Kan Lêvi 5:4 - Nau Brah Ndu Ngơi 2023

⁴ Tơlah du huê bunuyh lăn ngơi nau ton mra ƀư nau mhĭk mâu lah nau ueh, ngăch ton ăp ntil kan ƀiălah mâu mĭn, pakơi nĕ mơ păng gĭt năl, păng mra khan nau tih tâm lĕ nau nây.

Kan Lêvi 5:4 ပူးပေါင်းရင်းမြစ်များ

II Samuel 21:7

Y-Đavit om Y-Mêphibôset, kon bu klâu Y-Jônathan, sau Y-Sôl, yor nau sơm ton tâm ton Y-Đavit đah Y-Jônathan, kon bu klâu Y-Sôl, hŏ ƀư nau tâm rnglăp tanăp măt Brah Yêhôva.

II Phung Hađăch 6:31

Hađăch sơm ton pô aơ: “Mbơh sơm Brah Ndu rmal gâp jâk ngăn, tơlah nar aơ bôk Y-Êlisê, kon Y-Saphat, hôm e klơ săng nglik păng.”

Nau Mprơ Ơm 106:33

Yor khân păng ƀư rŭng răng nau mĭn păng Yor ri păng ngơi mâu njrăng.

Kan Lêvi 5:13

Tâm ban pônây, kôranh ƀư brah mra ƀư nau rƀŭn chuai nau tih ăn ma nơm hŏ ƀư tih jêh du ntil nau, tâm lĕ ntil nau klơ aơ, jêh ri nau tih păng mra dơi yô̆ an. Rnih hôm e mra jêng ndơ ma kôranh ƀư brah de tâm ban ma ndơ ƀư brah rnih môi.”

Kan Lêvi 5:3

Mâu lah păng pah ta moh ndơ mâu kloh bơh bunuyh, gĭt lah ta moh ndơ mâu kloh jêh ri nđâp lah mâu gĭt, păng mra khan nau tih yơh.

Nau Kơp Bunuyh 30:6

Ƀiălah tơlah mbơ̆ păng tăng nau păng ton jêh jêh ri mbơ̆ păng dun jêh, lĕ nau păng ƀư jêh mâu lah nau ton mâu mra hôm e ôh, jêh ri Brah Yêhôva mra yô̆ an tih ma păng, yorlah mbơ̆ păng buay jêh ma păng.

Nau Kơp Bunuyh 30:8

jêh ri tơlah nar nây sai păng tăng gĭt nau nây, ƀiălah sai păng mâu ngơi ôh ma păng, pônây lĕ nau ton jêh ri tâm ton mra hôm e ôh.

Mathay 14:7

kŏ tât hađăch Hêrôt sơm ton ma păng ăp moh ndơ păng dăn.

Mathay 14:9

Hađăch rngot ngăn, ƀiălah yor păng ton săk jêh tra năp phung bu jă râng nhêt sông, pôri păng ntrŭnh nau ntăm ăn ma bu ur nây.

Markôs 6:23

Hađăch lŏ ton: “Moh ntil ay dăn, gâp mra ăn ma ay, nđâp tơlah du n'gul ƀon bri hađăch gâp kđôi lĕ.”

Kôranh Oh Mon 23:12

Nar ôi taơ, phung Yuđa rƀŭn tâm nchră jêh ri sơm ton ndrăng khân păng pô aơ khân păng mâu sông sa mâu nhêt tât khân păng dơi nkhĭt Y-Pôl.

Yôsuê 2:14

Bar hê bu klâu nây plơ̆ lah: “Nau rêh hên mra ntrok ma nau rêh ay! Tơlah ay mâu mbơh ma bu kan hên, hên mra sŏk nau răp jăp jêh ri nuih n'hâm ueh ƀư ma ay nôk Brah Yêhôva ăn neh aơ ma hên.”

Yôsuê 9:15

Y-Yôsuê ƀư nau đăp mpăn đah khân păng jêh ri ton nanê̆ ăn ma khân păng gŭ rêh, jêh ri phung kôranh chiă uănh phung ƀon lan sơm ton ma khân păng đŏng.

Phung Kôranh Phat Dôih 11:31

ăp bunuyh mâu lah moh ndơ du luh bơh mpông ngih gâp lor lơn gay tâm mâp gâp, pôri bunuyh mâu lah ndơ nây mra jêng ndơ Brah Yêhôva, jêh ri gâp mra nhhơr păng jêng ndơ ƀư brah gŭch.”

Phung Kôranh Phat Dôih 21:18

Ƀiălah, he mâu dơi ăn ôh kon bu ur he jêng ur ma khân păng, yorlah phung ƀon lan Israel ton jêh: ‘Rak rtăp ma nơm ăn du huê ur ma phung Benjamin!’ ”

Phung Kôranh Phat Dôih 21:7

Mâm he mra ƀư gay joi ur ma phung bu klâu khân păng hôm e rêh, yorlah he sŏk jêh amoh Brah Yêhôva gay ton mâu mra ăn ôh kon bu ur he jêng ur khân păng?”

Phung Kôranh Phat Dôih 9:19

Pônây, tơlah nar aơ khân may sŏk nau nuih n'hâm nanê̆ ngăn jêh ri sŏng srăng ma nau yơk ma Y-Jêrubaal jêh ri ngih păng, pôri Y-Abimêlek ăt răm maak ta ntŭk khân may jêh ri khân may tâm ban đŏng răm maak ndrel păng!

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”

I Samuel 25:22

Ăn Brah Ndu nkra nơm tâm rdâng ma Y-Đavit! Ntơm bơh aƀaơ tât ôi taơ, gâp mâu mra ăn du huê bu klâu tâm phung Y-Nabal hôm rêh.”