Kan Lêvi 5:2 - Nau Brah Ndu Ngơi 2023

² Lah du huê pah ta ndơ ƀơ̆ ƀơch, nâm bu săk mpô mpa bri mâu kloh, mâu lah săk du mlâm mpô mpa rong mâu kloh, mâu lah ta săk ndrŭng mâu kloh, nđâp lah mâu gĭt kđôi, nơm nây ăt geh nau ƀơ̆ ƀơch jêh ri khan nau tih.

Kan Lêvi 5:2 ပူးပေါင်းရင်းမြစ်များ

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Kan Lêvi 11:11

Lĕ ntil mpa nây geh dŭt ƀơ̆ ma khân may; mâu dơi sa puăch khân păng ôh, bi ma săk jăn khĭt khân păng jêng ndơ ƀơ̆ ƀơch ma khân may.

Kan Lêvi 11:8

Khân may mâu dơi sa puăch lĕ mpa nây, săk jăn khĭt khân păng khân may mâu dơi pah ôh, khân păng jêng mpa mâu kloh ma khân may.

Kan Lêvi 4:13

Tơlah lĕ rngôch phung Israel tâm rƀŭn lăn ƀư tih jêh du ntil nau tâm lĕ nau vay Brah Yêhôva ntăm, ƀư nau mâu dơi vay ƀư, yor ri lĕ tih jêh, nđâp lah khân păng mâu saơ nau nây.

Kan Lêvi 5:17

Tơlah du huê lăn ƀư tih ta du nau tâm lĕ nau vay Brah Yêhôva ntăm, ƀư nau mâu dơi vay ƀư ôh, yor ri lĕ tih jêh, jêh ri păng mra tuy nau rmal.

Kan Lêvi 5:3

Mâu lah păng pah ta moh ndơ mâu kloh bơh bunuyh, gĭt lah ta moh ndơ mâu kloh jêh ri nđâp lah mâu gĭt, păng mra khan nau tih yơh.

Kan Lêvi 5:4

Tơlah du huê bunuyh lăn ngơi nau ton mra ƀư nau mhĭk mâu lah nau ueh, ngăch ton ăp ntil kan ƀiălah mâu mĭn, pakơi nĕ mơ păng gĭt năl, păng mra khan nau tih tâm lĕ nau nây.

Kan Lêvi 7:21

Tơlah mbu pah ta ndơ ƀơ̆ ƀơch, mâu lah bơh bunuyh mâu lah bơh moh mpô mpa mâu lah moh ndơ geh nau ƀơ̆ ƀơch, ƀiălah sa tay puăch ƀư brah đăp mpăn nhhơr ma Brah Yêhôva, bu mra nsot lơi păng luh bơh phung ƀon lan păng.”

Ndrom Samƀŭt bơh Agê 2:13

Y-Agê lah ôp đŏng: “Tơlah du huê lĕ ƀơ̆ ƀơch yor pah ta săk jăn khĭt, jêh nây pah tât lĕ ndơ nây pôri lĕ ndơ nây geh tưp nau ƀơ̆ ƀơch lĕ?” Phung kôranh ƀư brah plơ̆ lah: “Lĕ ndơ nây mra ƀơ̆ ro.”

Nau Kơp Bunuyh 19:22

Ăp moh ndơ nơm ƀơ̆ pah jêh mra jêng ƀơ̆; mbu nơm hôm pah ndơ nây mra jêng ƀơ̆ tât kêng măng.’”

Luka 11:44

Rêh ni yơh ma khân may! Yorlah khân may nâm bu môch rngol jêh ri bu hăn jot ta klơ môch ƀiălah mâu gĭt năl ôh!”

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.

Nau Vay Nkah Tay 14:8

Sŭr geh nchop tâm nkhah, ƀiălah mâu blau njuah tay ôh, jêng mpa mâu kloh ma khân may. Lơi sa puăch lĕ mpô mpa nây, mâu đŏng pah ta săk jăn khĭt khân păng.