Kan Lêvi 5:15 - Nau Brah Ndu Ngơi 2023

¹⁵ “Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Kan Lêvi 5:15 ပူးပေါင်းရင်းမြစ်များ

II Phung Hađăch 12:16

Bi rnoh prăk ma ndơ ƀư brah chuai nau tih jêh ri ndơ ƀư brah chuai nau tih nây mâu dơi leo ôh lăp tâm ngih Brah Yêhôva; rnoh prăk nây jêng ndơ ma phung kôranh ƀư brah.

Êsra 10:19

Khân păng ton mprơh lơi ur bu năch jêh ri nhhơr du mlâm biăp nkuăng ƀư ndơ ƀư brah chuai nau ƀư tih khân păng nơm.

Nau Ngluh Êjipt 30:13

Aơ jêng pi ăp nơm hŏ kơp dơi chê̆ hom: klăp lah prao gram tĭng nâm ndơ nhueh bơh Ntŭk Kloh Ueh (jêng ăp sêkel nhueh jâk jât ma bar gram); prao gram nây jêng ndơ nhhơr ma Brah Yêhôva.

Êsêkiêl 40:39

Tâm nhuang panăp mpông pêr, geh bar mlâm sưng ăp pŭng, ta klơ nây bu nkhĭt lĕ mpa ƀư brah dŏng ăn ndơ ƀư brah gŭch, ndơ ƀư brah chuai nau ƀư tih jêh ri ndơ ƀư brah chuai nau tih.

Kan Lêvi 1:10

Tơlah ndơ bunuyh nây nhhơr jêng ndơ ƀư brah gŭch ma mpô mpa rong jê̆, mâu lah biăp mâu lah be, ăn păng nhhơr du mlâm mpô mpa nkuăng mâu geh têl khap ôh.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 14:12

Kôranh ƀư brah mra nhŭp nguay tâm bar biăp nkuăng nhhơr jêng ndơ ƀư brah chuai nau ƀư tih ndrel ma du kô̆ tâm pe lit dak ngi jêh ri ƀư nau vay ƀư ndơ̆ đah aơ ndơ̆ đah ri tanăp Brah Yêhôva.

Kan Lêvi 27:3

Tơlah păng jêng bu klâu bơh bar jât năm tât ta prao jât năm, ăn khân may kơp rnoh bơi tât prao rhiăng gram prăk, tĭng nâm sêkel prăk di tâm Ntŭk Kloh Ueh.

Kan Lêvi 4:2

“May ngơi hom ma phung ƀon lan Israel pô aơ: Tơlah geh du huê bunuyh mâu mĭn ƀư tih tâm du ntil lĕ nau vay Brah Yêhôva ntăm jêh ri ƀư nau mâu dơi vay ƀư ôh:

Kan Lêvi 5:14

Brah Yêhôva ntĭnh ma Y-Môis pô aơ:

Kan Lêvi 5:16

Ăn păng ntrok tay ndơ kloh ueh jêh ri mra ntop du kô̆ tâm prăm rnoh prăk ma ndơ mpa kloh ueh yor nau tih păng hŏ ƀư jêh, jêh nây jao ndơ nây ma kôranh ƀư brah. Kôranh ƀư brah mra dŏng biăp nkuăng jêng ndơ ƀư brah chuai nau ƀư tih gay chuai nau tih ma păng, jêh ri păng mra dơi yô̆ an.

Kan Lêvi 5:18

Ăn păng têk njŭn ma kôranh ƀư brah du mlâm biăp nkuăng mâu geh têl khap ôh, nhŭp tâm mpôl biăp, kơp tĭng nâm rnoh hŏ dăp jêh ma ndơ ƀư brah chuai nau ƀư tih. Kôranh ƀư brah mra ƀư nau rƀŭn chuai nau ƀư tih ma nơm nây, yor nau tih păng lăn ƀư tih, jêh ri păng mra dơi yô̆ an.

Kan Lêvi 6:6

Ăn păng njŭn leo ma kôranh ƀư brah du mlâm biăp nkuăng mâu têl khap ôh, nhŭp tă bơh ndŭl mpôl biăp, di ma rnoh hŏ veh jêh, gay nhhơr ma Brah Yêhôva ƀư mpa ƀư brah chuai nau ƀư tih.

Kan Lêvi 7:1

“Aơ jêng nau vay ma ndơ ƀư brah chuai nau ƀư tih, du ndơ ƀư brah dŭt kloh ueh.

Kan Lêvi 7:6

Lĕ rngôch bu klâu tâm rnăk vâl kôranh ƀư brah dơi sa ndơ nây da dê tâm du ntŭk kloh ueh; nây jêng ndơ dŭt kloh ueh.

Nau Kơp Bunuyh 15:24

tơlah phung tâm rƀŭn lăn ƀư tih jêh ƀiălah mâu gĭt ôh, lĕ phung tâm rƀŭn mra nhhơr du mlâm ndrôk nkuăng rah dŏng ma ndơ ƀư brah gŭch geh n'hôl ƀâu kah nhhơr ma Brah Yêhôva, ndrel ma ndơ ƀư brah rnih môi jêh ri ndơ nhhơr nhêt jêh ri du mlâm be nkuăng jêng ndơ ƀư brah chuai nau tih.

Nau Kơp Bunuyh 5:5

Brah Yêhôva lah tay ma Y-Môis:

Nau Kơp Bunuyh 5:8

Tơlah bunuyh geh nau mhĭk nây mâu hôm jêh ri mâu geh mpôl băl dăch ndŭl deh gay dơn ndơ nây, pôri ndơ nây mra jêng ndơ Brah Yêhôva jêh ri jao ma kôranh ƀư brah, ntop đŏng padih du biăp nkuăng ma ndơ ƀư brah chuai nau tih ma bunuyh geh nau tih nây.

Nau Vay Nkah Tay 12:26

Bi ma mpô mpa khân may hŏ prăp êng jêh jêng mpa kloh ueh mâu lah lĕ ndơ nhhơr ƀư nanê̆ nau ton, pôri ăn khân may djôt leo tât ta ntŭk Brah Yêhôva hŏ săch jêh,

I Samuel 6:3

Khân păng plơ̆ lah: “Tơlah khân may mplơ̆ sĭt Hip Nau Tâm Rnglăp Brah Ndu Israel lơi mplơ̆ tay dơm ôh, ƀiălah mplơ̆ hom ăn ma Brah Ndu ndơ nhhơr chuai nau tih, jêh nây khân may mra dơi bah, jêh ri khân may mra gĭt mâm ti Păng mâu du tă bơh khân may.”