêh.

Kan Lêvi 4:31

Păng ăt hoal lĕ rngôch ngi tâm ban ma nau bu ƀư tâm ndơ ƀư brah đăp mpăn, jêh nây djôt gŭch ta klơ nơng ƀư brah, ƀư ma ndơ ƀư brah geh n'hôl ƀâu kah ƀư maak nuih n'hâm ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.

Kan Lêvi 4:32

Tơlah păng nhhơr du mlâm kon biăp jêng mpa ƀư brah chuai nau tih, ăn păng têk du mlâm biăp me mâu geh têl khap ôh.

Kan Lêvi 4:35

Păng ăt hoal lĕ rngôch ngi tâm ban ma nau bu ƀư ma biăp kon nhhơr tâm ndơ ƀư brah đăp mpăn jêh nây djôt gŭch mpa nây ta klơ nơng ƀư brah, nđâp ma lĕ ndơ ƀư brah ăn ŭnh sa nhhơr ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.”

Kan Lêvi 6:6

Ăn păng njŭn leo ma kôranh ƀư brah du mlâm biăp nkuăng mâu têl khap ôh, nhŭp tă bơh ndŭl mpôl biăp, di ma rnoh hŏ veh jêh, gay nhhơr ma Brah Yêhôva ƀư mpa ƀư brah chuai nau ƀư tih.

Nau Kơp Bunuyh 6:12

Păng prăp êng ma Brah Yêhôva tâm lĕ nar ƀư nau ton Nasirit tay jêh ri nhhơr du mlâm biăp nkuăng du năm jêng ndơ ƀư brah chuai nau ƀư tih, ƀiălah lĕ nar ơm mâu kơp ôh, yorlah nau păng prăp ăn păng nơm jêng ƀơ̆ jêh.