Kan Lêvi 5:16 - Nau Brah Ndu Ngơi 2023

¹⁶ Ăn păng ntrok tay ndơ kloh ueh jêh ri mra ntop du kô̆ tâm prăm rnoh prăk ma ndơ mpa kloh ueh yor nau tih păng hŏ ƀư jêh, jêh nây jao ndơ nây ma kôranh ƀư brah. Kôranh ƀư brah mra dŏng biăp nkuăng jêng ndơ ƀư brah chuai nau ƀư tih gay chuai nau tih ma păng, jêh ri păng mra dơi yô̆ an.

Kan Lêvi 5:16 ပူးပေါင်းရင်းမြစ်များ

Nau Mprơ Ơm 69:4

Phung ji nuih ma gâp mâu geh nau Âk lơn ma sŏk ta klơ bôk gâp; Phung rlăng janh ktang mâu geh nau ŭch ƀư ƀai ma gâp; Bu đă gâp ntrok ndơ gâp mâu mâp ntŭng.

Nau Ngluh Êjipt 22:1

Tơlah mbu nơm nhŭp ntŭng du mlâm ndrôk mâu lah du mlâm biăp jêh nây nkhĭt mâu lah tăch lơi, ntrok hom prăm mlâm ndrôk tâm du mlâm ndrôk, jêh ri puăn mlâm biăp tâm du mlâm biăp.

Kan Lêvi 22:14

Tơlah du huê lăn sa ndơ nhhơr kloh ueh, mplơ̆ tay hom ndơ nhhơr kloh ueh păng hŏ sa jêh ma kôranh ƀư brah, jêh ri ntop đŏng du kô̆ tâm prăm rnoh khlay ndơ nây.

Kan Lêvi 27:13

Bi tơlah ŭch chuai tay, mplơ̆ hom ntop du kô̆ tâm prăm ma rnoh hŏ veh jêh.

Kan Lêvi 27:15

Tơlah nơm hŏ nhhơr jêh ngih nây ŭch chuai tay, ăn păng ntop du kô̆ tâm prăm ma rnoh hŏ veh jêh, jêh ri ngih nây mra jêng ndơ păng nơm.

Kan Lêvi 27:27

Bi tơlah mpa jêng mpa ƀơ̆, bu dơi rvăt tay păng tĭng nâm rnoh hŏ veh jêh, ntop đŏng du kô̆ tâm prăm ma păng; bi tơlah bu mâu chuai tay păng ôh, bu mra tăch păng tĭng nâm rnoh hŏ veh jêh.

Kan Lêvi 27:31

Tơlah mbu nơm ŭch chuai tay moh ndơ tă bơh du kô̆ tâm jât nây ăn păng plơ̆ ntop đŏng du kô̆ tâm prăm ma du kô̆ tâm jât nây.

Kan Lêvi 4:20

Ăn kôranh ƀư brah toyh lơn nhhơr ndrôk nây tâm ban ma nau bu nhhơr ndrôk tâm nau rƀŭn chuai nau tih. Tâm ban pônây, kôranh ƀư brah mra chuai nau tih ăn ma phung tâm rƀŭn jêh ri nau tih khân păng mra dơi yô̆ an.

Kan Lêvi 4:26

Păng ăt su lĕ rngôch ngi ta klơ nơng ƀư brah tâm ban ma nau gŭch ngi mpa ƀư brah tâm ndơ ƀư brah đăp mpăn. Tâm ban pônây, kôranh ƀư brah mra ƀư nau rƀŭn chuai nau tih ăn ma kôranh chiă uănh jêh ri nau tih păng mra dơi yô̆ an.

Kan Lêvi 5:10

Bi ma sĭm tal bar, kôranh ƀư brah mra nhhơr jêng ndơ ƀư brah gŭch tĭng nâm nau vay. Kơt nây, kôranh ƀư brah mra ƀư nau rƀŭn chuai nau tih, yor nau tih nơm nây hŏ ƀư jêh jêh ri păng mra dơi yô̆ an.

Kan Lêvi 5:13

Tâm ban pônây, kôranh ƀư brah mra ƀư nau rƀŭn chuai nau tih ăn ma nơm hŏ ƀư tih jêh du ntil nau, tâm lĕ ntil nau klơ aơ, jêh ri nau tih păng mra dơi yô̆ an. Rnih hôm e mra jêng ndơ ma kôranh ƀư brah de tâm ban ma ndơ ƀư brah rnih môi.”

Kan Lêvi 5:6

jêh ri ăn păng djôt ndơ nhhơr ntrok nau tih gay nhhơr ma Brah Yêhôva jêng du mlâm biăp me mâu lah be me tă bơh mpô mpa rong gay ƀư ndơ ƀư brah chuai nau tih. Kôranh ƀư brah mra ƀư nau tâm rƀŭn chuai nau tih ăn ma păng.

Kan Lêvi 7:2

Nkhĭt hom mpa ƀư brah nau chuai nau ƀư tih ta ntŭk nkhĭt mpa ƀư ndơ ƀư brah gŭch, jêh ri nsrih mham păng jŭm nơng ƀư brah.

Nau Kơp Bunuyh 5:7

Ăn bunuyh nây mbơh nau tih jêh ri plơ̆ tay bêng tŏng, Rlau ma nây păng plơ̆ hom ntop du kô̆ tâm prăm ma bunuyh păng hŏ ƀư nau mhĭk.

Nau Kơp Bunuyh 5:8

Tơlah bunuyh geh nau mhĭk nây mâu hôm jêh ri mâu geh mpôl băl dăch ndŭl deh gay dơn ndơ nây, pôri ndơ nây mra jêng ndơ Brah Yêhôva jêh ri jao ma kôranh ƀư brah, ntop đŏng padih du biăp nkuăng ma ndơ ƀư brah chuai nau tih ma bunuyh geh nau tih nây.

Luka 19:8

Ƀiălah Y-Sachê gŭ nsrâng tanăp Kôranh Brah jêh ri ơh: “Hơi Kôranh Brah, aơ, gâp sŏk du n'gul drăp ndơ gâp gay ăn ma phung o ach; tơlah gâp ƀư mhĭk ma mbu moh nau, gâp mra ntrok âk lơn puăn tơ̆.”

Kôranh Oh Mon 26:20

ƀiălah lor lơn, gâp mbơh nkoch ma phung bunuyh ta ƀon Đamas, jêh ta nây ta ƀon Yêrusalem jêh ri lĕ n'gor Yuđa, jêh nây tât ma phung bu năch, ăn khân păng rmal nau tih jêh ri plơ̆ sĭt ma Brah Ndu, pah kan tâm di đah nau tâm rmal ma nau tih.

I Samuel 6:3

Khân păng plơ̆ lah: “Tơlah khân may mplơ̆ sĭt Hip Nau Tâm Rnglăp Brah Ndu Israel lơi mplơ̆ tay dơm ôh, ƀiălah mplơ̆ hom ăn ma Brah Ndu ndơ nhhơr chuai nau tih, jêh nây khân may mra dơi bah, jêh ri khân may mra gĭt mâm ti Păng mâu du tă bơh khân may.”