Kan Lêvi 5:17 - Nau Brah Ndu Ngơi 2023

¹⁷ Tơlah du huê lăn ƀư tih ta du nau tâm lĕ nau vay Brah Yêhôva ntăm, ƀư nau mâu dơi vay ƀư ôh, yor ri lĕ tih jêh, jêh ri păng mra tuy nau rmal.

Kan Lêvi 5:17 ပူးပေါင်းရင်းမြစ်များ

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Kan Lêvi 4:13

Tơlah lĕ rngôch phung Israel tâm rƀŭn lăn ƀư tih jêh du ntil nau tâm lĕ nau vay Brah Yêhôva ntăm, ƀư nau mâu dơi vay ƀư, yor ri lĕ tih jêh, nđâp lah khân păng mâu saơ nau nây.

Kan Lêvi 4:22

Dôl geh du huê kôranh chiă uănh lăn ƀư tih jêh tâm du ntil nau tâm lĕ nau vay Brah Yêhôva ntăm, jêng Brah Ndu păng nơm, ƀư nau mâu dơi vay ƀư ôh, yor ri lĕ tih jêh.

Kan Lêvi 4:27

Tơlah du huê tâm phung ƀon lan lăn ƀư tih jêh du ntil nau tâm lĕ nau vay Brah Yêhôva ntăm, ƀư nau mâu dơi vay ƀư ôh, yor ri lĕ tih jêh.

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Kan Lêvi 5:18

Ăn păng têk njŭn ma kôranh ƀư brah du mlâm biăp nkuăng mâu geh têl khap ôh, nhŭp tâm mpôl biăp, kơp tĭng nâm rnoh hŏ dăp jêh ma ndơ ƀư brah chuai nau ƀư tih. Kôranh ƀư brah mra ƀư nau rƀŭn chuai nau ƀư tih ma nơm nây, yor nau tih păng lăn ƀư tih, jêh ri păng mra dơi yô̆ an.

Kan Lêvi 5:19

Nĕ jêng ndơ ƀư brah chuai nau ƀư tih yorlah păng hŏ geh nau tih jêh tanăp Brah Yêhôva.”

Luka 12:48

Ƀiălah mbu nơm mâu mâp gĭt mĭn kôranh, ƀiălah ƀư nau khư tâm rmal, mra geh nau dong n'gơch. Yorlah mbu moh dơi ăn âk bu mra sŏk tay âk; mbu nơm dơi jao âk lơn mra sŏk tay âk lơn.”

Samƀŭt Pôl Njuăl Ăn Ma Phung Nsing Ta Ƀon Rôm 14:23

Ƀiălah mbu nơm hôm đing, ƀiălah ăt sa, păng geh nau tâm rmal jêh, yorlah păng mâu ƀư tĭng nâm nau chroh. Lĕ rngôch nau kan mâu luh bơh nau chroh jêng nau tih.