Kan Lêvi 5:5 - Nau Brah Ndu Ngơi 2023

⁵ Pôri mbu nơm ƀư tih ma du ntil nau tâm lĕ nau ta klơ aơ, ăn păng mbơh nau tih păng hŏ ƀư jêh,

Kan Lêvi 5:5 ပူးပေါင်းရင်းမြစ်များ

Ndrom Samƀŭt bơh Yôp 33:27

Bunuyh nây mra mprơ tanăp kon bunuyh pô aơ: ‘Gâp hŏ ƀư tih jêh ri nkê̆ch ăn kue nau sŏng, Ƀiălah mâu geh ôh nau rmal nâm bu nau gâp mra dơn.

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Daniel 9:4

Pôri gâp mbơh sơm ma Yêhôva Brah Ndu gâp jêh ri mbơh nau tih ma Păng: “Ơ Kôranh Brah, Brah Ndu dŭt prêh klơ jêh ri khư ma nau klach, Nơm djôt prăp nau tâm rnglăp jêh ri nau rŏng ma phung rŏng ma May jêh ri djôt prăp nau vay ntăm bơh May.

Kan Lêvi 16:21

Y-Arôn lĕ bar ti păng pah ta klơ bôk be nkuăng hôm rêh nây, jêh ri mbơh lĕ rngôch nau djơh mhĭk phung ƀon lan Israel, jêh ri lĕ rngôch nau ƀư tih jêh ri nau tih khân păng, jêh ri dơm lĕ rngôch nau tih nây ta bôk be, jêh nây jao păng ma du huê bunuyh bu hŏ jao kan gay têk njŭn păng leo tâm bri rdah jêh ri mƀơk păng luh.

Kan Lêvi 26:40

Ƀiălah tơlah khân păng mbơh nau tih khân păng nơm jêh ri nau tih phung chô yau khân păng hŏ ƀư tih, jêng nau tih chuêl nau Gâp yô̆ jêh ri tâm rđâng đah Gâp,

Kan Lêvi 5:13

Tâm ban pônây, kôranh ƀư brah mra ƀư nau rƀŭn chuai nau tih ăn ma nơm hŏ ƀư tih jêh du ntil nau, tâm lĕ ntil nau klơ aơ, jêh ri nau tih păng mra dơi yô̆ an. Rnih hôm e mra jêng ndơ ma kôranh ƀư brah de tâm ban ma ndơ ƀư brah rnih môi.”

Nau Kơp Bunuyh 5:7

Ăn bunuyh nây mbơh nau tih jêh ri plơ̆ tay bêng tŏng, Rlau ma nây păng plơ̆ hom ntop du kô̆ tâm prăm ma bunuyh păng hŏ ƀư nau mhĭk.

Samƀŭt Pôl Njuăl Ăn Ma Phung Nsing Ta Ƀon Rôm 10:10

Yorlah mbu nơm chroh tâm nuih n'hâm dơi kơp sŏng srăng, mbu nơm mbơh ma bâr mbung geh nau rklaih.

Yôsuê 7:19

Y-Yôsuê lah ma Y-Akan “Aơ kon, tâm rnê hom ma Yêhôva Brah Ndu Israel jêh ri tâm rnê ma Păng. Mbơh ngăn hom ma gâp nau may ƀư jêh, lơi mo du ntil ndơ ôh.”