Kan Lêvi 5:11 - Nau Brah Ndu Ngơi 2023

¹¹ Tơlah păng mâu geh du kôp sĭm ntơp mâu lah du kôp plŭk kon, ăn păng njŭn leo du kilô rnih môi ba ƀlê gay ƀư ndơ ƀư brah chuai nau tih yor kan tih păng hŏ ƀư jêh; mâu dơi chê̆ dak ngi jêh ri mâu dơi dơm ndơ ƀâu kah ta klơ rnih nây, yorlah nĕ jêng du ndơ ƀư brah chuai nau tih.

Kan Lêvi 5:11 ပူးပေါင်းရင်းမြစ်များ

Nau Ngluh Êjipt 16:18

Ƀiălah dôl khân păng nhueh tĭng tâm bar lit, mbu nơm dônh âk mâu geh ôh lơ ir, jêh ri mbu nơm dônh djê̆ mâu đŏng pưt. Ăp nơm dônh ăn tâm di tŏng ma păng nơm sa.

Nau Ngluh Êjipt 16:36

Du ômer jêng du kô̆ tâm jât êpha.

Kan Lêvi 1:14

Tơlah ndơ nơm nây nhhơr ma Brah Yêhôva jêng du ndơ ƀư brah gŭch ma sĭm, ăn păng nhhơr sĭm ntơp mâu lah sĭm plŭk kon.

Kan Lêvi 12:8

Tơlah bu ur mâu tŏng nau dơi nhhơr du mlâm biăp kon, ăn păng nhhơr du kôp sĭm ntơp mâu lah du kôp plŭk kon, du mlâm prăp ma ndơ ƀư brah gŭch, du mlâm êng prăp ma ndơ ƀư brah chuai nau tih. Kôranh ƀư brah mra ƀư nau rƀŭn ƀư kloh ma păng jêh ri păng mra dơi kloh.’”

Kan Lêvi 14:21

Ƀiălah tơlah păng o ach, mâu tŏng nau dơi nhhơr lĕ ndơ nhhơr nây ôh, ăn păng nhŭp du mlâm biăp nkuăng dŏng ƀư ndơ ƀư brah chuai nau ƀư tih tĭng nau vay ƀư ndơ̆ đah aơ ndơ̆ đah ri gay chuai nau tih ma păng nơm ndrel ma du kilô rnih môi pot dak ngi jêng ndơ ƀư brah rnih môi jêh ri du kô̆ tâm pe lit dak ngi,

Kan Lêvi 27:8

Tơlah nơm dăn ton jêng ndĭt trơi ir, mâu dơi plơ̆ rnoh prăk hŏ veh jêh, bu mra njŭn păng tât tanăp kôranh ƀư brah. Kôranh ƀư brah mra veh rnoh ma păng tĭng nâm păng dơi geh.

Kan Lêvi 5:12

Păng mra njŭn rnih nây tât ma kôranh ƀư brah; jêh ri kôranh ƀư brah mra sŏk du mbăt rnih nây djôt gŭch ta nơng ƀư brah, nđâp ma lĕ ndơ nhhơr ăn ŭnh sa nhhơr ma Brah Yêhôva. Mbăt rnih nây nkah ăn gĭt lĕ rngôch rnih jêng ndơ prăp ma Brah Yêhôva. Nĕ jêng ndơ ƀư brah chuai nau tih.

Kan Lêvi 5:6

jêh ri ăn păng djôt ndơ nhhơr ntrok nau tih gay nhhơr ma Brah Yêhôva jêng du mlâm biăp me mâu lah be me tă bơh mpô mpa rong gay ƀư ndơ ƀư brah chuai nau tih. Kôranh ƀư brah mra ƀư nau tâm rƀŭn chuai nau tih ăn ma păng.

Kan Lêvi 5:9

jêh nây păng mra mbrih du kô̆ mham mpa ƀư brah chuai nau tih ta pĭt nơng ƀư brah, mham hôm e păng mra păt ăn hoch tâm dâng jâng nơng ƀư brah. Nĕ jêng ndơ ƀư brah chuai nau tih.

Kan Lêvi 6:20

“Aơ jêng ndơ Y-Arôn jêh ri phung kôranh ƀư brah jêng noi deh Y-Arôn mra nhhơr ma Brah Yêhôva tâm nar khân păng dơn bu tŏ dak ngi: Du kilô rnih ƀlê tâm ban ma du ndơ ƀư brah rnih môi bu vay nhhơr, ôi n'gul jêh ri măng n'gul.

Nau Kơp Bunuyh 5:15

nôk nây bu klâu nây njŭn ur păng tât tanăp kôranh ƀư brah jêh ri djôt leo bar lit rnih ba ôrgơ jêng ndơ ƀư brah ma ur păng. Sai mâu nkhŭt ôh dak ngi ma ndơ ƀư brah jêh ri mâu đŏng ăn ndơ ƀâu kah ta klơ ndơ nây, yorlah ndơ nây jêng ndơ ƀư brah rnih môi ma nau tâm ntôn, du ndơ ƀư brah rnih môi gay kah gĭt ma nau tih.

Nau Kơp Bunuyh 7:13

Ndơ nhhơr păng jêng du mlâm ngan jam prăk jâk du kilô n'gul, du mlâm ngan grưng jâk pham rhiăng gram, tĭng nâm sêkel tâm ntŭk kloh ueh; lĕ bar ndơ nây bêng ma rnih môi pach đah dak ngi dŏng ma ndơ ƀư brah rnih môi,

Luka 2:24

jêh ri nhhơr du kôp sĭm ntơp, mâu lah sĭm plŭk kon, nâm nau vay Kôranh Brah ntăm hŏ ntrŭnh jêh.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

ហេឞ្រើ 9:22

Tĭng nâm nau vay, ma lĕ rngôch ndơ ƀư kloh ma mham da dê; mâu nkhŭt mham, mâu geh nau yô̆ an ôh.