Kan Lêvi 5:18 - Nau Brah Ndu Ngơi 2023

¹⁸ Ăn păng têk njŭn ma kôranh ƀư brah du mlâm biăp nkuăng mâu geh têl khap ôh, nhŭp tâm mpôl biăp, kơp tĭng nâm rnoh hŏ dăp jêh ma ndơ ƀư brah chuai nau ƀư tih. Kôranh ƀư brah mra ƀư nau rƀŭn chuai nau ƀư tih ma nơm nây, yor nau tih păng lăn ƀư tih, jêh ri păng mra dơi yô̆ an.

Kan Lêvi 5:18 ပူးပေါင်းရင်းမြစ်များ

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 1:4

Bunuyh nhhơr ndơ nhhơr mra dơm ti păng ta klơ bôk mpa ƀư ndơ ƀư brah gŭch jêh ri mpa nây mra dơi dơn nâm bu du mpa ƀư brah gay chuai nau tih ntang an ma bunuyh nây.

Kan Lêvi 14:12

Kôranh ƀư brah mra nhŭp nguay tâm bar biăp nkuăng nhhơr jêng ndơ ƀư brah chuai nau ƀư tih ndrel ma du kô̆ tâm pe lit dak ngi jêh ri ƀư nau vay ƀư ndơ̆ đah aơ ndơ̆ đah ri tanăp Brah Yêhôva.

Kan Lêvi 4:20

Ăn kôranh ƀư brah toyh lơn nhhơr ndrôk nây tâm ban ma nau bu nhhơr ndrôk tâm nau rƀŭn chuai nau tih. Tâm ban pônây, kôranh ƀư brah mra chuai nau tih ăn ma phung tâm rƀŭn jêh ri nau tih khân păng mra dơi yô̆ an.

Kan Lêvi 5:17

Tơlah du huê lăn ƀư tih ta du nau tâm lĕ nau vay Brah Yêhôva ntăm, ƀư nau mâu dơi vay ƀư ôh, yor ri lĕ tih jêh, jêh ri păng mra tuy nau rmal.

Kan Lêvi 5:19

Nĕ jêng ndơ ƀư brah chuai nau ƀư tih yorlah păng hŏ geh nau tih jêh tanăp Brah Yêhôva.”

Nau Kơp Bunuyh 15:24

tơlah phung tâm rƀŭn lăn ƀư tih jêh ƀiălah mâu gĭt ôh, lĕ phung tâm rƀŭn mra nhhơr du mlâm ndrôk nkuăng rah dŏng ma ndơ ƀư brah gŭch geh n'hôl ƀâu kah nhhơr ma Brah Yêhôva, ndrel ma ndơ ƀư brah rnih môi jêh ri ndơ nhhơr nhêt jêh ri du mlâm be nkuăng jêng ndơ ƀư brah chuai nau tih.