Kan Lêvi 5:13 - Nau Brah Ndu Ngơi 2023

¹³ Tâm ban pônây, kôranh ƀư brah mra ƀư nau rƀŭn chuai nau tih ăn ma nơm hŏ ƀư tih jêh du ntil nau, tâm lĕ ntil nau klơ aơ, jêh ri nau tih păng mra dơi yô̆ an. Rnih hôm e mra jêng ndơ ma kôranh ƀư brah de tâm ban ma ndơ ƀư brah rnih môi.”

Kan Lêvi 5:13 ပူးပေါင်းရင်းမြစ်များ

Ndrom Samƀŭt bơh Ôsê 4:8

Khân păng rêh bơh nau tih phung ƀon lan Gâp; Kơnh rŏng dôl phung ƀon lan Gâp ƀư tih.

Kan Lêvi 2:10

Bi ndơ hôm e bơh ndơ ƀư brah rnih môi jêng ndơ ma Y-Arôn de jêh ri phung kon bu klâu păng. Nĕ jêng ndơ dŭt kloh ueh sŏk bơh ndơ ƀư brah ăn ŭnh sa nhhơr ma Brah Yêhôva.

Kan Lêvi 2:3

Bi ndơ hôm e bơh ndơ ƀư brah rnih môi jêng ndơ ma Y-Arôn de jêh ri phung kon bu klâu păng. Nĕ jêng ndơ dŭt kloh ueh sŏk bơh ndơ ƀư brah ăn ŭnh sa nhhơr ma Brah Yêhôva.

Kan Lêvi 4:20

Ăn kôranh ƀư brah toyh lơn nhhơr ndrôk nây tâm ban ma nau bu nhhơr ndrôk tâm nau rƀŭn chuai nau tih. Tâm ban pônây, kôranh ƀư brah mra chuai nau tih ăn ma phung tâm rƀŭn jêh ri nau tih khân păng mra dơi yô̆ an.

Kan Lêvi 4:26

Păng ăt su lĕ rngôch ngi ta klơ nơng ƀư brah tâm ban ma nau gŭch ngi mpa ƀư brah tâm ndơ ƀư brah đăp mpăn. Tâm ban pônây, kôranh ƀư brah mra ƀư nau rƀŭn chuai nau tih ăn ma kôranh chiă uănh jêh ri nau tih păng mra dơi yô̆ an.

Kan Lêvi 4:31

Păng ăt hoal lĕ rngôch ngi tâm ban ma nau bu ƀư tâm ndơ ƀư brah đăp mpăn, jêh nây djôt gŭch ta klơ nơng ƀư brah, ƀư ma ndơ ƀư brah geh n'hôl ƀâu kah ƀư maak nuih n'hâm ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.

Kan Lêvi 5:10

Bi ma sĭm tal bar, kôranh ƀư brah mra nhhơr jêng ndơ ƀư brah gŭch tĭng nâm nau vay. Kơt nây, kôranh ƀư brah mra ƀư nau rƀŭn chuai nau tih, yor nau tih nơm nây hŏ ƀư jêh jêh ri păng mra dơi yô̆ an.

Kan Lêvi 5:12

Păng mra njŭn rnih nây tât ma kôranh ƀư brah; jêh ri kôranh ƀư brah mra sŏk du mbăt rnih nây djôt gŭch ta nơng ƀư brah, nđâp ma lĕ ndơ nhhơr ăn ŭnh sa nhhơr ma Brah Yêhôva. Mbăt rnih nây nkah ăn gĭt lĕ rngôch rnih jêng ndơ prăp ma Brah Yêhôva. Nĕ jêng ndơ ƀư brah chuai nau tih.

Kan Lêvi 5:14

Brah Yêhôva ntĭnh ma Y-Môis pô aơ:

Kan Lêvi 5:16

Ăn păng ntrok tay ndơ kloh ueh jêh ri mra ntop du kô̆ tâm prăm rnoh prăk ma ndơ mpa kloh ueh yor nau tih păng hŏ ƀư jêh, jêh nây jao ndơ nây ma kôranh ƀư brah. Kôranh ƀư brah mra dŏng biăp nkuăng jêng ndơ ƀư brah chuai nau ƀư tih gay chuai nau tih ma păng, jêh ri păng mra dơi yô̆ an.

Kan Lêvi 5:4

Tơlah du huê bunuyh lăn ngơi nau ton mra ƀư nau mhĭk mâu lah nau ueh, ngăch ton ăp ntil kan ƀiălah mâu mĭn, pakơi nĕ mơ păng gĭt năl, păng mra khan nau tih tâm lĕ nau nây.

Kan Lêvi 5:5

Pôri mbu nơm ƀư tih ma du ntil nau tâm lĕ nau ta klơ aơ, ăn păng mbơh nau tih păng hŏ ƀư jêh,

Kan Lêvi 5:6

jêh ri ăn păng djôt ndơ nhhơr ntrok nau tih gay nhhơr ma Brah Yêhôva jêng du mlâm biăp me mâu lah be me tă bơh mpô mpa rong gay ƀư ndơ ƀư brah chuai nau tih. Kôranh ƀư brah mra ƀư nau tâm rƀŭn chuai nau tih ăn ma păng.

Kan Lêvi 7:6

Lĕ rngôch bu klâu tâm rnăk vâl kôranh ƀư brah dơi sa ndơ nây da dê tâm du ntŭk kloh ueh; nây jêng ndơ dŭt kloh ueh.

I Kôrintô 9:13

Khân may mâu gĭt hĕ mbu nơm rvê pah kan tâm ngih brah mra sa ndơ nhhơr tâm ngih brah, bi mbu nơm rvê pah kan ta nơng ƀư brah geh ndơ bơh nơng ƀư brah nây lĕ ƀơh?

I Samuel 2:28

Gâp hŏ săch jêh ngih păng tă bơh lĕ rngôch phung ndŭl mpôl Israel, gay jan kôranh ƀư brah Gâp, nhhơr ndơ ƀư brah klơ nơng ƀư brah Gâp, gŭch ndơ ƀâu kah, jêh ri nsoh êphôt tanăp Gâp. Gâp hŏ ăn ma noi deh chô yau may prăp tâm du kô̆ tâm lĕ ndơ nhhơr bơh phung ƀon lan Israel gŭ tâm ŭnh nhhơr ma Gâp.